وەحی وه یوحەنا 13:10 - کتاب مقدس به زبان کردی جنوبی - گویش کلهوری

¹⁰ ئەگەر کەسێگ باێه وه گیرودەێ بچود، وه گیرودەێ چود. ئەگەر کەسێگ باێه وه شمشێر بکوشرێید، جا باێه وه شمشێر بکوشرێید. ئی کاره، بەردەوام بوین ئیمانداریل وه مەسیح تواید و ئیمان ئەوانه.

وەحی وه یوحەنا 13:10 ပူးပေါင်းရင်းမြစ်များ

ئنجیل مەتا 26:52

عیسا وەپێ وەت: «شمشێرەگەد غەڵافی که؛ «چوینکه هەر کەسێگ شمشێر بکیشێ، وه شمشێریش کوشرێی.

ئنجیل مەتا 7:2

چوینکه هەر ئەو جوره که مەردم داوەری کەین، ئیوەیش داوەری کرێین، وەگەرد هەر پەێمانەێگ بکیشین، ئەڕادان کیشێید.

لوقا 21:19

تاقەت بارن، که گیان خوەدان نجات دین.

نامه وه کولوسییل 1:11

وه گشت هێزێ که له تویەنایی پڕ جەڵاڵ ئەیو سەرچاوه گری وه هێزەو بوین تا وه خوەشی، بەردەوامی و سەور تەمام بیاشتوین و

عبرانییل 6:12

تا لەمتی نوین، بەڵکەم له کەسیلێگ نمونه بگرن که له ڕێ ئیمان و سەور بونه میراتیخوەر وادەگان.

وەحی وه یوحەنا 1:9

مه یوحەنا، براێ ئیوه، که له ناو بەرد و له ناو پادشاێ و له ناو سەور و بەردەوام بوینی که وه ناو عیسا هن ئیمەس، وەگەردانەو‎و هاوبەشم، وه بونەێ کەڵام خودا و شاێەتی عیسا، وه جەزیرەێگ وه ناو پاتموس بیم.

وەحی وه یوحەنا 11:18

ملەتیل توڕه بین، وەلێ وەخت توڕه بوین تو ڕەسیه، وەخت ئەوه ڕەسیه که مردگیل داوەری بون و دەسخوەشانه بێرێیده خزمەتکاریل توی یانێ وه پەێخەمەریل و ئیمانداریل وه مەسیح و ئەوانه که له ناو تو رخێان چود و حرمەت ناو توی پارێزنن، له ورد و له زرو، وەخت ئەوه ڕەسیه کەسیلێگ که زەوی له بین بەن، له بین بچن.»

وەحی وه یوحەنا 14:12

ئیه بەردەوام بین ئیمانداریل وه مەسیح تواید، هەر ئەوانه که حوکمیل خودا و ئیمانێان وه عیسا پارێزنن.

وەحی وه یوحەنا 16:6

چوینکه ئەوانه خوین موقەدەسیل و پەێخەمەریل ڕشاننه، جا وه ئەوانه خوین دایده تا بنوشن که سزاێان هەر ئیەسه!»

وەحی وه یوحەنا 17:11

ئەو گیانەوەر دڕنه که زەمانێگ بیەسێ و ئێرنگه نیەسەێ، پادشا هیشتمه. وەلێ وه ئەو هەفت نەفەره تالوق دێرێ و وەرەو نابودی چود.

وەحی وه یوحەنا 17:8

ئەو گیانەوەر دڕنه که دیده، زەمانێگ بیەسێ‎، ئێرنگه نێەسێ، وه ئی زویه له چاێ هاویه دەر تێد و وەرەو نابودی چود. له نیشتەجێیل زەوی ئەوانه که ناوێان له وەخت دامەزرانن جهان له ناو دەفتەر زنەیی نەنویسریاس، وەختێ ئەو گیانەوەر دڕنه دوینن، سەریان سڕ مینێد، چوینکه زەمانێگ بیەسێ، ئێرنگه نێەسێ و تێد.

وەحی وه یوحەنا 2:19

مه له کاریل و مابەت و ئیمان و خزمەت و سەور و بەردەوام بین توی خەوەر دێرم و ئاگادارم که کاریل ئاخرد له کاریل یەکم جارد فرەتره.

وەحی وه یوحەنا 2:2

خەوەر کاریلد دێرم و له زامەت و سەور و بەردەوام بویند ئاگادارم. زانم که نیەتویەنی شەڕئاشویل تاموڵ بکێ، بەڵکەم کەسیلێگیش که خوێان وه ڕەسول زانن وەلێ نین، دایدەسێانه سەر‎نج و فامیده که ئەوانه دروزنن.

وەحی وه یوحەنا 3:10

وه بونەێ ئیه که قسیه مه له باوەت سەور و بەردەوام بین پارێزانیده، منیش توی له سات ئەزمونێگ که وه سەر تەمام جهان تێد تا نیشتەجێیل زەوی ئەزمون بکێد، پارێزنم.

وەحی وه یوحەنا 3:3

جا ئەو چشته که گردیده و شنەفتیدە، باره هویرد؛ ئەوه بپارێزن و توبه بکه. ئەگەر له خەو هەڵنەڵسێد، جور دزێگ تیەم و نیەزانێد چ ساتێگ تیەمه ئەڕاد.