مەرقوس 2:1 - کتاب مقدس به زبان کردی جنوبی - گویش کلهوری

¹ وەشون چەن ڕوژتر، وەختێ عیسا هاتەو ئەڕا شار کەفەرناحوم، مەردم خەوەردار بین که ها ماڵ.

مەرقوس 2:1 ပူးပေါင်းရင်းမြစ်များ

ئنجیل مەتا 4:13

شار ناسره هیشتەجێ و چیه ئەڕا شار کەفەرناحوم نیشتەجێ بی. کەفەرناحوم وه لیوەێ دەریاچەێ جەلیل و له مەنتەقەی زبولون و نەفتالی بی.

ئنجیل مەتا 9:1

عیسا سوار قایقێگ بی و کرده ئەو دەس دەریاچەگه و هاته ئەڕا شارەگەێ خوەێ.

مەرقوس 1:45

وەلێ ئەو پیا چیه دەیشت و وه خیاڵ ڕەحەت له ئی باوەته قسیه کرد و خەوەرێ پەخش کرد. وه ئی بونه عیسا دی نەتویەنست ئاشکرا بچوده ناو شار، بەڵکەم وه شونیل چوڵ وه دەیشت شار مەنیاد. مەردمیش له گشت شونێگەو هاتیانه ئەڕا لاێ.

مەرقوس 2:2

قێر فرەێگ گردەو بین، ئەوقره که تەنانەت وه نوای دەرەگه جێ نوی، ئەویش کەڵام خودا ئەڕاێان بانگەوازی کردیاد.

مەرقوس 3:20

عیسا یەێ ڕوژتر چیه ئەڕا ماڵ، وه دواره مەردم گردەو بین، ئەوجورە که خوەێ و شاگردیلێ تەنانەت دەرفەت نان خواردن نیاشتن.

مەرقوس 7:17

وەختێ مەردمەگه هیشتەجێ و چیه ئەڕا ماڵ، شاگردەگانێ ماناێ ئی مەسلەتەگه له لێ پرسین.

مەرقوس 7:24

عیسا ئەوره هیشتەجێ و چیه ئەڕا مەنتەقەێ سور و سیدون. چیه ناو ماڵێگ؛ وەلێ نەتواس کەسێ خەوەردار بود. هەر چەن نەتویەنست خوەێ بشارێدەو.

مەرقوس 9:28

وەختێ عیسا چیه ئەڕا ماڵ، شاگردەگانێ وه تەنیا له لێ پرسین: «ئیمه ئەڕا نەتویەنستيم ئەو روحه بکێمه دەیشت؟»

لوقا 4:23

عیسا وەپێان وەت: «بێ گومان ئی مەسلەته ئەڕا من تیەرێن که ”ئێ تەبیب خوەد شەفا بیه! هەرچێ که شنەفتیمنه وەناو کەفەرناحوم کردیده، وه ئێرا وەناو شارەگەێ خوەدیش بکه.“»

لوقا 5:18

وه ئی وەخته چەن گله پیا هاتن که فەلەجێگ وەبان تەختێگەو هاوردیان. تواسیان بوەنێ ناو ماڵ و بنەنێ وەر دەم عیسا.

یوحەنا 4:47

وەختێ پیاگه شنەفت عیسا له یەهودیه هاتیەسه ئەڕا جەلیل، چی ئەڕا لاێ و له لێ تواس تا بچود و کوڕەگەێ شەفا بێی، چوینکه کوڕەگەێ داشتیا مردیا.

کاریل ڕەسولەیل 2:6

وەختێ ئی دەنگه هات، جەماێەتێگ گردەو بین، واقێان پەڕوی، چوینکه هەر کامێان شنەفتیان که ئەوانه وه زوان ئیانه قسیه کەن.