وەحی وه یوحەنا 12:5 - کتاب مقدس به زبان کردی جنوبی - گویش کلهوری

⁵ ئەو ژنه کوڕێگ هاورده دنیا، کوڕێگ که باێه وەگەرد گوچان ئاسنی وه مل گشت ملەتیل حوکم بکێ. وەلێ مناڵەگەێ قەپانیاد و بڕیاده ئەڕا لاێ خودا و تەختەگەێ ئەیو.

وەحی وه یوحەنا 12:5 ပူးပေါင်းရင်းမြစ်များ

ئنجیل مەتا 1:25

وەلێ وەگەردیەو نەخەفت تا وەختێ کوڕەگەێ هاورده دنیا؛ جا یوسف ناوێ ناده عیسا.

مەرقوس 16:19

خوداوەند عیسا وەشون ئیه که ئی قسیەیله وەپێان وەت، بڕیاده ئاسمان بەرز و نیشته دەس ڕاس خودا.

دویم قورنتییل 12:2

یەکیگ ناسم که ها ناو مەسیح، چوارده ساڵ وەرجه ئیه ڕفیاده ئاسمان سێیەم. نيەزانم وەگەرد جەسەوه چیه ئاسمان یا بی جەسه، خودا زانی.

دویم قورنتییل 12:4

و چشتیلێگ شنەفت که نیود تاریفێ بکی، که قسیه کردن له ئەوانه ئەڕا ئایەم ڕەوا نیه.

وەحی وه یوحەنا 11:12

ئمجا شنەفتن که دەنگ بەرزێگ له ئاسمانەو وه پێان وەت: «باینه بان ئەڕا ئێره!» جا ئەوانه له نوای چەو دشمەنیلیان له ناو هەورێگ وەر‎و ئاسمان چینه بان.

وەحی وه یوحەنا 12:13

وەختێ ئەژدەها دی که کەفتیەسه بان زەوی، کەفته شون ئەو ژنه که ئەو مناڵ کوڕه زاوید.

وەحی وه یوحەنا 12:2

ژنەگه زگێ پڕ بی و له ژان زایێن و عەزاو زایێن قیژەێ بەرزەو بی.

وەحی وه یوحەنا 19:15

جا شمشێر فره تێژێگ له دەمیەو تێده دەیشت، تا وەگەردیەو بێیده ملەتیل. «وەگەرد گوچانێگ ئاسنی وه ملێانەو حوکم کەی.» ئەیو ئەنگویر توڕەیی و خەزەو خوداێ هەر وه تویەنا وەناو کەوەڵ شراو پاوڵا کێ.