لوقا 8:2 - کتاب مقدس به زبان کردی جنوبی - گویش کلهوری

² هەر ئیجوریشه قێرێ له ژنیل که وه روحیل شەڕئاشو و نەخوەشێ شەفا پەێا کردوین وەگەردیەو بین: مریەم ماروف وه مەجدەلیه که هەفت دێو له لێ دەر چوین،

لوقا 8:2 ပူးပေါင်းရင်းမြစ်များ

ئنجیل مەتا 4:24

ئمجا دەنگ و ناو عیسا وه سەرئانسەر سوریه پێچیا، ئەوانیش گشت نەخوەشەگانیان وه هەر لەون ژان و نەخوەشیگەو هاوردیانه ئەڕا لاێ، ئەوانه که خوودار بین و کەفتیانه ڕکه و فەلەج بین، ئەیو شەفاێان دیاد.

مەرقوس 16:1

وەختێ ڕوژ شەبات که هەر ئەو شەمەێ موقەدەس جویلەکەیله تەمام بی، مریەم مەجدەلیه و سالومه و مریەم، داڵگ یاقوب، چشتیل خوەش بویگ سەنن تا بچن بماڵنی جنازەێ عیسا.

مەرقوس 16:9

وەختێ عیسا وه دەم شەوەکی یەکمین ڕوژ هەفته زنیەو بی، یەکم جار وه مریەم مەجدەلیه که هەفت دێو له لێ کردویه دەیشت، ئاشکرا بی.

لوقا 23:27

قێر فرەێگ له مەردم کەفتوینه شونێ، هەر ئیجوره ژنیلێگ که شین و ئازیەتباری کردیان.

لوقا 23:49

وەلێ گشت کەسیلێگ که عیسا ناسیان و ژنیلی که له جەلیل وەشونیەو کەفتوینه ڕێ، هاتوین وه ئەو دویرەو وساین و نوڕیانه ئی هەڵکەفتیله.

لوقا 23:55

ژنیلی که له جەلیلەو وەشون عیسا هاتوین، کەفتنه شون یوسف و مەقبەرەگه و جنازەگه دین که چوی نانەێ ناوێ.

لوقا 8:30

عیسا له لێ پرسی: «ناود چەس؟» جواو دا: «لەشکەر،» چوینکه دێویل فرەێگ چوینه ناوێەو.

یوحەنا 19:25

له لاێ سەلیب عیسا، داڵگێ و میمگێ و مریەم‎ ژن کلوپاس و مریەم مەجدەلیه وساوین.

کاریل ڕەسولەیل 1:14

ئیانه گشتێان وەگەرد ژنيل و هەر ئیجوره مریەم داڵگ عیسا و براگانێ، وه یەێ دڵ وەخت خوێان ناوینه ئەڕا دوعا کردن.