یوحەنا 9:16 - کتاب مقدس به زبان کردی جنوبی - گویش کلهوری

¹⁶ جا بڕێگ له فەریسیەیل وەتن: «ئی پیا له لاێ خوداوه نیه، چوینکه یاساێ ڕوژ شەبات نیەپاریزنێد.» وەلێ بڕێگ تر وەتن: «ئێ چوی گوناکارێگ تویەنێ ئیجوره نیشانه و موجزەیلێگ بکێ؟» جا دو دەسەیی کەفته ناوێان.

یوحەنا 9:16 ပူးပေါင်းရင်းမြစ်များ

ئنجیل مەتا 12:10

وەناو کەنیسەگه پیاێ بی که یەێ دەسێ وشک بوی. له عیسا پرسین: «ئێ شەفا داین وه ڕوژ شەبات ڕەواس؟» ئیه وەتن تا دەسپێچکێ بیاشتون که بختێگ بکەنه پێەو.

ئنجیل مەتا 12:2

وەلێ زانایل فرقەێ فەریسی وەختێ ئیه دین وه عیسا وەتن: «بنوڕ، شاگردیلد کارێ کەن که وه ڕوژ شەبات ڕەوا نیه.»

لوقا 13:14

وەلێ سەروک کەنیسه وەبونەێ ئیه که عیسا وه ڕوژ شەبات شەفا داوید توڕه بی و وه مەردم وەت: «شەش ڕوژ ئەڕا کار کردن دێرین. وەناو ئەو ڕوژیله بان و شەفا بگرن، نه وەناو ڕوژ شەبات.»

یوحەنا 10:19

وه دواره وەبونەێ ئی قسیەیله دودەسەیی کەفته ناو جویلەکەیل.

یوحەنا 14:11

باوەڕ وەپێم بکێن که مه هامه ناو باوگ و باوگیش ها ناو مه؛ ئەگەر نه وەبونەێ ئەو کاريله باوەڕ بکێن.

یوحەنا 15:24

ئەگەر وەناوێان ئەو کاریله نەکردیام که کەسێگ بێجگه مه نەکردیه، گوناێگ نیاشتن؛ وەلێ ئێرنگه، هەر چەن ئەو کاریله دینه، هەم له من و هەم له باوگم قینێان تێ.

یوحەنا 2:11

ئیه یەکمین نیشانه و موجزەێ عیسا بی، که ئی کاره له قاناێ جەلیلەو کرد و جەڵاڵ خوەێ ئاشکراوه کرد و شاگردەگانێ وەپێ ئیمان هاوردن.

یوحەنا 3:2

یەێ شەو ئی پیا هاته ئەڕا لاێ عیسا و وەته پێ: «ماموستا، زانیمن تو ماموستاێگی که لەلاێ خوداوه هاتیدە، چوینکه کەس نیەتویەنی ئی نیشانه و موجزەیله بکێ که توی کەید، مەر ئیه که خودا وەگەردێەو بود.»

یوحەنا 5:10

جا جویلەکەیل وه پیاگه که شەفا گردوی وەتن: «ئیمڕو شەباته ئەڕا تو ڕەوا نیه جیەگەد هەڵگری بوید.»

یوحەنا 5:36

وەلێ مه شاێەتێگ دێرم که له شاێەتی یەحیا گەوراتره، چوینکه کاریلێ که باوگ ئاسمانی وه من سپاردیه تا وه ئەنجام برەسنم، یانێ هەر ئی کاریله که کەم له باوەت مه شاێەتی دەن که باوگ کلم کردێه.

یوحەنا 6:52

ئمجا جویلەکەیل وەناو خوێان بیه دەم قاڵیان و وەتیان: «ئی پیا چوی تویەنێ جەسەێ خوەێ بيده پێمان تا بخویم؟»

یوحەنا 7:12

جا وەناو مەردمەگه له باوەت عیسا قسیەو باس فره بی. بڕێگیان وەتیان: «ئەوه پیاێ خاسێگه.» بڕێگتر وەتیان: «نەخیر! مەردمەگه له ڕێ وه دەر کەێ.»

یوحەنا 7:23

ئەگەر کوڕێگ له ڕوژ شەبات خەتەنه کریەد تا شەریعەت موسا نەشکی، ئێ ئەڕا له مه توڕەین که وه ڕوژ شەبات سەر تا پاێ ئنسانێگ خاسەو کردمه؟

یوحەنا 7:43

جا وەناو مەردم وه سەر عیسا بیه دو دەسەی.

یوحەنا 9:24

جا یەێ جارتر ئەو پیا که وەرجەوە کور بی، چڕینێ وەپێ وەتن: «جەڵاڵ وه خودا بیه! ئیمه زانیمن که عیسا یەێ‎ گوناکارێگه.»

کاریل ڕەسولەیل 14:4

مەردم شارەگه بینه دو دەسەوه؛ دەسەیگ هاتنه پشت جویلەکەیل و دەسەیگ چینه لاێ ڕەسولەیل.