مەرقوس 7:4 - کتاب مقدس به زبان کردی جنوبی - گویش کلهوری

⁴ وەختێگیش له بازار تیەنەو، تا خوێان نەشورن چشتێ نیەخوەن. وه فره له نەریتیل تریش پارێزنن، جور شوردن پیاڵەیل، قەزانیل، دەفریل مسی و سەندەلیيل.

مەرقوس 7:4 ပူးပေါင်းရင်းမြစ်များ

ئنجیل مەتا 23:25

«وای وه حاڵ ئیوه ماموستایل تەورات و فەریسیەیل، ئێ دوڕوییل! چوینکه ئیوه دەیشت پیاڵه و پێشقاو پاکەو کین، وەلێ ناوەگەێ پڕ له تەما و خوەشگوزەرانیه.

ئنجیل مەتا 23:26

ئێ فەریسی کت کور، یەکم جار ناو پیاڵه و پشقاوەگه پاکەو بکه، تا دەیشتەگەیشێ پاکەو بود.

ئنجیل مەتا 27:24

وەختێ پیلاتوس دی که فایده نێری و بەڵکەم خەریکه بوده ئاژاوە، ئاو تواس و دەسیل خوەێ وه نوای جەماێەتەگه شورد و وەت: «مه له خوین ئی پیا هویچ تاوانێ نێرم. خوەدان زانین!»

مەرقوس 7:8

ئیوه حوکمەگان خودا هیشتینەسه لا و لچکیاینەسه نەریتيل ئنسانی.»

یوحەنا 2:6

له ئەوره شەش خومرەێ کوچگین بی که وه پێ نەریت جویلەکەیل، ئاوەگەێ ئەڕا پاکەو کردن چشتیل پێس وه کار بردێان، هەر کام له ئەو خومرەیله نزیک سەد لیتر گردیا.

یوحەنا 3:25

یەێ جار باسێ کەفته ناو بڕێگ له شاگردیل یەحیا و جویلەکەێگ که چوی باێه له پێسی پاکەو بون.

عبرانییل 9:10

بەڵکەم تەنیا وەگەرد خواردن و نوشاین و وەجێ هاوردن یاسایل جورواجور شوردن دینی سەرکار دێرن. یاسایلێ ئەڕا جەسه که تەنیا تا شرو ڕیک و پیکی تازەێگ که خودا دەێ، تیەرزیەن.

یاقوب 4:8

وه خودا نزیکەو بوین، که ئەیویش وەپێدان نزیکەو بود. ئێ ئیوه گوناکاریل، دەسيلدان پاکەو بکەن و ئێ ئیوه هوکی هوکییەل، دڵیلدان پاکەو بکەن.

یەکم یوحەنا 1:7

وەلێ ئەگەر وەناو نویر زنەیی کەیمن، هەر ئەوجورە که ئەیو هاناو نویر، وەگەرد یەکەو دوسی دێریم و خوین عیساێ کوڕێ، ئیمه له هەر گوناێگ پاکەو کەی.