وەحی وه یوحەنا 11:12 - کتاب مقدس به زبان کردی جنوبی - گویش کلهوری

¹² ئمجا شنەفتن که دەنگ بەرزێگ له ئاسمانەو وه پێان وەت: «باینه بان ئەڕا ئێره!» جا ئەوانه له نوای چەو دشمەنیلیان له ناو هەورێگ وەر‎و ئاسمان چینه بان.

وەحی وه یوحەنا 11:12 ပူးပေါင်းရင်းမြစ်များ

لوقا 16:23

جا وەختێ چەو هێز داد و دی که وه جهان مردگیل ها ناو عەزاو، له دویرەو ئێبراهیم پەێخەمەر دی که ئیلعازەریش وه لاێەو بی.

کاریل ڕەسولەیل 1:9

وەختێ عیسا قسیەيلی تەمام بی، ئەوانیشە هەر ئەوجورە که نوڕیانه پێەو، بەرزەو کریا و هەوریگ ئەیو له وەر چەویان شاردەو.

یەکم تسالونیکییل 4:17

جا ئیمه که زنیمن و باقی مەنیمنه، وەگەرد ئەوانه وەرەو ناو هەوریل کیشیمنه بان تا وەناو هەواوه خوداوەند‎ بوینیم، وەئیجوره هەمویشه هایمنه گەرد خوداوەندەو.

وەحی وه یوحەنا 12:5

ئەو ژنه کوڕێگ هاورده دنیا، کوڕێگ که باێه وەگەرد گوچان ئاسنی وه مل گشت ملەتیل حوکم بکێ. وەلێ مناڵەگەێ قەپانیاد و بڕیاده ئەڕا لاێ خودا و تەختەگەێ ئەیو.

وەحی وه یوحەنا 3:21

«هەر کەسێگ بوێدەو، وەپێ ئجازەێ دانيشتن وەگەردمەو وه مل تەختەگەێ خوەم بەخشم، هەر ئەوجورە که مه بردمەو وەگەرد باوگم وه مل تەختەگەێ دانیشتم.

وەحی وه یوحەنا 4:1

جا وەشون ئیه نوڕستم و ئێرنگه وه نوای چەوم دەر واز کریاێگ وەناو ئاسمان بی و هەر ئەو دەنگ یەکم جاره که جور دەنگ شەیپورێگ بی و شنەفتویم وەگەردمەو قسیه کردوی، وەت: «بەوه بان ئەڕا ئێرا و مه ئەو چشته که له شون ئیه باێه هەڵبکەفێ، نیشاند دەم.»