ئنجیل مەتا 2:2 - کتاب مقدس به زبان کردی جنوبی - گویش کلهوری

² و وەتن: «ئەو پادشاێ جویلەکەیله که هاتیەسه دنیا ها کوره؟ چوینکه ئیمه هەسارەگەێ وه ڕوژهەڵاتەو دیمن و هاتیمنه پەرەسشێ بکێم.»

ئنجیل مەتا 2:2 ပူးပေါင်းရင်းမြစ်များ

ئنجیل مەتا 2:3

وەختێ هیرودیس پادشا ئیه شنەفت، خوەێ و گشت مەردم ئورشەلیم وەگەردێ پەشێو بین.

ئنجیل مەتا 21:5

«وه دویەت کویەگەێ سەهیون بویشن، ”بنوڕ، پادشاگەد تێیده ئەڕا لاد، وه بێ فیسیەو، سوار خەریگ، سوار وه خەرکوڕێگ.“»

ئنجیل مەتا 27:11

عیسا وه نوای پیلاتوس فەرماندار رومی وساد، فەرمانداریش له لێ پرسی: «ئێ تو پادشاێ جویلەکەیلی؟» عیسا وەت: «تو خوەد ئیجوره وەتی!»

لوقا 19:38

وەتیان: «بمارکه ئەو پادشا که وه ناو خوداوەند تێ! ئاشتی و سڵامەتی و جەڵاڵ و شکو وەناو ئاسمان بەرز بود!»

لوقا 2:11

چوینکه ئیمڕو وەناو شار داود پادشا، نجات دەرێگ ئەڕادان هاته دنیا. ئەوه خوداوەند مەسیحه.

لوقا 23:3

ئمجا پیلاتوس له عیسا پرسی: «تو پادشاێ جویلەکەیلی؟» وه جواوی وەت: «تو خوەد ئیجوره وەتی!»

لوقا 23:38

تەختەێگیش که وه ملێ نویسریاوی: ”ئیەسه پادشاێ جویلەکە،“ کوتانه بان سەری.

یوحەنا 1:49

نەتەنائیل جواوی دا: «ماموستا، تو کوڕ خودای! تو پادشاێ ئێسرائیلی!»

یوحەنا 12:13

پەلیل دار خورما گردنه دەس و چینه پیریەو، هاوار کردیان: «نجات بیه! بمارکه ئەوه که وه ناو خوداوەندەو تێ، بمارکه پادشاێ ئێسرائیل!»

یوحەنا 18:37

ئمجا پیلاتوس له لێ پرسی: «ئێ خاسه جا تو پادشاێ؟» عیسا جواو دا: «تو ئویشێ مه پادشام. ئەڕا ئیه هاتمەسه دنیا و ئەڕا ئیه پا نامەسه ئی جهانه، تا ئەڕا ڕاسی شاێەتی بیەم. جا هەر کەس وه ڕاسی تالوق بیاشتود گوش گرێه دەنگم.»

یوحەنا 19:19

پیلاتوسیش دا وەبان تەختەێگ نویسان و کوتانێ بان سەلیبەگه. له بانی نویسریاوی: ’عیساێ ناسری، پادشاێ جویلەکەیل‘.

یوحەنا 20:28

توما وەپێ وەت: «خوداوەند من و خوداێ مه!»

یوحەنا 5:23

تا گشت حرمەت کوڕ بگرن، هەر ئەوجورە که حرمەت باوگ گرن. هەر کەس حرمەت کوڕ نیەگرێ، حرمەت باوگیشێ نیەگرێ که کلی کردێه.

یوحەنا 9:38

وەت: «گەورەم، ئیمان دێرم.» جا سجدەی عیسا کرد.

عبرانییل 1:6

وه دواره وەختێ که یەکم زگەگه تیەرێده ناو دنیا، فەرمایش کەید: «گشت فریشتەیل خودا ئەیو بپەرەسن.»

وەحی وه یوحەنا 22:16

«مه، عیسا، فریشتەێ خوەم کل کردمەسه ئەڕا لادان تا ئی چشتیله وه کلیسایل شاێەتی بێید. مه ریشه و نەتەوەێ داود پادشا و هەسارەێ درەوشیاێ شەوەکیم.»