وەحی وه یوحەنا 13:17 - کتاب مقدس به زبان کردی جنوبی - گویش کلهوری

¹⁷ تا هویچکەسێگ نەتویەند، بسێنێد یا بفروشێد، مەر ئیه که ئەو نیشانه بیاشتود که ئەو نیشانه، یا ناو ئەو گیانەوەر دڕنه بی، یا ژمارەێ ناوێ.

وەحی وه یوحەنا 13:17 ပူးပေါင်းရင်းမြစ်များ

نامه وە غەلاتییل 6:17

لەئیەودویا کەسێگ پەشێوم نەکێ، چوینکه مه وه جەسەم داخیل عیسا دێرم.

وەحی وه یوحەنا 13:16

هەر ئیجوریشه، گشتیەکی، له ورد و زرو، دارا و نەێار، ڕزگار و خوڵام وادار کرد تا وه مل دەس ڕاسیان یا وه مل تەخت تێوڵیان نیشانه بیلن.

وەحی وه یوحەنا 13:18

ئیه زانیاری تواید. هەر کەسێگ که فام دێرێ، بیل تا ژمارەێ ئەو گیانەوەر دڕنه حساو بکێد، ئەڕا ئیه که ئەوه، ژمارەێ ئنسانه. ژمارەێ ئەوه شەشسەد و شەس و شەشه.

وەحی وه یوحەنا 14:11

جا دویکەڵ عەزاو ئەوانه تا ئەبەد و تا ئەبەد چوده بان. ئەڕا ئەوانه که ئەو گیانەوەر دڕنه و پێکەرەگەێ پەرەسن و ئەڕا هەر کەسێگ که نیشان ناوێ وەرگرێ، نه ڕوژ و نه شەو ئارامی نیه.»

وەحی وه یوحەنا 14:9

فریشتەێگتر یانێ فریشتەێ سێیەم له شون ئەو دوانه هات، وه دەنگ بەرز وەت: «ئەگەر کەسێگ ئەو گیانەوەر دڕنه و پێکەرەگەێ بپەرەسێد و نیشانەێ ئەوه له بان تەخت تێوڵ یا له بان دەسیەو وەربگرید،

وەحی وه یوحەنا 15:2

جا چشتێگ دیم که مینستیاده دەریاێگ له شیشه که هامیته وه ئاگر بی، هەرئیجوره له لاێ دەریاێگ له شیشه کەسیلێگ وه سەر پاوەو دیم که وه مل گیانەوەر دڕنه و پێکەرەگەێ و ژمارەێ ناوێ زاڵەو بوین. ئیانه چەنگیلێگ له دەسێانەو بی که خودا داویدەێ پێان.

وەحی وه یوحەنا 17:5

ئی ناو مەرموزه له تەخت تێوڵ ئەوه نویسریاوید: «بابڵ گەورا، داڵگ داوانپێسیل و پێسییل زەوی.»

وەحی وه یوحەنا 20:4

جا تەختیلێگ دیم که له بان ئەوانه کەسیلێگ دانیشتوین که دەسڵات داوەری دریاویه پێان. هەر ئیجوره گیانیل کەسیلێگ دیم که سەریان له ڕێ شاێەتی وه عیسا و له ڕێ کەڵام خودا، له جەسەیان جیاوه‎ بوی. ئیانه ئەو گیانەوەر دڕنه یا پێکەرەگەێ پەرەسش نەکردوین و نیشانەێ ئەوه وه بان تەخت تێوڵ یا وه بان دەسیلێان نەگردوینه وەر. ئیانه وه دواره زنیەو بین و وەگەرد مەسیح هەزار ساڵ سەڵتەنەت کردن.

وەحی وه یوحەنا 22:4

ئەوانه ڕوی ئەیو دوینن و ناوێ ها بان تەخت تێوڵیان.

وەحی وه یوحەنا 3:12

هەر کەسێگ بوێدەو، ئەوه کەمه کوڵەکەیگ له ناو مابەد خوداێ خوەم. ئەوه هەراێهەر ئەوره نێلیده جێ. وه ملێەو ناو خوداێ خوەم و ناو شار خوداێ خوەم، یانێ ئورشەلیم تازه که له لاێ خودا خوەم له ئاسمان تێدە خوار، نویسم و ناو تازه خوەم نویسم.

وەحی وه یوحەنا 7:3

وەته پێان: «وەرجه ئەوه که تەخت تێوڵ خزمەتکاریل خودامان مور بکێم، وه زەوی یا دەریا یا داریل زەرەر نەرەسنین.»