وەحی وه یوحەنا 1:18 - کتاب مقدس به زبان کردی جنوبی - گویش کلهوری

¹⁸ منم ئەوه که زنیه. مردم، بنوڕ تا ئەبەد زنیم و کلیلەیل مەرگ و جهان مردگیل ها دەس منەو.

وەحی وه یوحەنا 1:18 ပူးပေါင်းရင်းမြစ်များ

ئنجیل مەتا 11:23

تنیش ئێ شار کەفەرناحوم، تواسیاێ تا وه فەڵەک سەر بەرزەو کەی؟ هەراێهەر، بەڵکەم کەفێده بن جهان مردگیل. چوینکه ئەگەر موجزەیلێ که وەناو تو کریاس وەناو سودوم بکریا، ئەو شاره تا ئیمڕو مەنیادێ.

ئنجیل مەتا 16:19

کلیلەگان پادشایی ئاسمان دەمه پێد. هەرچێ که تو وه مل زەوی بوەسی، وەناو ئاسمان بەسریێد، هەرچێ که تو وه مل زەوی واز بکێ، وەناو ئاسمان واز کرێید.»

لوقا 24:5

ژنیل ئەوقره زاورێان چوی که سەریان خستوینه خوار. ئەو دو پیا وەپێان وەتن: «ئەڕا چه وەناو مردگیل وەشون ئایەم زنیەو گەردین؟

یوحەنا 11:25

عیسا وەپێ وەت: «قیامەت و زنەیی منم. هەر کەس وه من ئیمان بارێ، تەنانەت ئەگەر بمریدیش، زنیەو بود.

یوحەنا 14:19

کەمێگ تر جهان دیتر مه نیوینێ، وەلێ ئیوه دوینینەم. چوینکه مه زنیم، ئیوەیش زنەیی کین.

رومیەگان 6:9

زانیمن که مەسیح چوینکه له مردگیل زنیەو بیه، دیتر هەراێهەر نیەمرێ؛ دیتر مەرگ وه سەریەو حوکمرانی نیەکێ.

دویم قورنتییل 13:4

وەبونەێ ئیه که هەر چەن وەناو بی هازی وه سەلیب کیشریا، وەلێ وه هێز خودا زنەیی کێ. هەر ئیجوره، ئیمەیش وەناو ئەیو بی هازیم، وەلێ وەگەردیەو وه نوای ئیوه وه هێز خودا زنەیی کەیمن.

نامه وە غەلاتییل 2:20

وەگەرد مەسیحەو وه سەلیب کیشریامه. دیتر مه نیم که زنەیی کەم، بەڵکەم مەسیحه که وەناو منەو زنەیی کەی؛ ئێرنگه زنەیی که له جەسەوه کەم، وەگەرد ئیمان وه کوڕ خوداس که مابەتم کرد و گیان خوەێ ئەڕا مه دا.

نامه وه کولوسییل 3:3

چوینکه ئیوه مردینه و زنەییدان وەگەرد مەسیح وەناو خودا شاریاسەو.

عبرانییل 1:3

ئەیو بریقەێ جەڵاڵ خودا و وێنەێ کامڵ سریشت ئەیوه و گشت چشتێگ وه کەڵام وە قەوەت خوەێ قورس پارێزنێد. ئەیو وەشون پاکەو کردن گونایل، وه دەس ڕاس خوداێ گەوراێ هەربەرز وەناو بانترین شون ئاسمان دانیشت.

عبرانییل 12:2

باین چەو بوڕیمنه عیسا که بنیادنەر و کامڵکەر ئیمانمانه، که ئەڕا ئەو خوەشیه که له نوای بوی، سەلیب تاموڵ کرد و نەنگ ئەوه سوک وه حساو هاورد و ئێرنگه وه لاێ ڕاس تەخت خودا نيشتیه.

عبرانییل 7:16

ئەوه نه وه پێ حوکم شەریعەتێگ که وه نەتەوەێ دریاد، بەڵکەم له ڕێ هێز زنەیێگ که له بین نیەچود، بوده کاهن.

عبرانییل 7:25

جا عیسا تویەناس تا ئەوانه که له ڕێ ئەیو نزیک خودا بون، تا ئەبەد نجات بێی، ئەڕا ئیه که هەمویشه زنیه تا ئەڕاێان ناوجێ بکێ.

وەحی وه یوحەنا 10:6

وه ئەیو که تا ئەبەد و تا ئەبەد زنیه قەسەم خوارد؛ هەر ئەیو که ئاسمان و هەر چێ ها ناوێ و زەوی و هەر چێ ها ناوێ و دەریا و هەر چێ ها ناوێ وەدی هاورد. ئەیو قەسەم خوارد و وەت که دیتر فرەتر وه ئیه ماتەڵی وه کار نیه.

وەحی وه یوحەنا 15:7

ئمجا یەکیگ له ئەو چوار گیانەوەر زنیه، هەفت پیاڵەێ تەڵایی داده ئەو هەفت فریشته، نیقەڵتوز له توڕەیی خودا، هەر ئەو خوداێگ که تا ئەبەد و تا ئەبەد زنیه.

وەحی وه یوحەنا 2:8

«وه فریشتەێ کلیساێ شار ئسمیرنا بنویس: «ئەیو که سەرەتاس، ئەیو که ئاخره، ئەیو که مرد و ئەیو که زنیەو بی، ئیجوره فەرمایش کەێد:

وەحی وه یوحەنا 20:13

دەریا مردگیلێگ که وەناوێ بی، دادەوه؛ مەرگ و جهان مردگیل، مردگیلی که وەناوێان بی، دانەوه، هەر کامێان وه پێ کردەوێ که وەجێ هاوردوی، داوەری بی.

وەحی وه یوحەنا 20:14

جا مەرگ و جهان مردگیل فڕه دریانه ناو دەریاچەێ ئاگر. دەریاچەێ ئاگر، مەرگ دویمه.

وەحی وه یوحەنا 3:7

«وه فریشتەێ کلیساێ شار فیلادلفیه بنویس: «ئەیو که قودوسه، ئەیو که حەقه، ئەیو که کلیل داود پادشا دێرێد، ئەیو که واز کەێد و کەس نیەوەسێد و ئەیو که بەسێد و کەس واز نیەکێد، ئیجوره ئویشێد:

وەحی وه یوحەنا 4:9

هەر جار که ئەو گیانەوەریل زنیه، جەڵاڵ و عزەت و سپاس هەناردیان ئەڕا تەختنشین که له ئەبەد تا ئەبەد زنیه،

وەحی وه یوحەنا 5:14

جا ئەو چوار گیانەوەر زنیه وەتن: «ئامین»، و ئەو پیریله کەفتنه مل زەوی و پەرەسش کردن.

وەحی وه یوحەنا 6:8

وەختێ نوڕستم، ئەسپ رەنگ ڕوی پەڕیاێگ وه نوای چەوم دیار داد و ئەوه که سوار ئەسپەگه بی مەرگ ناوێ بی و جهان مردگیل وەشونیەو هاتیان. جا وه ئەوانه دەسڵات دریاد تا چواریەکی زەوی وەگەرد شمشێر و قاتوقڕی و نەخوەشی خراو و دڕنەێیل بان زەوی، بکوشن.

وەحی وه یوحەنا 9:1

فریشتەێ پەنجم پف کرده شیپورەگەێ و مه هەسارەێگ دیم که له ئاسمانەو کەفته بان زەویا. کلیل چاێ هاویه که بن نێری، دریاده ئی هەساره.