وەحی وه یوحەنا 13:16 - کتاب مقدس به زبان کردی جنوبی - گویش کلهوری

¹⁶ هەر ئیجوریشه، گشتیەکی، له ورد و زرو، دارا و نەێار، ڕزگار و خوڵام وادار کرد تا وه مل دەس ڕاسیان یا وه مل تەخت تێوڵیان نیشانه بیلن.

وەحی وه یوحەنا 13:16 ပူးပေါင်းရင်းမြစ်များ

کاریل ڕەسولەیل 26:22

وەلێ تا وه ئیمڕو، خودا مەیەتم داس و ئێرنگه وسامەسه ئێرا و وه گشتیەکی له ورد و زرو شاێەتی دەم. بێجگه ئەو چشته که پەێخەمەریل و موسای پەێخەمەر وەتنه که باێه هەڵبکەفێ چشتێ نەوەتم:

یەکم قورنتییل 12:13

چوینکه گشتمان، چ جویلەکە و چ یونانی، چ خوڵام و چ ڕزگار، وەناو یە روح خوسڵ تەعمید گردیمنه تا یە جەسه درس بکێم؛ جا گشتمان له یە روح نوشایمنه.

نامه وە غەلاتییل 3:28

دیتر نه جویلەکە مانا دێرێ نه یونانی، نه خوڵام نه ڕزگار، نه پیا نه ژن، چوینکه ئیوه گشتدان وەناو مەسیح عیسا یەکیگین.

نامه وە غەلاتییل 6:17

لەئیەودویا کەسێگ پەشێوم نەکێ، چوینکه مه وه جەسەم داخیل عیسا دێرم.

ئەفسوسیێل 6:8

چوینکه زانين خوداوەند وه هەر کەسێگ دەسخوەشانەێ گشت کاریل خاسێ دێ، تواێ خوڵام بود، تواێ ڕزگار.

نامه وه کولوسییل 3:11

وەناو ئی ئایەم تازه نه یونانی نه جویلەکە نه خەتەنه کریاێ نه خەتەنه نەکریای نه بەربەر نه سەکایی نه خوڵام نه ڕزگار دیتر مانا نێرید، بەڵکەم مەسیح گشت چشتێگەو ها ناو گشتیەکیگ.

دویم تیموتاوس 3:8

هەر ئەوجورە که یەنیس و یەمبریس له نوای موسا هەڵسان، ئی پیاێلیشه که فکرێگ گەنیاێ و ئیمانێگ ڕفوزه دێرن، لەنواێ ڕاسی وسن.

وەحی وه یوحەنا 11:18

ملەتیل توڕه بین، وەلێ وەخت توڕه بوین تو ڕەسیه، وەخت ئەوه ڕەسیه که مردگیل داوەری بون و دەسخوەشانه بێرێیده خزمەتکاریل توی یانێ وه پەێخەمەریل و ئیمانداریل وه مەسیح و ئەوانه که له ناو تو رخێان چود و حرمەت ناو توی پارێزنن، له ورد و له زرو، وەخت ئەوه ڕەسیه کەسیلێگ که زەوی له بین بەن، له بین بچن.»

وەحی وه یوحەنا 15:2

جا چشتێگ دیم که مینستیاده دەریاێگ له شیشه که هامیته وه ئاگر بی، هەرئیجوره له لاێ دەریاێگ له شیشه کەسیلێگ وه سەر پاوەو دیم که وه مل گیانەوەر دڕنه و پێکەرەگەێ و ژمارەێ ناوێ زاڵەو بوین. ئیانه چەنگیلێگ له دەسێانەو بی که خودا داویدەێ پێان.

وەحی وه یوحەنا 19:18

تا له گوشت پادشایل و فەرماندەییل و هێزداریل بخوین و له گوشت ئەسپیل و سواریلێان و له گوشت هەر ئنسانێگ، له ڕزگار و خوڵام و ورد و زرو.»

وەحی وه یوحەنا 19:20

ئەو گیانەوەر دڕنه وەگەرد ئەو پەێخەمەر دروەکانیه که وه لاێ ئەوه نیشانه و موجزەیل ئاشکرا کردوی، گیر هاتن. پەێخەمەر دروەکانی وەگەرد نیشانه و موجزەیل خوەێ کەسیلێگ گول دا که نیشانەێ ئەو گیانەوەر دڕنه گردوینه وەر و پێکەرەگەێ پەرەسیان. ئەوانه هەردگێان زنی فڕه دریانه ناو دەریاچەێ ئاگرێگ که وه گوگرد گڕانه.

وەحی وه یوحەنا 19:5

ئمجا دەنگێگ له تەختەگه دەر هات که وەتیا: «خوداێ ئیمه ستایش بکەن، ئێ ئیوه، گشت خزمەتکاریل ئەیو، ئێ ئیوه، که له لێ زاوردان چود، له ورد و له زرو!»

وەحی وه یوحەنا 20:12

جا مردگیل دیم، چ زرو و چ وردو، که له وەر دەم تەختەگه وساوین و دەفتەریل واز بی. ئمجا دەفتەرێگ تر واز بی که دەفتەر ژیانه. مردگیل وه پێ کردەوەیلێان، وه ڕوی ئەو چشته که وەناو ئەو دەفتەریله نویسریاوی، داوەری بین.

وەحی وه یوحەنا 20:4

جا تەختیلێگ دیم که له بان ئەوانه کەسیلێگ دانیشتوین که دەسڵات داوەری دریاویه پێان. هەر ئیجوره گیانیل کەسیلێگ دیم که سەریان له ڕێ شاێەتی وه عیسا و له ڕێ کەڵام خودا، له جەسەیان جیاوه‎ بوی. ئیانه ئەو گیانەوەر دڕنه یا پێکەرەگەێ پەرەسش نەکردوین و نیشانەێ ئەوه وه بان تەخت تێوڵ یا وه بان دەسیلێان نەگردوینه وەر. ئیانه وه دواره زنیەو بین و وەگەرد مەسیح هەزار ساڵ سەڵتەنەت کردن.

وەحی وه یوحەنا 6:15

ئمجا پادشایل زەوی و گەورایل و سپاسالارێل و دەوڵەمەنیل و هێزداریل و هەرکەس، هەم خوڵام و هەم ڕزگار وەناو ئشکەفتیل و وەناو تاش کەمەریل، خوێان شاردنەو.

وەحی وه یوحەنا 7:3

وەته پێان: «وەرجه ئەوه که تەخت تێوڵ خزمەتکاریل خودامان مور بکێم، وه زەوی یا دەریا یا داریل زەرەر نەرەسنین.»