وەحی وه یوحەنا 13:14 - کتاب مقدس به زبان کردی جنوبی - گویش کلهوری

¹⁴ وەگەرد نیشانه و موجزەیلێ که ئجازه داشت وه جێ ئەو گیانەوەر دڕنەی یەکمه ئاشکرا بکێد، نیشتەجێیل زەوی فریو دا و وەته پێان که پێکەرێگ له ئەو گیانەوەر دڕنه درس بکەن که وه شمشێر زام خواردوی، وەلێ هێمراێ زنی بی.

وەحی وه یوحەنا 13:14 ပူးပေါင်းရင်းမြစ်များ

دویم تسالونیکییل 2:4

ئەوه له نوای هەر چی که خودا خوەنریەد و پەرەسیەد، وسێد و خوەێ نێده بانتر، جوری که له ناو مابەد خودا دانیشێد و خوەێ وه خودا ناسنێد.

وەحی وه یوحەنا 12:9

ئەژدەهاێ گەورا فڕه دریاده خوار، هەر ئەو مار جارانه که ئبلیس و شەیتان ناویه و گشت جهان فریو دێ. ئەوه و فریشتەیلێ فڕه دریانه بان زەوی.

وەحی وه یوحەنا 13:1

ئمجا دیم گیانەوەر دڕنەێگ له دەریا تێده دەیشت. ده گله شاخ داشت و هەفت گله سەر، وەگەرد ده گله تاج وه بان شاخیلێ؛ له بان هەر سەری ناوێگ هامیته وه کفر نویسریاوید.

وەحی وه یوحەنا 13:15

ئجازه دریاده پێ که له هەناس خوەێ پف بکێده پێکەر گیانەوەر دڕنەگه تا پێکەر ئەو گیانەوەر دڕنه تەنانەت بتویەنێ قسیه بکێ و بایس کوشتن کەسیلێگ بود که پێکەر گیانەوەر دڕنه پەرەسش نیەکەن.

وەحی وه یوحەنا 13:8

گشت نیشتەجێیل زەوی ئەو گیانەوەر دڕنه پەرەسن، یانێ گشت کەسیلێگ که ناوێان له دامەزرانن جهان لەناو دەفتەر زنەیی نەنویسریاس که هن ئەیو وەرک سەر بڕیاێەسه.

وەحی وه یوحەنا 14:11

جا دویکەڵ عەزاو ئەوانه تا ئەبەد و تا ئەبەد چوده بان. ئەڕا ئەوانه که ئەو گیانەوەر دڕنه و پێکەرەگەێ پەرەسن و ئەڕا هەر کەسێگ که نیشان ناوێ وەرگرێ، نه ڕوژ و نه شەو ئارامی نیه.»

وەحی وه یوحەنا 14:9

فریشتەێگتر یانێ فریشتەێ سێیەم له شون ئەو دوانه هات، وه دەنگ بەرز وەت: «ئەگەر کەسێگ ئەو گیانەوەر دڕنه و پێکەرەگەێ بپەرەسێد و نیشانەێ ئەوه له بان تەخت تێوڵ یا له بان دەسیەو وەربگرید،

وەحی وه یوحەنا 15:2

جا چشتێگ دیم که مینستیاده دەریاێگ له شیشه که هامیته وه ئاگر بی، هەرئیجوره له لاێ دەریاێگ له شیشه کەسیلێگ وه سەر پاوەو دیم که وه مل گیانەوەر دڕنه و پێکەرەگەێ و ژمارەێ ناوێ زاڵەو بوین. ئیانه چەنگیلێگ له دەسێانەو بی که خودا داویدەێ پێان.

وەحی وه یوحەنا 16:13

ئمجا دیم سێ روح ناپاک که جور غورواق بین له دەم ئەژدەها و له دەم ئەو گیانەوەر دڕنه و له دەم پەێخەمەر دروەکانی هاتنه دەیشت.

وەحی وه یوحەنا 16:2

جا فریشتەێ یەکم چی و پیاڵەگەێ خوەێ ڕشانه مل زەویا؛ زامیل پێسیگ که پڕ له ژان بی وه مل جەسەێ مەردمێگ که نیشانەێ ئەو گیانەوەر دڕنه داشتن و پێکەر ئەوه پەرەسیان، دیار دا.

وەحی وه یوحەنا 18:23

دیتر نویر هویچ چراخێگ وەناو توی نیەدرەوشێید؛ دیتر دەنگ هویچ وەوی و هویچ زاواێگ وەناو توی وه گوش نیەرەسێد. چوینکه بازرگانیل تو پیاێل گەوراێ زەوی بین و وه فێڵ جادو تو، ملەتیل گشتێان فریو خواردن.

وەحی وه یوحەنا 19:20

ئەو گیانەوەر دڕنه وەگەرد ئەو پەێخەمەر دروەکانیه که وه لاێ ئەوه نیشانه و موجزەیل ئاشکرا کردوی، گیر هاتن. پەێخەمەر دروەکانی وەگەرد نیشانه و موجزەیل خوەێ کەسیلێگ گول دا که نیشانەێ ئەو گیانەوەر دڕنه گردوینه وەر و پێکەرەگەێ پەرەسیان. ئەوانه هەردگێان زنی فڕه دریانه ناو دەریاچەێ ئاگرێگ که وه گوگرد گڕانه.

وەحی وه یوحەنا 2:10

له رەنجێگ که ڕوی کیه پێد، ڕخد نەچود. بنوڕ، ئبلیس تواێ بڕێگ لەلێدان بخێده زندان تا ئەزموندان بکێد و ده ڕوژ بەرد کیشێد. وەلێ تا وه مەرگ وەفادار بمێن که مه تاج زنەیی بەخشمه پێد.

وەحی وه یوحەنا 20:10

جا ئبلیس، که ئەوانه گول داوید، فڕه دریاده ناو دەریاچەێ ئاگر و گوگرد، شونێگ که ئەو گیانەوەر دڕنه و پەێخەمەر دروەکانیه فڕه دریاوین. ئیانه ڕوژ و شەو تا ئەبەد و تا ئەبەد عەزاو کیشن.

وەحی وه یوحەنا 3:10

وه بونەێ ئیه که قسیه مه له باوەت سەور و بەردەوام بین پارێزانیده، منیش توی له سات ئەزمونێگ که وه سەر تەمام جهان تێد تا نیشتەجێیل زەوی ئەزمون بکێد، پارێزنم.