وەحی وه یوحەنا 14:10 - کتاب مقدس به زبان کردی جنوبی - گویش کلهوری

¹⁰ ئەو کەسیشه له شراو خەزەو خودا نوشید، شراوێ پڕ قەوەت و ناب که وەناو جام خەزەو ئەیو ڕشیاس. ئەو کەسیشه وه لاێ فریشتەیل موقەدەس و وه لاێ وەرکەگه وەگەرد ئاگر و گوگرد، عەزاو دوینید.

وەحی وه یوحەنا 14:10 ပူးပေါင်းရင်းမြစ်များ

ئنجیل مەتا 20:22

عیسا جواو دا: «ئیوه نيەزانين داواێ چه کین! تویەنين وه ئەو جامه که وه ئی زویه مه نوشم، بنوشین؟» وەتن: «تویەنیمن.»

ئنجیل مەتا 25:41

ئمجا وه ئەوانه که هانه لاێ چەپی ئویشێ: ”ئێ ئیوه که لانەت کریاینه، له لێم دویرەو بون و بکەفنه ناو ئاگر ئەبەدی که ئەڕا ئبلیس و فریشتەگانێ گورجەو بیه،

ئنجیل مەتا 26:39

ئمجا قێرێگ چیه نواتر، وه دەمەو کەفته بان زەوی و دوعا کرد: «ئێ باوگم، ئەگەر بود، ئی جامه له لێم دویرەو که؛ وەلێ نه وه خاست مه، بەڵکەم خاست تو وه جێ باێد.»

مەرقوس 8:38

چوینکه هەر کەس وەناو ئی نەتەوەێ داوانپێس و گوناکاره له من و قسیەیلم عارێ باێ، کوڕ ئنسانیش وەختێ که وه جەڵاڵ باوگ خوەێ وەگەرد فریشتەیل موقەدەس باێ له لێ عارێ تێی.»

مەرقوس 9:44

جێ که کرمێان نیەمرن و ئاگرەگه نیەکوشرێیدەو.

کاریل ڕەسولەیل 10:22

وەتن:«کورنلیوس فەرمانده هناردیەسەمان. ئەوه پیاێگ سالحانه و له خودا ڕخێ چود و گشت قەوم جویلەکە وه خاسێ ناوێ بەن. له لاێ فریشتەێگ موقەدەس ڕێنمایی بیه تا کل بکەێه شوند و دەنگد بکێده ئەڕا ماڵ خوەێ تا قسیەگاند بشنەفێ.»

دویم تسالونیکییل 1:7

تا ئیوه که بەرد کیشین و هەرئیجورەیشه وه ئیمه، ئارامی بێید. ئیه وەختێگ تێدە دی که خوداوەند عیسا وەگەرد فریشتەیل تویەناێ خوەێ وەگەرد ئاگر گڕانیگ له ئاسمانەو ئاشکرا بود.

یەهودا 1:7

هەر ئیجوره، شاریل سودوم و عەموره و شاریل دوروەور، که هەر جور ئەوانه خیزی کردن و کەفتنه شون هەوەسبازییلێگ که ئەڕا جەسه سریشتی نوی، وه کەفتن وه ژێر موجازات ئاگر ئەبەدی، بینه دەرس عبرەتێگ.

وەحی وه یوحەنا 15:7

ئمجا یەکیگ له ئەو چوار گیانەوەر زنیه، هەفت پیاڵەێ تەڵایی داده ئەو هەفت فریشته، نیقەڵتوز له توڕەیی خودا، هەر ئەو خوداێگ که تا ئەبەد و تا ئەبەد زنیه.

وەحی وه یوحەنا 16:19

شار گەورا بیه سێ کوتەو و شاریل ملەتیل ڕمیاده مل یەکەو، خودا بابڵ گەورا هاورد هویرێ تا وادارێ بکێ له ئەو جامه که پڕ له شراو خەزەو ئاگرین ئەیو بی، بخوێ.

وەحی وه یوحەنا 18:3

چوینکه گشت ملەتیل له شراو هەواوهەوەس خیزی ئەوه خواردنه و پادشایل زەوی وەگەردیەو خیزی کردنه و بازرگانیل زەوی له هێز زنەیی رەنگینێ دەوڵەمەنەو بینه.»

وەحی وه یوحەنا 18:6

هەرئەوجوره له جاێ بێەنێ پێ که ئەوه خوەێ داسه ئەو باقی مەردم؛ ئەڕا کارەگانێ، دو ئەوقره له جاێ بێەنێ پێ. وەناو پیاڵەێ شراوێ که خوەێ درس کردێه دو ئەوقره له جاێ بێەنێ پێ.

وەحی وه یوحەنا 19:15

جا شمشێر فره تێژێگ له دەمیەو تێده دەیشت، تا وەگەردیەو بێیده ملەتیل. «وەگەرد گوچانێگ ئاسنی وه ملێانەو حوکم کەی.» ئەیو ئەنگویر توڕەیی و خەزەو خوداێ هەر وه تویەنا وەناو کەوەڵ شراو پاوڵا کێ.

وەحی وه یوحەنا 19:20

ئەو گیانەوەر دڕنه وەگەرد ئەو پەێخەمەر دروەکانیه که وه لاێ ئەوه نیشانه و موجزەیل ئاشکرا کردوی، گیر هاتن. پەێخەمەر دروەکانی وەگەرد نیشانه و موجزەیل خوەێ کەسیلێگ گول دا که نیشانەێ ئەو گیانەوەر دڕنه گردوینه وەر و پێکەرەگەێ پەرەسیان. ئەوانه هەردگێان زنی فڕه دریانه ناو دەریاچەێ ئاگرێگ که وه گوگرد گڕانه.

وەحی وه یوحەنا 20:10

جا ئبلیس، که ئەوانه گول داوید، فڕه دریاده ناو دەریاچەێ ئاگر و گوگرد، شونێگ که ئەو گیانەوەر دڕنه و پەێخەمەر دروەکانیه فڕه دریاوین. ئیانه ڕوژ و شەو تا ئەبەد و تا ئەبەد عەزاو کیشن.

وەحی وه یوحەنا 20:14

جا مەرگ و جهان مردگیل فڕه دریانه ناو دەریاچەێ ئاگر. دەریاچەێ ئاگر، مەرگ دویمه.

وەحی وه یوحەنا 21:8

وەلێ نسیو زاورچیەیل و بی ئیمانیل و قیزهاوەریل و ئایەم کوشیل و خێزیل و جادوکەریل و بتپەرەسیل و گشت دروزنیل، دەریاچەێ گڕان وه ئاگر و گوگرده. ئیه مەرگ دویمه.»