وەحی وه یوحەنا 11:18 - کتاب مقدس به زبان کردی جنوبی - گویش کلهوری

¹⁸ ملەتیل توڕه بین، وەلێ وەخت توڕه بوین تو ڕەسیه، وەخت ئەوه ڕەسیه که مردگیل داوەری بون و دەسخوەشانه بێرێیده خزمەتکاریل توی یانێ وه پەێخەمەریل و ئیمانداریل وه مەسیح و ئەوانه که له ناو تو رخێان چود و حرمەت ناو توی پارێزنن، له ورد و له زرو، وەخت ئەوه ڕەسیه کەسیلێگ که زەوی له بین بەن، له بین بچن.»

وەحی وه یوحەنا 11:18 ပူးပေါင်းရင်းမြစ်များ

ئنجیل مەتا 5:12

خوەشاڵ بون و شادی بکەن، چوینکه پاداشدان وەناو ئاسمان گەوراس. ئەڕا ئیه که پەێخەمەریلی که وەرجه ئیوه بینه، هەر ویجوره ئازارێان دانه.

لوقا 1:50

بەزەیی، پشت تا پشت، ئەڕا گشت کەسیلێگه که زاورێانه لێ چود.

عبرانییل 9:27

هەر ئەوجورە که ئەڕا ئایەم یەێ جار مردن و لەشونی داوەری دیاری کریاس،

وەحی وه یوحەنا 10:7

بەڵکەم وه ئەو ڕوژیلی که فریشتەێ هەفتم پف بکێده شیپورەگەێ، راز خودا وه دی تێد، ئەوجورە که وه خزمەتکاریل خوەێ یانێ پەێخەمەریل، جار دا.»

وەحی وه یوحەنا 11:2

وەلێ حسار دەیشت مابەد ئەنازەێ مەگێر و کارێگ وەپێ نیاشتوید، چوینکه دریاسه ملەتیل. جا ئەوانه چل و دو مانگ شار موقەدەس پاوڵا کەن.

وەحی وه یوحەنا 13:10

ئەگەر کەسێگ باێه وه گیرودەێ بچود، وه گیرودەێ چود. ئەگەر کەسێگ باێه وه شمشێر بکوشرێید، جا باێه وه شمشێر بکوشرێید. ئی کاره، بەردەوام بوین ئیمانداریل وه مەسیح تواید و ئیمان ئەوانه.

وەحی وه یوحەنا 13:16

هەر ئیجوریشه، گشتیەکی، له ورد و زرو، دارا و نەێار، ڕزگار و خوڵام وادار کرد تا وه مل دەس ڕاسیان یا وه مل تەخت تێوڵیان نیشانه بیلن.

وەحی وه یوحەنا 14:10

ئەو کەسیشه له شراو خەزەو خودا نوشید، شراوێ پڕ قەوەت و ناب که وەناو جام خەزەو ئەیو ڕشیاس. ئەو کەسیشه وه لاێ فریشتەیل موقەدەس و وه لاێ وەرکەگه وەگەرد ئاگر و گوگرد، عەزاو دوینید.

وەحی وه یوحەنا 15:1

ئمجا یە نیشانه و موجزەێ فره گەورا و سەرسڕهاوەرێگتر وەناو ئاسمان دیم: هەفت فریشته وەگەرد هەفت بەڵا بی که ئاخرین بەڵایێلن، چوینکه وەگەرد ئەوانه توڕەێ خودا تەمام بود.

وەحی وه یوحەنا 15:7

ئمجا یەکیگ له ئەو چوار گیانەوەر زنیه، هەفت پیاڵەێ تەڵایی داده ئەو هەفت فریشته، نیقەڵتوز له توڕەیی خودا، هەر ئەو خوداێگ که تا ئەبەد و تا ئەبەد زنیه.

وەحی وه یوحەنا 18:6

هەرئەوجوره له جاێ بێەنێ پێ که ئەوه خوەێ داسه ئەو باقی مەردم؛ ئەڕا کارەگانێ، دو ئەوقره له جاێ بێەنێ پێ. وەناو پیاڵەێ شراوێ که خوەێ درس کردێه دو ئەوقره له جاێ بێەنێ پێ.

وەحی وه یوحەنا 19:15

جا شمشێر فره تێژێگ له دەمیەو تێده دەیشت، تا وەگەردیەو بێیده ملەتیل. «وەگەرد گوچانێگ ئاسنی وه ملێانەو حوکم کەی.» ئەیو ئەنگویر توڕەیی و خەزەو خوداێ هەر وه تویەنا وەناو کەوەڵ شراو پاوڵا کێ.

وەحی وه یوحەنا 19:18

تا له گوشت پادشایل و فەرماندەییل و هێزداریل بخوین و له گوشت ئەسپیل و سواریلێان و له گوشت هەر ئنسانێگ، له ڕزگار و خوڵام و ورد و زرو.»

وەحی وه یوحەنا 19:5

ئمجا دەنگێگ له تەختەگه دەر هات که وەتیا: «خوداێ ئیمه ستایش بکەن، ئێ ئیوه، گشت خزمەتکاریل ئەیو، ئێ ئیوه، که له لێ زاوردان چود، له ورد و له زرو!»

وەحی وه یوحەنا 20:12

جا مردگیل دیم، چ زرو و چ وردو، که له وەر دەم تەختەگه وساوین و دەفتەریل واز بی. ئمجا دەفتەرێگ تر واز بی که دەفتەر ژیانه. مردگیل وه پێ کردەوەیلێان، وه ڕوی ئەو چشته که وەناو ئەو دەفتەریله نویسریاوی، داوەری بین.

وەحی وه یوحەنا 20:15

جا هەر کەسێگ که ناوێ له دەفتەر ژیان نەنویسریاوی، فڕه دریاده ناو دەریاچەێ ئاگر.

وەحی وه یوحەنا 22:12

«بنوڕ، و ئی زویه تیەم و دەسخوەشانەێ من ها گەردمەو تا وه هەر کەس وه پێ کارێ که کردێه له جێ بيەمه پێ.