وەحی وه یوحەنا 12:4 - کتاب مقدس به زبان کردی جنوبی - گویش کلهوری

⁴ دمێ سێ کوتی هەسارەیل ئاسمان گزێ دا و ڕشانی مل زەویا. ئەژدەها له وەر دەم ئەو ژنه که نزیک زاینی بی وساد، وه ئی مەبەسته تا که مناڵەگەێ باێه دنیا، قویرتی بێید.

وەحی وه یوحەنا 12:4 ပူးပေါင်းရင်းမြစ်များ

یوحەنا 8:44

ئیوه وه باوگدان ئبلیس تالوق دێرین و تواین خاستەیل باوگدان وەجێ بارین. ئەوه له سەرەتاوه خوینکەر بی و وەگەرد ڕاسیەو میانەێگ نێرید، چوینکه هویچ ڕاسی وەناوێ نیه. هەر وەخت درو ئویشێ، له زات خوەێ ئویشێ؛ ئەڕا ئیه که دروزنه و باوگ گشت درویله.

یەکم پتروس 5:8

جا هوشیار بوین، هوشدان بود. دشمەندان ئبلیس هەر جور شێرێگ که قیڕنێد و خڕ خوێد وەشون کەسێگ گەردێد تا قویرتی بێید.

وەحی وه یوحەنا 12:7

ئێرنگه جەنگێگ له ناو ئاسمان کەفته ڕێ. میکائیل و فریشتەیلێ وەگەرد ئەژدەها کردنێ جەنگ و ئەژدەها و فریشتەیلێ وه نوای ئەوانه ئەڕا جەنگ وسان،

وەحی وه یوحەنا 12:9

ئەژدەهاێ گەورا فڕه دریاده خوار، هەر ئەو مار جارانه که ئبلیس و شەیتان ناویه و گشت جهان فریو دێ. ئەوه و فریشتەیلێ فڕه دریانه بان زەوی.

وەحی وه یوحەنا 13:2

ئەو گیانەوەر دڕنه که مه دیم مینستیاده پەڵەنگێگ، پایلێگ جور پاێ خرس داشت و دەمێ جور دەم شیر. ئەژدەها هێز خوەێ و تەخت خوەێ و دەسڵات فره گەوراێگ داده ئەو گیانەوەر دڕنه.

وەحی وه یوحەنا 13:4

ئایەمیل ئەژدەهاگە پەرەسیان چوینکه وه ئەو گیانەوەر دڕنه دەسڵات خوەێ بەخشاوید. هەر ئیجوره ئەو گیانەوەر دڕنەیشه پەرەسیان و پرسیان: «کیه که بوده جور ئی گیانەوەر دڕنه؟ کیه که بتویەنێ وەگەردیەو بجەنگێ؟»

وەحی وه یوحەنا 16:13

ئمجا دیم سێ روح ناپاک که جور غورواق بین له دەم ئەژدەها و له دەم ئەو گیانەوەر دڕنه و له دەم پەێخەمەر دروەکانی هاتنه دەیشت.

وەحی وه یوحەنا 17:18

ئەو ژنه که دیده، هەر ئەو شار گەوراسه که وه پادشایل زەوی حوکمرانی کەێد.»

وەحی وه یوحەنا 20:2

ئەوه، ئەژدەها، ئەو مار جارانه که هەر ئەو ئبلیس و شەیتانەسه، گرد و ئەڕا هەزار ساڵ گیرودەێ کرد و

وەحی وه یوحەنا 8:10

فریشتەێ سێیەم پف کرده شیپورەگەێ و هەسارەێگ گەورا هەر جور مەشخەلیگ گڕان له ئاسمانەو کەفته بان سێ کوتی چەمیل و کیەنییل ئاو.

وەحی وه یوحەنا 8:11

ناو ئەو هەساره ’ئەفسەنتینه‘. سێ کوتی ئاویل له ئەفسەنتین تیەڵەو بین. جا مەردم فرەێگ وەبونەێ ئەو ئاویله مردن ئەڕا ئیه که ئەو ئاویله تیەڵەو بین.

وەحی وه یوحەنا 8:12

فریشتەێ چوارم پف کرده شیپورەگەێ و سێ کوتی خوەر و سێ کوتی مانگ و سێ کوتی هەسارەیلیش دریاده لێان، جورێ که سێ کوتی نویر ئەوانه تیەریکەو بین. جا سێ کوتی ڕوژ بێ نویر مەن و سێ کوتی شەویش.

وەحی وه یوحەنا 8:7

فریشتەێ یەکم پف کرده شیپورەگەێ و تگر و ئاگر هامیته وه خوین بی که له ناکاوەو واریه مل زەویا و سێ کوتی زەوی سزیاد و سێ کوتی داریل سزیان و گشت گیایل سەوز سزیان.

وەحی وه یوحەنا 8:8

فریشتەێ دویم پف کرده شیپورەگەێ و چشتێگ هەر جور کویەێ گەوراێگ که وه ئاگر گڕەێ هات، فڕه دریاده ناو دەریا و سێ کوتی دەریا بیه خوین.

وەحی وه یوحەنا 8:9

جا سێ کوتی گیانەوەریل زنی دەریا مردن و سێ کوتی کەشتییل له بین چین.

وەحی وه یوحەنا 9:10

دمیل و چزیلێگ داشتن جور دم و چز دمارەکوڵ، وەناو دمیلیان هێز ئەوه بی که پەنج مانگ مەردم عەزاو بێەن.

وەحی وه یوحەنا 9:19

هێز ئەسپیل وەناو دەمیانەو بی و له ناو دمێانەو. چوینکه دمێان جور مار بی وەگەرد سەرێگ که وەگەردیەو زەرەر دیان.