یوحەنا 9:29 - کتاب مقدس به زبان کردی جنوبی - گویش کلهوری

²⁹ ئیمه زانیم خودا وەگەرد موسا قسیه کردێه. وەلێ ئی پیا نيەزانیم له کوره هاتێه.»

یوحەنا 9:29 ပူးပေါင်းရင်းမြစ်များ

ئنجیل مەتا 12:24

وەلێ وەختێ فەریسیەیل ئیه شنەفتن، وەتن: «ئی پیا تەنیا وه مەیەت بعەلزبول، سەروک دێویل، دێوەگان کەێده دەیشت.»

ئنجیل مەتا 26:61

وەتن: «ئی پیا وەت، ”مه تویەنم مابەد خودا بڕمنم و وەناو سێ ڕوژ وه دواره درسی بکەم.“»

لوقا 23:2

بخت کردنه پێ، وەتن: «دیمنه ئی پیا ملەتەگەمان له ڕێ وه دەر کەی و نوای ئیمه وه باج داین وه قیسەر گری و ئویشێ که مەسیحه و پادشاس.»

یوحەنا 1:17

چوینکه شەریعەت له ڕێ موسای پەێخەمەر دریاد؛ فیز و ڕاسی له ڕێ عیسا مەسیحەو هات.

یوحەنا 7:27

وەلێ ئیمه زانیم ئی پیا له کورەو تێ، وەلێ وەختێ مەسیح ئاشکرا بو، هویچکەسێگ نیەزانێ له کورەو تێ.»

یوحەنا 7:28

ئمجا عیسا وەختێ وەناو مابەد تالیم دیا، وه دەنگ بەرز وەت: «مه ناسین و زانين له کورەو تیەم. وەلێ وه خاست خوەم ناتمه. ئەیو که کلم کردێه، حەقه؛ ئیوه نیەناسینێ.

یوحەنا 8:14

عیسا وه جواوێانەو وەت: «تەنانەت ئەگەر خوەم ئەڕا خوەم شاێەتی بێەم، شاێەتیەگەم درسه، چوینکه زانم له کوره هاتمه و چمه ئەڕا کوره. وەلێ ئیوه نيەزانين مه له کوره هاتمه یا چمه ئەڕا کوره.

یوحەنا 9:16

جا بڕێگ له فەریسیەیل وەتن: «ئی پیا له لاێ خوداوه نیه، چوینکه یاساێ ڕوژ شەبات نیەپاریزنێد.» وەلێ بڕێگ تر وەتن: «ئێ چوی گوناکارێگ تویەنێ ئیجوره نیشانه و موجزەیلێگ بکێ؟» جا دو دەسەیی کەفته ناوێان.

یوحەنا 9:24

جا یەێ جارتر ئەو پیا که وەرجەوە کور بی، چڕینێ وەپێ وەتن: «جەڵاڵ وه خودا بیه! ئیمه زانیمن که عیسا یەێ‎ گوناکارێگه.»

یوحەنا 9:30

ئەو پیا وه جواویان وەت: «ئیه چشت ئەڵاجویگە! ئەیو چەویلم واز کردێه، ئیوه هێمراێ نیەزانين له کوره هاتێه.

کاریل ڕەسولەیل 22:22

مەردم تا ئێرا گوشە پولوس دیان، وەلێ وەختێ ئیه وەت، دەنگ خوێان بەرزەو کردن و دانەێ هاوار: «بکوشنێ، ئیجور کەسێگ نەبایه وەبان زەوی بمینێ!»

کاریل ڕەسولەیل 26:22

وەلێ تا وه ئیمڕو، خودا مەیەتم داس و ئێرنگه وسامەسه ئێرا و وه گشتیەکی له ورد و زرو شاێەتی دەم. بێجگه ئەو چشته که پەێخەمەریل و موسای پەێخەمەر وەتنه که باێه هەڵبکەفێ چشتێ نەوەتم:

کاریل ڕەسولەیل 7:35

«هەر ئی موسا که ڕەدێ کردن و وەتن: ”کی تو کردێەسه حاکم و داوەر وه سەرمان؟“ خودا ئی پیا وه دەس فریشتەێگ که وەناو بنجگ دارێگ وه لێ ئاشکرا بی، کلی کرد تا بوده حاکم و ڕزگارکەریان.

عبرانییل 1:1

وه جارانەو، خودا فره جار و له ڕێیل فرەێگ، وه وەسلەێ پەێخەمەریل وەگەرد باپیریلمان قسیه کرد،

عبرانییل 1:2

وەلێ وەناو ئی ڕوژیل ئاخره وه وەسلەێ کوڕەگەێ خوەێ وەگەرد ئیمه قسیه کردێه، هەر ئەو کوڕه که ئەیو وه میراتیخوەر گشت چشتێگ دیاری کرد و وه وەسلەێ ئەیویش جهان درس کرد.