وەحی وه یوحەنا 13:13 - کتاب مقدس به زبان کردی جنوبی - گویش کلهوری

¹³ نیشانه و موجزەیل فره گەوراێگ له گیانەوەر دڕنەێ دویم ئاشکرا بیاد؛ تەنانەت سەوەو بیاد وه نوای چەو مەردم ئاگر له ئاسمانەو بوارنێده مل زەویا.

وەحی وه یوحەنا 13:13 ပူးပေါင်းရင်းမြစ်များ

ئنجیل مەتا 16:1

قێرێ له زانایل فرقەێ فەریسی و زانایل فرقەێ سەدوقی هاتنه ئەڕا لاێ عیسا تا ئەزمونێ بکەن، له لێ داوا کردن تا نیشانەێگ ئاسمانی نیشانیان بێی.

ئنجیل مەتا 24:24

چوینکه مەسیحیل دروەکانی و پەێخەمەریل دروەکانی تیەن و نیشانەیل و موجزەیل گەورا تیەرن تا ئەگەر بکرێ، تەنانەت هەڵوژاردەگان له ڕێ دەر بکەن.

مەرقوس 13:22

چوینکه مەسیحیل دروەکانی و پەێخەمەریل دروەکانی ئاشکرا بون و نیشانەیل و موجزەیل تیەرن تا ئەگەر بکرێ، هەڵوژاردەگان گومڕا بکەن.

دویم تیموتاوس 3:8

هەر ئەوجورە که یەنیس و یەمبریس له نوای موسا هەڵسان، ئی پیاێلیشه که فکرێگ گەنیاێ و ئیمانێگ ڕفوزه دێرن، لەنواێ ڕاسی وسن.

وەحی وه یوحەنا 11:5

ئەگەر کەسێگ بتواێ زەرەرێگ وه پێان برەسنێ، ئاگر له دەمیانەو بڵێزه کیشێد و دشمەنیلیش سزنێد و کەێده خوڵەکەو. ئەگەر کەسێگ بتواێ زەرەر وە پێان برەسنێد، وه ئیجوره باێه بکوشرێی.

وەحی وه یوحەنا 16:14

چوینکه ئیانه روحیل شەیتانین که نیشانه و موجزەیل ئاشکرا کەن و چنه ئەڕا لاێ پادشایل سەرئانسەر جهان تا ئەوانه ئەڕا شەڕ وه ڕوژ گەوراێ خوداێ هەر وه تویەنا وه دەور یەکەو گردەو بکەن.

وەحی وه یوحەنا 19:20

ئەو گیانەوەر دڕنه وەگەرد ئەو پەێخەمەر دروەکانیه که وه لاێ ئەوه نیشانه و موجزەیل ئاشکرا کردوی، گیر هاتن. پەێخەمەر دروەکانی وەگەرد نیشانه و موجزەیل خوەێ کەسیلێگ گول دا که نیشانەێ ئەو گیانەوەر دڕنه گردوینه وەر و پێکەرەگەێ پەرەسیان. ئەوانه هەردگێان زنی فڕه دریانه ناو دەریاچەێ ئاگرێگ که وه گوگرد گڕانه.

وەحی وه یوحەنا 20:9

ئیانه وه مل پاناێ زەوی چینه نوا و دەور ئوردوگاه موقەدەسیل و ئەو شار عەزیزه گردن. وەلێ ئاگر له ئاسمانەو هاته خوار و ئەوانه سزان و کرده خوڵەکەو.