وەحی وه یوحەنا 11:15 - کتاب مقدس به زبان کردی جنوبی - گویش کلهوری

¹⁵ ئمجا فریشتەێ هەفتم شیپورەگەێ هاورده دەنگ؛ له ناکاوەو دەنگیل بەرزێگ پێچیاده ناو ئاسمان که وەتیا: «حوکومەت جهان، بیەسه هن خوداوەند ئیمه و مەسیح ئەیو. جا ئەیو تا ئەبەد و تا ئەبەد حوکم کەێد.»

وەحی وه یوحەنا 11:15 ပူးပေါင်းရင်းမြစ်များ

ئنجیل مەتا 24:31

ئەیو فریشتەگانێ وه دەنگ بەرز شەیپور کل کەی و ئەوانه هەڵوژاردەگان ئەیو له چوار پەر جهان، له ئی سەر تا ئەو سەر ئاسمان، وه دەور یەکەو گردەو کەن.

ئنجیل مەتا 6:13

مەخەرەمانه ناو ئەزمون، بەڵکەم وه ئەو شەڕئاشوه ڕزگارمان بکه. چوینکه تا ئەبەد، پادشایی و هێز و جەڵاڵ هن تنه. ئامین.

لوقا 1:33

تا ئەبەد وه بنەماڵەێ یاقوب سەڵتەنەت کەێد و پادشایەگەیشێ هەراێهەر تەمام نیود.»

لوقا 15:10

وەپێدان ئویشم، هەر ئیجوره وەختێ گوناکارێگ توبه بکێ فریشتەیل خودا شادی کەن.»

لوقا 15:6

چوده ئەڕا ماڵ، ڕەفیقەیل و هاوساگانێ چڕێد و ئویشێ: ”وەگەرد منەو شادی بکەن، چوینکه پەسه گوم بیەگه پەێاێ کردمه.

کاریل ڕەسولەیل 4:26

پادشایل زەوی ڕز کیشن و فەرمانرەواییل وه دەور یەکەو گردەو بون، وه زد خوداوەند و وه زد مەسیح ئەیو.“

عبرانییل 1:8

وەلێ له باوەت کوڕ فەرمایش کەید: «ئێ خودا، تەخت سەڵتەنەت توی تا ئەبەد و تا ئەبە‎ده؛ گوچان پادشایی توی گوچان دادپەروەریه.

وەحی وه یوحەنا 10:7

بەڵکەم وه ئەو ڕوژیلی که فریشتەێ هەفتم پف بکێده شیپورەگەێ، راز خودا وه دی تێد، ئەوجورە که وه خزمەتکاریل خوەێ یانێ پەێخەمەریل، جار دا.»

وەحی وه یوحەنا 12:10

ئمجا دەنگ بەرزێگ له ناو ئاسمان شنەفتم که وەتیا: «ئێرنگه نجات و هێز و پادشایی خوداێ ئیمه و دەسڵات مەسیح ئەیو ڕەسیه. چوینکه ئەوه که ئەڕا برایل ئیمه قوڕات دێ که شەو و ڕوژ له نواێ خوداێ ئیمه بخت ئەوانه کەێد، فڕه دریاسه خوار.

وەحی وه یوحەنا 15:4

ئێ خوداوەند کیه که له توی زاورێ نەچود و ناو توی جەڵاڵ نیەید؟ چوینکه توی، هەر تەنیا توی، قودوسێ. گشت ملەتیل تیەن و توی پەرەسش کەن چوینکه کاریل دادپەروەرانەێ توی ئاشکراوه بیه.»

وەحی وه یوحەنا 16:17

فریشتەێ هەفتم پیاڵەگەێ خوەێ ڕشانه هەواێا ‎و له ئەو تەخته که له ناو مابەد بی، دەنگ بەرزێگ دەر هات که: «تەمام بی!»

وەحی وه یوحەنا 17:14

ئەوانه وەگەرد وەرکەگه شەڕ کەن و وەرکەگه وه ملێانەو زاڵەو بود، چوینکه ئەیو خوداوەند خوداوەندیل و شاێ شاێیله؛ و ئەوانه که هانه گەردێەو، دەنگ کریایل و هەڵوژاردیل و پێرەویل وەفادارین.»

وەحی وه یوحەنا 19:1

وەشون ئیه، دەنگێگ شنەفتم مینستیاده دەنگ بەرز جەماێەت فره گەوراێگ له ئاسمان، که وەتیان: «هەللویاه! نجات و جەڵاڵ و هێز هن خوداێ ئیمەس،

وەحی وه یوحەنا 19:6

ئمجا دەنگێگ شنەفتم که مینستیاده دەنگ جەماێەت فره گەوراێگ و جور قیڕەێ ئاویل فرەێگ و جور دەنگ هەورەتریقەێ گەوراێگ، که وەتیا: «هەللویاه! چوینکه خوداوەند خوداێ ئیمه، ئەیو که هەر وه تویەناس، سەڵتەنەت کەێد.

وەحی وه یوحەنا 20:4

جا تەختیلێگ دیم که له بان ئەوانه کەسیلێگ دانیشتوین که دەسڵات داوەری دریاویه پێان. هەر ئیجوره گیانیل کەسیلێگ دیم که سەریان له ڕێ شاێەتی وه عیسا و له ڕێ کەڵام خودا، له جەسەیان جیاوه‎ بوی. ئیانه ئەو گیانەوەر دڕنه یا پێکەرەگەێ پەرەسش نەکردوین و نیشانەێ ئەوه وه بان تەخت تێوڵ یا وه بان دەسیلێان نەگردوینه وەر. ئیانه وه دواره زنیەو بین و وەگەرد مەسیح هەزار ساڵ سەڵتەنەت کردن.

وەحی وه یوحەنا 8:12

فریشتەێ چوارم پف کرده شیپورەگەێ و سێ کوتی خوەر و سێ کوتی مانگ و سێ کوتی هەسارەیلیش دریاده لێان، جورێ که سێ کوتی نویر ئەوانه تیەریکەو بین. جا سێ کوتی ڕوژ بێ نویر مەن و سێ کوتی شەویش.

وەحی وه یوحەنا 9:1

فریشتەێ پەنجم پف کرده شیپورەگەێ و مه هەسارەێگ دیم که له ئاسمانەو کەفته بان زەویا. کلیل چاێ هاویه که بن نێری، دریاده ئی هەساره.

وەحی وه یوحەنا 9:13

ئمجا فریشتەێ شەشم پف کرده شیپورەگەێ و مه دەنگێگ شنەفتم که له چوار شاخ قوروانگای تەڵایی که ها له نوای خودا، دەر هاتیاد؛