ئنجیل مەتا 3:2 - کتاب مقدس به زبان کردی جنوبی - گویش کلهوری

² وەتیا: «توبه بکەن چوینکه پادشایی ئاسمان نزیکه.»

ئنجیل مەتا 3:2 ပူးပေါင်းရင်းမြစ်များ

ئنجیل مەتا 10:7

وەختێ دێرین چین ئی خەوەر جار بێەن که پادشایی ئاسمان نزیکه.

ئنجیل مەتا 11:20

ئەو وەخته عیسا شرو کرده سەرزەنشت شاریلێگ که فرەتر موجزەیلێ وه ئەوره ئەنجام گردوی، چوینکه ئەوانه توبه نەکردوین.

ئنجیل مەتا 12:41

مەردم شار نەینەوا وه ڕوژ داوەری وەگەرد ئی نەتەوه زنیەو بون و ماکومێان کەن، چوینکه ئەوانه وەبونەێ بانگەوازی یونس توبه کردن، بنوڕن، کەسێگ گەوراتر له یونس ها ئێرا.

ئنجیل مەتا 13:11

عیسایش جواو دا: «دەرک رازیل پادشایی ئاسمان وه ئیوه دریاس، وەلێ وه ئەوانه نێریاس.

ئنجیل مەتا 13:24

عیسا مەسلەت تریش ئەڕاێان هاورد و وەت: «پادشایی ئاسمان مینێده پیاێ که وەناو زەویزارەگەی تویەم خاس وەشان.

ئنجیل مەتا 13:31

عیسا ئەڕاێان مەسلەتیگ تر هاورد و فەرمایش کرد: «پادشایی ئاسمان جور دەنگ خەردەلیگه که یەکی هەڵێگرێد و وەناو زەویزارەگەێ کاڵێدەێ.

ئنجیل مەتا 13:33

ئمجا عیسا مەسلەتیگ تر ئەڕاێان هاورد و فەرمایش کرد: «پادشایی ئاسمان جور خەویرترشیگه که ژنێگ هەڵگرد و وەگەرد سێ لنگه ئارد دادەێ یەکا تا گشت خەویرەگه هەڵ‎باێ.»

ئنجیل مەتا 13:47

«هەر ئیجوره پادشایی ئاسمان جور توڕێگه که خریا ناو دەریا و گشت جور ماسیێگ چیه ناوێ.

ئنجیل مەتا 13:52

عیسا فەرمایش کرد: «جا، هەر ماموستاێ تەوراتێگ که له باوەت پادشایی ئاسمان تالیم گردێه، جور ساێو ماڵێگه که له گەنجینەێ خوەێ چشتیل نو و کویەنه دەر تیەرێ.»

ئنجیل مەتا 18:23

«جا پادشایی ئاسمان مینێده پادشاێگ که تواێ وەگەرد خزمەتکارەگانی حساوکتاو بکێ.

ئنجیل مەتا 20:1

«پادشایی ئاسمان مینێده ساێو باخێگ که شەوەکی شەفەق دەێده دەیشت تا ئەڕا باخ ئەنگویرەگەێ کارکەریلێ بگرێ.

ئنجیل مەتا 22:2

«تویەنیم پادشایی ئاسمان وه شاێگ وێنه بکێم که ئەڕا کوڕەگەێ سویرێگ خسته ڕێ.

ئنجیل مەتا 23:13

«وای وه حاڵ ئیوه ماموستایل تەورات و فەریسیەیل، ئێ دوڕوییل! چوینکه ئیوه دەر پادشایی ئاسمان وه ڕوی مەردم بەسین؛ خوەدان نیەچینه ناو و نوای کەسیلێ که توان بچنه ناو، گرین.

ئنجیل مەتا 25:1

«وه ئەو وەخته، پادشایی ئاسمان مینێده دەگله دویەت ئازەو که رەفیقەیل وەویێن، چراخ مویشیەگانێان هەڵگردن و چینه پیری زاواوه.

ئنجیل مەتا 25:14

«هەر ئیجوره پادشایی ئاسمان جور پیاێگه که تواێ بچوده گەردیان. ئەیو خوڵامەگانێ چڕی و دارایەگەێ دا دەسێان؛

ئنجیل مەتا 4:17

وه ئەو وەختەو عیسا شرو کرده بانگەوازی و فەرمایش کرد: «توبه بکەن چوینکه پادشایی ئاسمان نزیکه.»

ئنجیل مەتا 4:23

عیسا وه سەرئانسەر جەلیل گەردیاد و وەناو کەنیسەگانیان تالیم دیاد و خەوەر خوەش پادشایی خودا جار دیاد و هەر ژان و نەخوەشێگ که وەناو مەردم بی شەفا دیاد.

ئنجیل مەتا 5:10

خوەش وه حاڵ ئەوانه که وەبونەێ سالح بوین عەزاو دوینن، چوینکه پادشایی ئاسمان هن ئەوانەسه.

ئنجیل مەتا 5:3

«خوەش وه حاڵ کەسیلێگ که وه روح دەستەنگن، چوینکه پادشایی ئاسمان ئەڕا ئەوانەسه.

ئنجیل مەتا 6:10

پادشایی تو باێد. خاست تو هەر ئەو جوره که وه ئاسمان کرێید، وه مل زەویش بکرێید.

ئنجیل مەتا 6:33

بەڵکەم یەکم جار وەشون پادشایی خودا و دادپەروەری بون، ئمجا ئیانیشه گشتێ دریده پێدان.

مەرقوس 1:15

وەتیا: «زەمان وه کەماڵ ڕەسیه و پادشایی خودا نزیکەو بیه. توبه بکەن و وی خەوەر خوەشه ئیمان بارن.»

مەرقوس 1:4

یەحیاێ تەعمیددەر وەناو بیاوان ئاشکرا بی و بانگەوازی کردیا که مەردم ئەڕا بەخشین گونایلێان، توبه بکەن و خوسڵ تەعمید بگرن.

مەرقوس 6:12

جا ئەوانه چين و ئەڕا مەردم بانگەوازی کردیان که باێه توبه بکەن.

لوقا 1:16

بڕ فرەێگ له قەوم ئێسرائیل وەرەو لاێ خوداوەند، خوداێ خوێان تیەرێدەو.

لوقا 11:20

وەلێ ئەگەر من وەگەرد کلک خودا دێویل دەر کەم، دڵنیا بون پادشایی خودا هاتیەسه ملدانەو.

لوقا 13:3

نه، وەپێدان ئویشم که ئیجوره نیه. بەڵکەم ئەگەر توبه نەکێن، ئیوەیش گشتدان هەر ئیجوره نابود بوین.

لوقا 13:5

نه، وەپێدان ئویشم که ئیجوره نیه. بەڵکەم ئەگەر توبه نەکێن، ئیوەیش گشتدان هەر ئیجوره نابود بوین.»

لوقا 15:10

وەپێدان ئویشم، هەر ئیجوره وەختێ گوناکارێگ توبه بکێ فریشتەیل خودا شادی کەن.»

لوقا 15:7

وەپێدان ئویشم، هەر ئیجوره ئەڕا یەێ گوناکار که توبه کەید، جەشن و شادی گەوراترێگ وه ئاسمان بەر پا بود تا ئەڕا نەوەد و نو ئایەم سالحانه که هەوەجی وه توبه نێرن.

لوقا 16:30

پیا دەوڵەمەنەگه وەت: ”نه، باوگ ئیمه ئێبراهیم، بەڵکەم ئەگەر کەسێ وەناو مردگیل بچوه ئەڕا لاێان، توبه کەن.“

لوقا 21:31

هەر ئیجوره هەر وەخت دوینین ئی چشتیله هەڵکەفێ، بزانین که پادشایی خودا نزیکەو بیه.

لوقا 24:47

وه ناو ئەیو توبه و بەخشین گونایل باێه وه گشت ملەتیل بانگەوازی بکرێی، له ئورشەلیم شرو کریەد.

لوقا 6:20

ئمجا عیسا ڕوی کرده شاگردەگانێ و وەت: «خوەش وه حاڵ ئیوه که دەستەنگین، چوینکه پادشایی خودا ئەڕا ئیوەس.

لوقا 9:2

جا کلیان کرد تا پادشایی خودا بانگەوازی بکەن و نەخوەشیل شەفا بێەن.

کاریل ڕەسولەیل 11:18

وەختێ ئی قسیەیله شنەفتن، بیدەنگ بین و ستایش خودا کردن، وەتن: «وه ڕاسی که خودا وه ناجویلەکەیلیش ئی دەرفەته دا تا توبەی زنەیی بەخش بیرێیده پێان!»

کاریل ڕەسولەیل 17:30

خودا وه جاران وه ڕوی ئیجور نەزانیگ چەوێ بەسیاد. وەلێ ئێرنگه وه گشت مەردم وه هەر شونێگ دەستور دەی که توبه بکەن.

کاریل ڕەسولەیل 2:38

پتروس وەته پێان: «توبه بکین و هەر کامدان وه ناو عیسا مەسیح ئەڕا بەخشین گونایلدان خوسڵ تەعمید بگرن که خەڵاتی خودا یانێ روح‌القودوس وه دەس تیەرین.

کاریل ڕەسولەیل 20:21

هەم وه جویلەکەیل و هەم یونانیەگان شاێەتی دامه که باێه توبه بکەن و ڕوی بارنه خودا و ئیمان بارنه خوداوەند ئیمه عیسا مەسیح.

کاریل ڕەسولەیل 26:20

بەڵکەم یەکم جار ئەڕا نیشتەجێیل دەمشق، وەشونێ ئورشەلیم و گشت ناوچەێ یەهودیه، هەر ئیجوره لەناو ناجویلەکەیل جار دامه که باێه توبه بکەن و هەڵوگەردیەنه ئەڕا لاێ خودا و کردەوێ شایسەێ توبه بیاشتون.

کاریل ڕەسولەیل 3:19

جا توبه بکەن و هەڵوگەردینه لاێ خودا تا که گونایلدان پاکەو بود،

دویم قورنتییل 7:10

چوینکه ئەو خەمباریه که ئەڕا خوداس، بوده بایس توبەێگ که وەرەو نجات چود و بەتاڵی وەناوێ نیه. وه حاڵی که خەمێگ که ئەڕا جهان بود، بوده بایس مردن.

نامه وه کولوسییل 1:13

ئەیو له حوکمرانی تیەریکی ڕزگارمان کردێه و بردیەسەمانه ‎ناو پادشایی کوره عەزیزەگەێ خوەێ،

دویم تیموتاوس 2:25

باێه ئەوانه که له نوای وسن وه دڵنەرمی ڕێنمایی بکێد، وەئی ئمیده که خودا بیلێد تا ئەوانه توبه بکەن و ڕاسی بناسن

عبرانییل 6:1

جا باین دەرسیل سەرەتایی له باوەت مەسیح بنێمنە پشت سەر، وەرەو بازڵه بوین بچیمنه نوا و یەێ جارتر بنەما نەنێیمنه مل ئیانه، یانێ مل توبه له کاریل وەدەرد‎نەخوەر و ئیمان وه خودا

دویم پتروس 3:9

وه پێچەوانەێ گومان بڕێگ، خوداوەند له وه جێ هاوردن وادەێ خوەێ ماتەڵی نیەکەێد، بەڵکەم وه سەور تاموڵدان کەێد، چوینکه نیەتواید کەسێگ له بین بچود بەڵکەم تواید گشت‎یەکی ڕوی بارنه توبه.

وەحی وه یوحەنا 2:21

وه پێ دەرفەت دام تا توبه بکێ، وەلێ نیەتواێ له خیزی خوەێ توبه بکێ.

وەحی وه یوحەنا 2:5

جا باره هویرد که له کوره کەفتیەسه خوار. توبه بکه و کاریلێگ وه جێ بار که له سەرەتا وه جێ هاوردیاید. ئەگەر نه تیەمه ئەڕا لاد و چراخدانەگەد له ئەوره که هەس، هەڵگرم، مەر ئیه که توبه بکێ.