وەحی وه یوحەنا 11:19 - کتاب مقدس به زبان کردی جنوبی - گویش کلهوری

¹⁹ ئمجا مابەد خودا وەناو ئاسمان واز بی و سونویخ پەێمان ئەیو وەناو مابەدەگەێ کەفته دەیشت و له ناکاوەو بیه بڵاچه، گرمەگرم و هەورەتریقه وه گوش رەسیا و زەوی لەرزه بی و خوڕوم تگر بی.

وەحی وه یوحەنا 11:19 ပူးပေါင်းရင်းမြစ်များ

وەحی وه یوحەنا 11:13

هەر ئەو ساته، زەویه لەرزەێگ گەورا هەڵکەفت و ده یەکی شارەگه ڕمیاد و هەفت هەزار نەفەر وه ناو زەوی لەرزەگه کوشریان و ئەوانه که مەنوینەو فره رخێان چی و خوداێ ئاسمان جەڵاڵ دان.

وەحی وه یوحەنا 11:15

ئمجا فریشتەێ هەفتم شیپورەگەێ هاورده دەنگ؛ له ناکاوەو دەنگیل بەرزێگ پێچیاده ناو ئاسمان که وەتیا: «حوکومەت جهان، بیەسه هن خوداوەند ئیمه و مەسیح ئەیو. جا ئەیو تا ئەبەد و تا ئەبەد حوکم کەێد.»

وەحی وه یوحەنا 12:1

ئمجا نیشانەیگ فره گەورا وه ناو ئاسمانەو دیار دا: ژنێگ که خوەر کردویه وەرێ و مانگ له ژێر پاێ بی و تاجێگ له دوانزه هەساره له بان سەری بی.

وەحی وه یوحەنا 16:1

ئمجا دەنگ بەرزێگ له مابەد و شنەفتم که وه ئەو هەفت فریشته وەتیا: «بچن و هەفت پیاڵەێ توڕەێ خودا وه مل زەویا بڕشنن.»

وەحی وه یوحەنا 16:18

ئەو وەخته بڵاچه و گرمەگرم و هەوره تریقه بی که هەڵسیاد و زەوی لەرزەی فره گەوراێگ ڕوی دا، ئەو زەوی لەرزه ئەوقره گەورا بی که له وەختێگ ئایەم له بان زەوی زنەیی کردێه، جور ئەوه هویچ وەخت هەڵنەکەفتوی.

وەحی وه یوحەنا 16:21

له ئاسمان تەگر سەخت قورسیگ واریاده مل مەردم که هەر دەنگی، نزیک پەنجا کیلو بی و ئایەمیل له باوەت بەڵای تەگر خودا لانەت کردن، چوینکه بەڵاێ فره سەختێگ بی.

وەحی وه یوحەنا 19:11

ئمجا دیم که ئاسمان واز کریاس، بنوڕن، وه نوای چەوم ئەسپ چەرمگیگه! که وه سوارەگەێ ئویشن ئەمین و حەق. ئەیو وەناو دادپەروەری حوکم کەێد و جەنگید.

وەحی وه یوحەنا 4:1

جا وەشون ئیه نوڕستم و ئێرنگه وه نوای چەوم دەر واز کریاێگ وەناو ئاسمان بی و هەر ئەو دەنگ یەکم جاره که جور دەنگ شەیپورێگ بی و شنەفتویم وەگەردمەو قسیه کردوی، وەت: «بەوه بان ئەڕا ئێرا و مه ئەو چشته که له شون ئیه باێه هەڵبکەفێ، نیشاند دەم.»

وەحی وه یوحەنا 4:5

جا له تەختەگه، بڵاچه، گرمەگرم و هەورەتریقه هەڵسیاد. له نوای تەختەگه، هەفت گله مەشخەل گڕەکەر بی. ئیانه هەفت روح خوەدان.

وەحی وه یوحەنا 7:15

هەر له ئی باوەتەسه که: «ئیانه هانه نوای تەخت خودا شەو و ڕوژ ئەیو له ناو مابەدەگەێ خزمەت کەن؛ ئەیو که دانیشێده بان تەختەگه، وەگەرد بین خوەێ سەرپەنا دەێده پێان.

وەحی وه یوحەنا 8:5

ئمجا فریشته بوخورسزنەگه هەڵگرد و له ئاگر قوروانگا تەپان و خستەی بان زەوی. ئمجا هەورەتریقه و گرمەگرم و بڵاچه هەڵسیاد و زەوی که لەرزیاد.

وەحی وه یوحەنا 8:7

فریشتەێ یەکم پف کرده شیپورەگەێ و تگر و ئاگر هامیته وه خوین بی که له ناکاوەو واریه مل زەویا و سێ کوتی زەوی سزیاد و سێ کوتی داریل سزیان و گشت گیایل سەوز سزیان.