ئنجیل مەتا 27:1 - کتاب مقدس به زبان کردی جنوبی - گویش کلهوری

¹ شەوەکی شەفەق، گشت سەران کاهنیل و شێخیل قەوم وه یەکەو مەشویرەت کردن تا عیسا بکوشن.

ئنجیل مەتا 27:1 ပူးပေါင်းရင်းမြစ်များ

ئنجیل مەتا 23:13

«وای وه حاڵ ئیوه ماموستایل تەورات و فەریسیەیل، ئێ دوڕوییل! چوینکه ئیوه دەر پادشایی ئاسمان وه ڕوی مەردم بەسین؛ خوەدان نیەچینه ناو و نوای کەسیلێ که توان بچنه ناو، گرین.

مەرقوس 15:1

دەم شەوەکی زوی بێ ماتەڵی، سەران کاهنیل وەگەرد شێخیل و ماموستایل تەورات و گشت شوراێ جویلەکە نیشتنه مەشویرەت کردن، عیسا وه دەس بەسریای بردنێ و دانەێ دەس پیلاتوس فەرماندار رومی.

لوقا 13:1

هەر ئەو زەمانه، بڕێگ له کەسیلێ که وه ئەوره بین، له باوەت ئەو مەردمیل ناوچەێ جەلیله ئەڕا عیسا وەتیان که چوی پیلاتوس فەرماندار رومی، ئەوانه کوشتوی و خوینێان وەگەرد خوین قوروانییلیان کردویه یەکەو.

لوقا 22:66

وەختێ بیه شەوەکی، شوراێ گەورایل قەوم جویلەکە، سەران کاهنیل و ماموستایل تەورات، گردەو بین و عیسا هاوردنه نوای شورا.

یوحەنا 18:28

جا عیسا له لاێ قیافاوه بردنێ ئەڕا کاخ فەرماندار. شەوەکی شەفەق بی. ئەوانه خوێان نەچینه ناو کاخ فەرماندار تا ناپاک نەون تا بتویەنن نان پسەخ بخوەن.

کاریل ڕەسولەیل 5:21

وەختێ ئیه شنەفتن، دەم شەوەکی چینه ناو مابەد و خەریک تالیم داین مەردم بین. وەختێ کاهن گەورا و هاوکاریلێ که وەگەردیەو بین هاتن، ئاڵ شورا و گشت شێخیل ئێسرائیل چڕین و کەسیلێ کل کردن تا ڕەسولەگان له زندان بارن.