یوحەنا 9:22 - کتاب مقدس به زبان کردی جنوبی - گویش کلهوری

²² داڵگ و باوگێ وه ئی بونه ئیانه وەتن چوینکه له جویلەکەیل زاورێان چیا. چوینکه جویلەکەیل وەرجەوە کەفتوینه یەکەو ئەگەر کەسێگ ئێقرار بکێ عیسا هەر ئەو مەسیح واده دریایه، باێه له کەنیسه دەر بکریەد.

یوحەنا 9:22 ပူးပေါင်းရင်းမြစ်များ

لوقا 6:22

«خوەش وه حاڵ ئیوه ئەو وەخته که مەردم وەبونەێ کوڕ ئنسان، قینێانه لێدان تێد و وەناو جەم خوێان کەنەدانه دەیشت و خراو دەنه پێدان و بەدناودان کەن.

یوحەنا 1:19

ئیەسه شاێەتی یەحیا وەختێ که ‎گەورایل جویلەکەیل له شار ئورشەلیم، کاهنیل که زانایل مابەد و لاوییل که خزمەتکاریل مابەد بین، کل کردنه ئەڕا لاێ یەحیا تا له لێ بپرسن «تو کید؟»

یوحەنا 16:2

له کەنیسەگان دەردان کەن و تەنانەت زەمانێگ رەسێ که هەر کەس بکوشێدەدان، خیاڵ کێ که وه خودا خزمەت کێ.

یوحەنا 19:38

وەشون ئی چشتیله یوسف که له مەردم شار رامه بی، له پیلاتوس داواێ جنازەێ عیسا کرد تا بویدەێ. یوسف یەکی له شاگردیل عیسا بی وەلێ وه دزیەو، چوینکه له جویلەکەیل ڕخێ چیاد، پیلاتوسیش هیشت. جا هات جنازەگەێ عیسا برد.

یوحەنا 20:19

ئێوارەێ هەر ئەو ڕوژه، که یەکم ڕوژ هەفته بی، وەختێگ شاگردەگان گردەو بین و له ترس جویلەکەیل دەرەگه داخستوین، عیسا هات و له ناوڕاسیان وساد و وەپێان وەت: «سڵام وه ئیوه!»

یوحەنا 7:13

وەلێ ئەڕا ئیه که له جویلەکەیل رخێان چیاد، هویچکەس له باوەتێ ئاشکرا قسیه نیەکردیا.

یوحەنا 9:18

گەورایل جویلەکەیل باوەڕ نەکردن که ئەو پیا کور بیه و بیناوه بیه، تا ئیه که داڵگ و باوگ ئەو پیا که بیناوه بوی، چڕین

یوحەنا 9:21

وەلێ ئیه که ئیسه چوی دوینی و کی چەویلی واز کردێه، ئیمه نيەزانیم. له خوەێ بپرسن. ئەوه گەوراس و خوەێ له باوەت خوێەو قسیه کێ.»

یوحەنا 9:34

وەپێ جواو دان: «تو سەرتاپا وەناو گونا هاتیدەسە دنیا. ئێرنگه تو درس ئیمه دەی؟» جا له کەنیسه دەرێ کردن.

یوحەنا 9:35

وەختێ عیسا شنەفت که ئەو پیا له کەنیسه دەر کردنه، پەێاێ کرد و له لێ پرسی: وه کوڕ ئنسان ئیمان ديری؟»

کاریل ڕەسولەیل 4:18

ئمجا ئەوانه چڕین و دەستور دان که هەراێهەر وه ناو عیسا چشتێگ نویشن و کەسێگیش تالیم نیەن.

کاریل ڕەسولەیل 5:13

هویچکەس له ئەوباقی مەردم جرئەت نەکردیا بچوده ئەڕا لاێان، وەلێ مەردم، فره حرمەتیان گردیان.

کاریل ڕەسولەیل 5:40

جا قەبوڵ کردن و ڕەسولەگان چڕین، قەمچیان دان و نوایان گردن که دی وه ناو عیسا قسیەیگ نەکەن، ئمجا ڕزگاریان کردن.

وەحی وه یوحەنا 21:8

وەلێ نسیو زاورچیەیل و بی ئیمانیل و قیزهاوەریل و ئایەم کوشیل و خێزیل و جادوکەریل و بتپەرەسیل و گشت دروزنیل، دەریاچەێ گڕان وه ئاگر و گوگرده. ئیه مەرگ دویمه.»