وەحی وه یوحەنا 12:1 - کتاب مقدس به زبان کردی جنوبی - گویش کلهوری

¹ ئمجا نیشانەیگ فره گەورا وه ناو ئاسمانەو دیار دا: ژنێگ که خوەر کردویه وەرێ و مانگ له ژێر پاێ بی و تاجێگ له دوانزه هەساره له بان سەری بی.

وەحی وه یوحەنا 12:1 ပူးပေါင်းရင်းမြစ်များ

ئنجیل مەتا 12:38

ئمجا قێرێ وه ماموستایل تەورات و فەریسیەیل وەتنه عیسا: «ماموستا، توایم نیشانەێگ له لێد بوینیمن.»

ئنجیل مەتا 24:30

ئمجا نیشانەێ کوڕ ئنسان وەناو ئاسمان کەفێه دەیشت، ئەوسا گشت هوزیل زەوی ئازیەتباری کەن و کوڕ ئنسانیش دوینن که وه هێز و جەڵاڵ فره گەوراێگ وه مل هەوریل ئاسمانەو تێید.

مەرقوس 13:25

هەسارەیل له ئاسمان کەفنه خوار و هێزیل ئاسمان تیەنه لەرزه.“

لوقا 21:11

وه جایل جورواجور زەویەلەرزیل گەورا و قاتوقڕی و تاعون تیەن و هەڵکەفتیل ترسناک کەفن، نیشانەیل گەوراێگ له ئاسمانەو کەفێده دەیشت.

لوقا 21:25

«نیشانەیلێگ وەناو خوەر و مانگ و هەسارەیل کەفێده دەیشت. وەبان زەوی، ملەتیل وه گرمەگرم دەریا و خروش تافیل هەراسان و نگران بون.

یوحەنا 3:29

وەوی هن زاواس، وەلێ دوس زاوا که وسێده لاێ گوش دەیده ڵێ، له شنەفتن دەنگ زاوا فره دڵخوەشەو بود. جا ئیسه شادی منیش هەر ئیجوره کامڵەو بود.

کاریل ڕەسولەیل 2:19

له بان، له ئاسمانیل، چشتیل ئەڵاجوی، له خوار، له بان زەوی، نیشانەیلێگ ئاشکرا کەم، له خوین و ئاگر و تەم و دویکەڵ.

رومیەگان 13:14

بەڵکەم خوداوەند عیسا مەسیح هەر جور دڵنگێگ بکێنه وەر. ئەڕا جەسه تەداروک نوینن که هەواوهەوەسیلێ وه جێ بارین.

رومیەگان 3:22

ئی سالح بوینه که له خوداس له ڕێ ئیمان وه عیسا مەسیحه و نسیو گشت ئەوانه بود که ئیمان تیەرن. ئەڕا ئیه که هویچ جیاوازیگ نیه.

دویم قورنتییل 11:2

ئەڕا ئیه که مه وە ئیوه غیرەت دێرم و ئیه له لاێ خوداس، چوینکه ئیوه دەزویران یە شوی کردمه تا جور دویەتازەوێگ پرچ پاک پیشکەشدان بکەمه مەسیح.

نامه وە غەلاتییل 3:27

ئەڕا ئیه که گشتدان که وەناو مەسیح خوسڵ تەعمید گردین، مەسیحیش کردینەسه وەردان.

نامه وە غەلاتییل 4:26

وەلێ ئورشەلیم بان ڕزگاره، که داڵگ گشتمانه.

نامه وە غەلاتییل 6:14

وەلێ دویر له گیانم که مه وه چشتێ شانازی بکەم بێجگه وه سەلیب خوداوەندمان عیسا مەسیح، که وه وەسلەێ ئەوه، جهان ئەڕا مه وه سەلیب کیشریا و مه ئەڕاێ جهان.

ئەفسوسیێل 5:32

ئیه راز فره گەوراێگه، جا مه ئویشم که ئیه له باوەت مەسیح و کلیساس.

وەحی وه یوحەنا 1:20

راز ئەو هەفت هەساره که له دەس ڕاس من دێ و راز ئەو هەفت چراخدان تەڵا ئیەسه: ئەو هەفت هەساره، فریشتەیل هەفت کلیسان و ئەو هەفت چراخدانه، هەفت کلیسان.

وەحی وه یوحەنا 11:19

ئمجا مابەد خودا وەناو ئاسمان واز بی و سونویخ پەێمان ئەیو وەناو مابەدەگەێ کەفته دەیشت و له ناکاوەو بیه بڵاچه، گرمەگرم و هەورەتریقه وه گوش رەسیا و زەوی لەرزه بی و خوڕوم تگر بی.

وەحی وه یوحەنا 12:3

ئمجا نیشانەیگ تر له ناو ئاسمانەو دیار دا: بنوڕ، ئەژدەهاێگ سویرەتاوه و فره گەورا که هەفت گله سەر داشت و ده گله شاخ و هەفت گله تاج له بان سەرەگانی بی.

وەحی وه یوحەنا 15:1

ئمجا یە نیشانه و موجزەێ فره گەورا و سەرسڕهاوەرێگتر وەناو ئاسمان دیم: هەفت فریشته وەگەرد هەفت بەڵا بی که ئاخرین بەڵایێلن، چوینکه وەگەرد ئەوانه توڕەێ خودا تەمام بود.

وەحی وه یوحەنا 21:14

جا دیوار شارەگه دوانزه بنەوا داشت که وه ملێانەو ناو دوانزه ڕەسول وەرکەگه نویسریاوی.

وەحی وه یوحەنا 21:23

شار هەوەجیگ وه خوەر یا مانگ نێرید که وه ملێەو بدرەوشێد چوینکه جەڵاڵ خودا ڕوشنێ کەێد و وەرکەگه چراخ ئەوەسه.