ئنجیل مەتا 22:3 - کتاب مقدس به زبان کردی جنوبی - گویش کلهوری

³ خوڵامەگانێ کل کرد تا دەنگ کریایەگان ئەڕا سویرەگه بچڕێ، وەلێ ئەوانه نەتواسن بان.

ئنجیل مەتا 22:3 ပူးပေါင်းရင်းမြစ်များ

ئنجیل مەتا 21:34

وەختێ وەرز چنین ئەنگویرەگان رەسێ، خوڵامەگانێ کل کرده ئەڕا لاێ باخەوانەگان تا بەشەگەێ له میوەێ باخەگه له لێان بسێنن.

ئنجیل مەتا 23:37

«ئێ ئورشەلیم، ئێ ئورشەلیم، ئێ شارێگ که قاتڵ پەێخەمەریل و کوچگوارانکەر کەسیلێگید که کل کریەنه لاێ تو! چەن جار تواسم جور مامرێگ که جویجگەگانی له ژێر باڵیل خوەێ گردەو کەید، مناڵەگاند گردەو بکەم، وەلێ نەتواسێ!

ئنجیل مەتا 3:2

وەتیا: «توبه بکەن چوینکه پادشایی ئاسمان نزیکه.»

ئنجیل مەتا 9:15

عیسا وه جواویان وەت: «ئێ بو مێوانیل سویر تا وەختێ که زاوا ها گەردیانەو، ئازیەتباری بکەن؟ وەلێ ڕوژیلی رەسێ زاوا له لێان سێنریەێ. ئەو وەخته ئەوانه ڕوژه گرن.

لوقا 13:34

ئێ ئورشەلیم، ئێ ئورشەلیم، ئێ قاتڵ پەێخەمەریل و کوچگوارانکەر ڕەسولەیلێ که کل کریەنه لاێ تو! چەن جار تواسم جور مامرێگ که جویجگەگانی وه ژێر باڵیل خوەێ گردەو کەێد، مناڵەگاند گردەو بکەم، وەلێ نەتواسێ!

لوقا 15:28

وەلێ کوره گەوراگه، فره توڕه بی و نەتواس بچوده ئەڕا ماڵ. جا باوگێ هاته دەیشت و لاڵکیاده پێ.

لوقا 19:27

ئێرنگەیش ئەو دشمەنیله که نیەتواسیان وەپێان پادشایی بکەم بارنێانه ئەڕا ئێرا وه نوای من سەرێان بوڕن.“»

یوحەنا 5:40

وەلێ نیەتواین باینه ئەڕا لاێ مه تا زنەیی بیاشتوین.

کاریل ڕەسولەیل 13:45

وەلێ جویلەکەیل وەختێ دین مەردم فرەوه بین، حەسوێان هات و له نوای قسیەيل پولوس وسان و بی حرمەتی کردیان.

رومیەگان 10:21

وەلێ له باوەت ئێسرائیل ئویشێ: «له دریژای ڕوژ دەسیل خوەم وەرەو مەردمیگ که ملچەفتەوکەرن و وەگەردمەو زدن، دریژەو کردمه.»

عبرانییل 12:25

هوشدان بود که له گوش داین ئەوه که قسیه کەید، ڕوی هەڵونەگەردنین. چوینکه ئەگەر ئەوانه که وه ئەو کەسه که وەبان زەوی هەڕەشه داویه پێان، گوش نەتەکانن، ڕێ دەرچینێگ له موجازات پەێا نەکردن، جا ئەگەر ئیمه ئەو کەسه که له ئاسمانەو هەڕەشه دەێەپێمان ڕەد بکێم، چوی تویەنیمن له موجازاتەگەێ دەر بچیم.

عبرانییل 9:15

وه ئی بونه، مەسیح ناوجێکەر پەێمانێگ تازەس، تا ئەوانه که دەنگ کریانه بتویەنن میراتی ئەبەدی که وادەێ دریاس، بگرنەوەر. چوینکه مردنێگ ڕوی داس که ئەوانه له خەتایلێگ که وەناو پەێمان یەکم هەڵکەفت، ڕزگاری بەخشێد.

وەحی وه یوحەنا 22:17

روح خودا وەگەرد وەوی ئویشین: «بەو!» بیل تا هەر کەسێگ که شنەفێد بویشێد: «بەو!» بیل تا هەر کەسێگ تیەنیه باێد؛ بیل تا هەر کەسێگ ئاوەختی دێرێ، له ئاو ژیان وه پەتی بسێنێد.