لوقا 17:2 - کتاب مقدس به زبان کردی جنوبی - گویش کلهوری

² ئەڕاێ خاستر ئیه بی هارئاسیاوێگ بخەنه ملێ و فڕەی بێەنه ناو دەریا تا ئیه که بایس گوناێ یەکیگ وه ئی بویچگیله بود.

لوقا 17:2 ပူးပေါင်းရင်းမြစ်များ

ئنجیل مەتا 17:27

وەلێ ئەڕا ئیه که نەرەنجنیمنیان، بچوه لیوەێ دەریاچەگه و قولاوی بخه. یەکم ماسی که گردی، دەمێ بکەرەو. سکەێگ چوار درهەمی پەێا کەی، بوەری و بەش خوەم و خوەد بیه پێان.»

ئنجیل مەتا 18:10

«هوشدان بود یەکیگ له ئی بویچگیله سوکەو نەکێن، چوینکه وەپێدان ئویشم فریشتەیلێان وەناو ئاسمان هەمویشه ڕوی باوگم که ها ناو ئاسمان دوینن.

ئنجیل مەتا 18:14

جا خاست باوگ مه که ها ئاسمان ئیه نیه که یەکی وه ئی بویچگیله وه دەس بچود.

ئنجیل مەتا 26:24

کوڕ ئنسان هەر ئەوجورە که وەناو کتاو موقەدەس لەباوەتێەو نویسریاس، چود، وەلێ وای وه حاڵ ئەو کەسه که کوڕ ئنسان دەێده دەس دشمەنەو. ئەڕاێ خاستر ئیه بی هەراێهەر ناتیاده دنیا.»

مەرقوس 9:42

«هەر کەیش بایس بود یەکیگ وه ئی بویچگیله که وه من ئیمان دێرن تویش گونا بود، ئەڕاێ خاستر ئیه بی هارئاسیاو گەوراێگ بخەنه ملێ و فڕەی بێەنه ناو دەریا!

یوحەنا 21:15

وەشون ئیه که قاواڵتی خواردن، عیسا له شەمعون پتروس پرسی: «شەمعون، کوڕ یوحەنا، توی فرەتر له ئیانه مه دوس دێرێ؟» ئەوه جواو دا: «بەڵێ ئێ خوداوەند؛ تو زانید که دوسد دێرم.» عیسا وەپێ وەت: «وەرکەگانم بلەوەڕن.»

یەکم قورنتییل 9:15

وەلێ من له هویچکام له ئی حەقیله بەشێگ نەوردمه، ئیەیشه نیەنویسم تا ئەڕا مه ئیجوره بکێن. بمرم خاستره که یەکیگ ئی شانازیه له لێم بگرێ.

یەکم قورنتییل 9:22

وەگەرد بی هازیل، بی هازەو بیمه تا بی هازیل ئەڕا مەسیح وه ئیمان بارم. ئەڕا گشتیەکی بیمەسه گشت چشتێگ تا وه هەر شێوەێگ بتویەنم قێرێگ نجات بێەم.