وەحی وه یوحەنا 13:6 - کتاب مقدس به زبان کردی جنوبی - گویش کلهوری

⁶ جا دەم خوەێ و کفر کردن وه خودا واز کرد و وه ناو ئەیو و شونێ که ئەیو نیشتەجێه، یانێ وه ئەوانه که له ناو ئاسمان نیشتەجێین، کفر کردیاد.

وەحی وه یوحەنا 13:6 ပူးပေါင်းရင်းမြစ်များ

ئنجیل مەتا 12:34

ئێ هەفی زادەیل، ئیوه که شەڕئاشوین، چوی تویەنین قسیەێ خاس بکێن، چوینکه زوان له ئەو چشته ئویشێ که دڵ له لێ نیقەڵتوزه.

ئنجیل مەتا 15:19

چوینکه له دڵه که فکریل خراو، خوین‎کردن، داوانپێسی، خیزی، دزی، شاێەتی درو، بخت کردن تێدە دەیشت.

یوحەنا 1:14

کەلیمه بیه ئنسان و وەناومان نیشتەجێ بی. ئیمه جەڵاڵی دیمنه، جەڵاڵیگ شایسەێ ئەو تەنیا کوڕه که له لاێ باوگ ئاسمانی هاتوی. پڕ له فیز و ڕاسی.

رومیەگان 3:13

«قوڕگیان مینێده قەور وازێگ و زوانێان ئەڕا فریو داین وه کار بەن.» «ژار هەفی ها ژێر لێویلیان؛»

نامه وه کولوسییل 1:19

چوینکه گشت پڕی خودا خوەشنود بی که وەناو ئەیو نیشتەجێ بود و

نامه وه کولوسییل 2:9

چوینکه گشت پڕی خودا بوین، وه شێوەێ جەسەێ وەناو مەسیح نیشتەجێه،

عبرانییل 9:2

چوینکه دەوارێگ هەڵ دریاوی که له یەکم بەشەگەێ، چراخدان، میز و نانیگ بی که تەقدیس بی؛ وه ئی شونه وەتیان ’شون موقەدەس‘.

عبرانییل 9:24

چوینکه مەسیح نەچیه ناو موقەدەسترین شونێگ که وه دەس بەشەر درس کریاوی که نمونەێگ له چشتیل ڕاسەکانیه، بەڵکەم چیه ناو خود ئاسمان تا ئێرنگه له جێ ئیمه له لاێ خوداوه ئاشکرا بود.

وەحی وه یوحەنا 11:12

ئمجا شنەفتن که دەنگ بەرزێگ له ئاسمانەو وه پێان وەت: «باینه بان ئەڕا ئێره!» جا ئەوانه له نوای چەو دشمەنیلیان له ناو هەورێگ وەر‎و ئاسمان چینه بان.

وەحی وه یوحەنا 12:12

جا خوەشی بکێن ئێ ئاسمانیل و ئێ ئیوه که نیشتەجێیل ئەورەیلینه! وەلێ وی وه توێ ئێ زەوی و وی وه تو ئێ دەریا، چوینکه ئبلیس وەگەرد توڕەێ فرەێگ وه ملدانەو هاتیەسه خوار، چوینکه زانێد وەخت فرەێگ نێرێد.»

وەحی وه یوحەنا 15:5

جا وەشون ئیه دیم که مابەد، یانێ دەوار شاێەتی، وەناو ئاسمان واز بی.

وەحی وه یوحەنا 18:20

ئێ ئاسمان وه ملێەو خوەشی بکه! خوەشی بکێن ئێ ئیوه موقەدەسیل و ڕەسولەیل و نەبوەتکەریل! ئەڕا ئیه که خودا ئنتقامدان له ئەوه سەندێه.»

وەحی وه یوحەنا 21:3

له تەختەگه، دەنگ بەرزێگ شنەفتم که وەت: «بنوڕ، جیگەێ نیشتەجێ خودا ها گەرد ئایەمیل، ئەیو وەگەردێانەو نیشتەجێ بود؛ جا ئەوانه بونه قەوم ئەیو و خودا خوەێ ها گەردێانەو و بوده خوداێ ئیانه.

وەحی وه یوحەنا 4:1

جا وەشون ئیه نوڕستم و ئێرنگه وه نوای چەوم دەر واز کریاێگ وەناو ئاسمان بی و هەر ئەو دەنگ یەکم جاره که جور دەنگ شەیپورێگ بی و شنەفتویم وەگەردمەو قسیه کردوی، وەت: «بەوه بان ئەڕا ئێرا و مه ئەو چشته که له شون ئیه باێه هەڵبکەفێ، نیشاند دەم.»

وەحی وه یوحەنا 4:4

دەورادەور تەختەگه، بیس و چوار تەخت تریش بی که له بان ئەوانه بیس و چوار پیر دانیشتوین. ئەوانه دڵنگ چەرمگ له وەرێان و تاج تەڵا له بان سەریان بی.

وەحی وه یوحەنا 5:13

ئمجا شنەفتم هەر درسکریاێگ که ها ناو ئاسمان و ها له بان زەوی و ها له ژێر زەوی و ها له ناو دەریا، وەگەرد هەر چی که ها ناوێانەو، ئیجوره وەتیان: «ستایش و حرمەت و جەڵاڵ و هێز، تا ئەبەد و تا ئەبەد هن تەختنشینەگه و وەرکەگه بود.»

وەحی وه یوحەنا 7:15

هەر له ئی باوەتەسه که: «ئیانه هانه نوای تەخت خودا شەو و ڕوژ ئەیو له ناو مابەدەگەێ خزمەت کەن؛ ئەیو که دانیشێده بان تەختەگه، وەگەرد بین خوەێ سەرپەنا دەێده پێان.

وەحی وه یوحەنا 7:9

له شون ئەوه نوڕستم و ئێرنگه، جەماێەت فره گەوراێگ له هەر ملەتێگ، له گشت هوزیل و قەومیل و زوانیل دیم که هویچکەسێگ نیەتویەنستیاد بژمارێدیان و ئەوانه وه نوای تەختەگه و له نوای وەرکەگه وساوین. گشتێان بەتیەێ چەرمگ له وەرێان بی و پەلیل دار خورما وه دەسێانەو.