وەحی وه یوحەنا 10:1 - کتاب مقدس به زبان کردی جنوبی - گویش کلهوری

¹ ئەو وەخته فریشتەێ هێزدارێگ‎تر دیم که له ئاسمانەو هاتیاده خوار و هەورێگ وه دەوریەو پێچیاوی و سیمینەوزەرینەێگ له بان سەرێ. دەمچەوێ جور خوەر بی و پایلێ جور کوڵەکەیل ئاگر.

وەحی وه یوحەنا 10:1 ပူးပေါင်းရင်းမြစ်များ

ئنجیل مەتا 17:2

وه ئەوره، له لاێ ئەوانه، شێوەێ گویڕیا، دەمچەوی جور خوەر درەوشیا و دڵنگەگەێ جور نویر چەرمیەو بی.

لوقا 21:27

ئمجا کوڕ ئنسان دوینن که وه هێز و جەڵاڵ فره گەوراێگ وەناو هەوریگ تێد.

کاریل ڕەسولەیل 26:13

جا ئێ پادشا، نیمەڕو بی که وەناو ڕێ لەناکاوه نویرێگ له ئاسمانەو دیم، درەوشانتر له نویر خوەر له ئاسمانەو دەور و وەر من و هاوڕێەگانم ڕوشنایی خست.

وەحی وه یوحەنا 1:7

بنوڕن ئەیو وەگەرد هەوریلەو تێید، و هەر چەوێگ دوینێدێ، تەنانەت چەو ئەوانه که سنان دانەلێ؛ و گشت هوزیل زەوی وه بونەێ ئازیەتباری کەن. بەڵێ ئیجوره بود. ئامین.

وەحی وه یوحەنا 18:1

وەشون ئیه، یە فریشتەتر دیم که له ئاسمانەو هاتیاده خوار و دەسڵات فره گەوراێگ داشت و زەوی له جەڵاڵ ئەوه نویرانیەو بی.

وەحی وه یوحەنا 18:21

ئمجا فریشتەێ هێزدارێگ، کوچگیگ جور هارئاسیاو گەوراێگ هەڵگرد و خسته ناو دەریا و وەت: «ئیجوره بابڵ، ئەو شار گەورا، گەن جورێگ فڕه درێیده خوار و دیتر چشتێگ له ئەوه پەێا نەود.

وەحی وه یوحەنا 20:1

ئمجا دیم فریشتەێگ له ئاسمانەو تێدە خوار و کلیل چاێ هاویه و زنجیر گەوراێگ له دەسیەو بی.

وەحی وه یوحەنا 4:3

تەختنشینەگه، شێوەێ هەر جور کوچگ یەشم و عەقیق بی و دەور تا دەور تەختەگه سیمینەوزەرینەێگ که شێوەێ هەر جور زومڕود بی، داێگردوی.

وەحی وه یوحەنا 5:2

جا فریشتەێ هێزدارێگ دیم که وه دەنگ بەرز جار دیاد: «کیه که شایسەێ واز کردن تومار و شکانن موریلێ بود؟»

وەحی وه یوحەنا 8:13

جا نوڕسم و شنەفتم هەڵوێگ هەر ئەوجورە که له ‎ناوڕاس ئاسمان باڵەو گرێ، وه دەنگ بەرز هاوار کرد: «وی، وی، وی وه نیشتەجێیل زەوی، چشتێگ نەمنیه دەنگ شەیپورەگان ئەو سێ فریشتەێتریشه هەڵسێد.»