وەحی وه یوحەنا 13:5 - کتاب مقدس به زبان کردی جنوبی - گویش کلهوری

⁵ دەمێگ دریاویه ئەو گیانەوەر دڕنه تا قسیەيل قوزانه و هامیته وه کفر بکێ و ئجازه دریاده پێ تا دەسڵات خوەێ چل و دو مانگ وه کار بوێد.

وەحی وه یوحەنا 13:5 ပူးပေါင်းရင်းမြစ်များ

دویم تسالونیکییل 2:3

مەیلن هویچکەسێگ وه هویچ ڕێیگ گولدان بێید. چوینکه تا یەکم جار ئەو ئاژاوە وه زد خودا نایده دی و ئەو پیا بی دینه که مناڵ نابودیه ئاشکرا نود، ئەو ڕوژه نیەرەسێد.

دویم تسالونیکییل 2:4

ئەوه له نوای هەر چی که خودا خوەنریەد و پەرەسیەد، وسێد و خوەێ نێده بانتر، جوری که له ناو مابەد خودا دانیشێد و خوەێ وه خودا ناسنێد.

دویم تسالونیکییل 2:8

ئەو وەخته ئەو بی دینه ئاشکرا بود، هەر ئەوه که خوداوەند عیسا وه هەناس دەم خوەێ ئەوه کوشێد و وەگەرد شکوی هاتن خوەێ، ئەوه له بین بید.

وەحی وه یوحەنا 11:7

وەختێ ئەوانه شاێەتی خوێان وه ئاخر رەسانن، ئەو گیانەوەر دڕنه که له چاێ هاویه تێدە دەیشت، وەگەردێانەو کەێدەێ جەنگ و وه مل ئەوانه زاڵەو بود و کوشێدیان.

وەحی وه یوحەنا 12:14

وەلێ دو باڵ ئەو هەڵو گەورا وه ئەو ژنه دریاد تا له ئەو ماره، وه جیگەێ وەناو بیاوان باڵەو بگرێد که ئەڕاێ گورجەو بویه، تا ئەڕا زەمانێگ و زەمانیلێگ و کوته زەمانێگ له ئەوره بپارێزێید.

وەحی وه یوحەنا 12:6

جا ژنەگه وەرەو بیاوان، وه شونێگ که خودا ئەڕاێ گورجەو کردوی، دەرچی تا له ئەوره وه ماوەێ هەزار و دویس و شەس ڕوژ بپارێزننێ.

وەحی وه یوحەنا 13:7

ئجازه دریاده پێ که وەگەرد ئیمانداریل وه مەسیح بجەنگێ و وه ملێانەو زاڵەو بود؛ وه سەر هەر هوز و قەوم و زوان و ملەت دەسڵات دریاده پێ.