یوحەنا 8:52 - کتاب مقدس به زبان کردی جنوبی - گویش کلهوری

⁵² جویلەکەیل وەپێ وەتن: «ئێرنگه دی خاس زانستیم خوو دێرێ! ئێبراهیم مرد و ئەو باقی پەێخەمەریلیش مردن، ئێرنگه تو ئویشێ، ”ئەگەر کەسێ وه قەوڵم بکێ، هەراێهەر تام مردن نیەکێ!“

یوحەنا 8:52 ပူးပေါင်းရင်းမြစ်များ

ئنجیل مەتا 11:18

چوینکه یەحیا هات نه خوەێ و نه نوشی؛ ئویشن، ”خوو دێرێ.“

یوحەنا 1:19

ئیەسه شاێەتی یەحیا وەختێ که ‎گەورایل جویلەکەیل له شار ئورشەلیم، کاهنیل که زانایل مابەد و لاوییل که خزمەتکاریل مابەد بین، کل کردنه ئەڕا لاێ یەحیا تا له لێ بپرسن «تو کید؟»

یوحەنا 14:23

عیسا جواو دا: «ئەگەر کەسێگ دوس مه بیاشتود، کەڵامم پارێزنێد و باوگم دوسی دێرێ و ئیمه تێیمنه لاێ و لەلاێ نیشتەجێ بویمن.

یوحەنا 15:20

کەڵامی که وەپێدان وەتم بارینه هویردان: ”خزمەتکار له ئەرواو خوەێ گەوراتر نیه.“ ئەگەر مه عەزاو دانه، ئیوەیش عەزاو دەن؛ ئەگەر کەڵام مه پارێزانن، کەڵام ئیوەیش پارێزنن.

یوحەنا 17:6

«من ناو تو ئەڕا مەردمێگ که وه ئی جهانه وەپێم بەخشیده، ئاشکرا کردمه. ئەوانه هن تو بین و تو وەپێم بەخشایده، ئەوانیش کەڵامد پارێزاننه.

یوحەنا 7:20

جەماێەتەگه جواو دان: «توی خوو دێرێ! کی پشت ئەڕا کوشتند بەساس؟»

یوحەنا 8:22

جا جویلەکەیل وەتن: «ئێ بو بتواێ خوەێ بکوشێ، که ئویشێ: ”ئیوه نیەتویەنین باینه ئەڕا ئەو شونه که مه چم“؟»

یوحەنا 8:48

جویلەکەیل وه عیسا جواو دان: «ئێ درس نەوەتیم که سامرید و خوو ديری؟»

یوحەنا 8:51

وه ڕاسی، وه ڕاسی، وەپێدان ئویشم، ئەگەر کەسێگ قسیەی مه بپارێزنێ، هەراێهەر مەرگ وه چەو نیوینی.»

یوحەنا 8:55

ئیوه نیەناسینێ، وەلێ مه ناسمێ. ئەگەر بویشم نیەناسمێ، جور ئیوه دروزنم. وەلێ مه ناسمێ و کەڵامەگەێ پارێزنم.

یوحەنا 9:24

جا یەێ جارتر ئەو پیا که وەرجەوە کور بی، چڕینێ وەپێ وەتن: «جەڵاڵ وه خودا بیه! ئیمه زانیمن که عیسا یەێ‎ گوناکارێگه.»

عبرانییل 11:13

ئیانه گشتێان وەناو ئیمان مردن، بی ئەوه که چشتیل واده دریاێ پەێا بکەن، بەڵکەم تەنیا ئەوانه له دویرەو دوین و سڵامیان کردوین. ئەوانه وه زوان هاوردن که له بان زەوی، غەریو و بێگانەن.

عبرانییل 2:9

وەلێ ئەیو دوینیمن که ماوەێ کەمێگ خوارتر له فریشتەیل دانریا، یانێ عیسا، که وه خاتر ئیه که رەنج مەرگ کیشا، تاج جەڵاڵ و حرمەت نریا بان سەری، تا وه پێ فیز خودا ئەڕا گشتیەکی تام مەرگ بکێ.