لوقا 10:2 - کتاب مقدس به زبان کردی جنوبی - گویش کلهوری

² وەپێان وەت: «کشتکاڵ فرەس وەلێ کارکەر کەم. جا، له ساێو کشتکاڵەگه داوا بکەن کارکەریل ئەڕا درەو کشتکاڵەگەێ کل بکێ.

لوقا 10:2 ပူးပေါင်းရင်းမြစ်များ

ئنجیل مەتا 20:1

«پادشایی ئاسمان مینێده ساێو باخێگ که شەوەکی شەفەق دەێده دەیشت تا ئەڕا باخ ئەنگویرەگەێ کارکەریلێ بگرێ.

مەرقوس 13:34

جور پیاێگه که چیه ئەڕا گەردیان و وەختێگیش چیاد، خوڵامەگانێ هیشتویه ئەڕا سەرسامان داین ماڵەگەێ، وه هەر کامێان کارێگ داوید و وه دەربانەگەیشێ دەستور داوید وەخەوەر بمینێ.

مەرقوس 16:15

جا وەپێان وەت: «وه سەرئانسەر دنیا بچن و ئینجیل ئەڕا گشت دنیا بانگەوازی بکەن.

مەرقوس 16:20

جا ئیانیشه چینه دەیشت و وه گشت جاێ بانگەوازی کردیان، خوداوەندیش له ڕێ ئەوانه کار کردیا و کەڵام خوەێ وەگەرد نیشانەیلێ که وەگەرد ئیانەوه بی، مور کردیاد.

لوقا 9:1

عیسا ئەو دوانزه شاگرده وه دەور یەکەو گردێانەو کرد و هێز و دەسڵات دا پێان ئەڕا دەر کردن گشت دێویل و شەفاێ نەخوەشییل؛

کاریل ڕەسولەیل 11:19

ئمجا کەسیلێ که وەشون شکەنجه و عەزاوێگ که وه سەر ئستیفان هاتوی، تەفرتوینا بوین، چینه ئەڕا مەنتەقەیل فینیقیه و قپرس و ئەنتاکیه. ئەوانه پێخام خودا بێجگه وه جویلەکەیل وه کەسێگ تر نەوەتن.

کاریل ڕەسولەیل 13:2

وەختێ که ئەوانه خوداوەند پەرەسیان و وه ڕوژه بین، روح‌القودوس فەرمایش کرد: «بەرنابا و شائول ئەڕام جیاێانەو بکێن، ئەڕا کارێ که دەنگیان کردمه.»

کاریل ڕەسولەیل 13:4

ئەو دو نەفەره که روح‌القودوس کلێان کردوی، چینه ئەڕا شار سلوکیه و له ئەوریشه له ڕێ دەریاوه چینه ئەڕا جەزیرەی قپرس.

کاریل ڕەسولەیل 20:28

هوشدانه خوەدان و گشت ڕیەنێگ بود که روح‌القودوس ئیوه کردێەسه هێوەتکەر وه سەریان. شوانی کلیساێ خودا بکەن که وه خوین خوەێ سەندیەسێ.

کاریل ڕەسولەیل 22:21

«ئەیو وەپێم وەت: ”بچو؛ کلد کەم ئەڕا جایل دویر، ئەڕا لاێ ناجویلەکەیل.“»

کاریل ڕەسولەیل 8:4

ئێرنگه ئەوانەێ که تەفرتویناوه بوین، وه هەر کوره که چیان، کەڵام خودا بانگەوازی کردیان.

یەکم قورنتییل 12:28

خودا وەناو کلیسا دانا، یەکم ڕەسولەیل، دویم نەبوەتکەریل، سێیەم ماموستایل؛ وەشونێ هێز موجزەیل، ئمجا خەڵاتییل شەفا داین و مەیەت داین و ئێداره کردن و قسیه کردن وه زوانیلتر.

یەکم قورنتییل 15:10

وەلێ وه فیز خودا من ئەوەمه که هەم، هەر ئیجوره فیز ئەیو ئەڕا من بێ سود نوی. وه چەواشەوه، من له گشت ئەوانه فرەتر کار کردم، هەر چەن وەڕاسی خوەم نویم، بەڵکەم ئەو فیز خودا بی که ها گەردما.

دویم قورنتییل 6:1

وه جیگەێ هاوکاریل خودا، لاڵکییمنه پێدانەو که فیز خودا وەناو زنەییدان پویچەو نەکێن.

نامەێ فیلیپییل 2:21

ئەڕا ئیه که ئەوانه گشتێان هانه شون نەف خوێان، نه نەف عیسا مەسیح.

نامەێ فیلیپییل 2:25

ئیجوره فکر کردمه که واجوه تا ئپافرودیتوس کلەو بکەمه ئەڕا لادان، ئەوه له یەێ لا برا و هاوکار و هاورەزم خوەمه و له لاێگترەو، کل کریاێ و خزمەتکاردانه ئەڕا سەرسامان داین هەوەجیێلم.

نامەێ فیلیپییل 2:30

چوینکه ئەڕا کار مەسیح تا نزیک مردن چيه نوا و ئەڕا جبران کەم کەسری خزمەتەگەدان وه مه، گیان خوەێ خسته خەتری.

نامه وه کولوسییل 1:29

وه ئی باوەتەسه که مه زامەت کیشم و وەگەرد گشت هێز ئەیو که وه قەوەت وەناو مه کار کەید، تەقالا کەم.

نامه وه کولوسییل 4:12

ئەپافراس که یەکی له خوەدانەو و خزمەتکار مەسیح عیساس، سڵامدان رەسنێد. ئەوه هەمویشه وەناو دوعایلی ئەڕادان تەقالا کەی تا ئیوه جور ئایەمیلێ که بازڵەن و وه تەمامی خاترجەمن، بەردەوام بمینێن و خاست خودا وه تەمامی وەجێ بارین.

یەکم تسالونیکییل 2:9

چوینکه ئێ برایل، مێنەت و سەختیمان ها هویردان، که شەو و ڕوژ کار کردیایم تا وەختێگ ئینجیل خودا وەپێدان جار دايمن، سەربار هویچ کامدان نویمن.

یەکم تسالونیکییل 5:12

ئێ برایل، له لێدان توایم ئەوانه که له ناودان زامەت کیشن و له لاێ خوداوەندەو ڕابەريل ئیوەن و ئاموژیاریدان کەن، حرمەتیان بگرن و

دویم تسالونیکییل 3:1

دەس ئاخر، ئێ برایل، ئەڕا ئیمه دوعا بکێن تا کەڵام خوداوەند وه تنی بچوده نوا و عەزیز گرامیەو بود، هەر ئەوجورە که له ناو ئیوه ئیجوره بی

یەکم نامەێ تیموتاوس 4:10

که ئیمه ئمید خوەمان وه مل خوداێ زنی نایمنه که نجات دەر گشت ئایەمیل وه تایبەتی ئیمانداریله؛ و هەر ئەڕا ئیەیشه زامەت کیشیم و زور زمەکی کیم.

دویم تیموتاوس 4:5

وەلێ توی وه هەر حاڵێگەو هوشد بود؛ سەختییل ئەڕا خوەد هامارەو بکه؛ کار مزگانیدەر وه جێ بار و خزمەت خوەد وه کەماڵ وه جێ بار.

نامه وه فیلیمون 1:1

له پولوس، زندانی مەسیح عیسا و براگەمان تیموتاوس، وه هاوکار عەزیزمان فیلیمون،

عبرانییل 3:6

وەلێ مەسیح، له جیگەێ یەێ کوڕ، ساێو ئختیار وه سەر ماڵ خودا، ئەمینە. ماڵەگەێ ئەیو ئیمەیم، ئەگەر وه ڕاسی قورس بلچکیێمنه دڵنیایمان و شانازیمان که وه ئمیدمان دێریم.

وەحی وه یوحەنا 2:1

«وه فریشتەێ کلیساێ شار ئەفسوس بنویس: «ئەیو که هەفت هەساره ها دەس ڕاسی و له ناوڕاس هەفت چراخدان تەڵا ڕێ کەێد، ئیجوره ئویشێد: