یوحەنا 8:42 - کتاب مقدس به زبان کردی جنوبی - گویش کلهوری

⁴² عیسا وەپێان وەت: «ئەگەر خودا باوگدان بویاد، دوسم داشتیاین، چوینکه مه له لاێ خوداوه هاتمه و هامه ئێره. مه له خوەمەو ناتمه، بەڵکەم ئەیو کلم کرد.

یوحەنا 8:42 ပူးပေါင်းရင်းမြစ်များ

یوحەنا 12:49

چوینکه مه له خوەمەو قسیه نەکردمه، بەڵکەم باوگێ که کلم کرد خوەێ حوکمه پێم کرد که چه بویشم و له چه قسیه بکەم.

یوحەنا 14:10

باوەڕ نیەکێ که مه هامه ناو باوگ و باوگیش ها ناو مه؟ قسیەیلی که مه وەپێدان ئویشم له خوەمەو نیویشم، بەڵکەم باوگێ که وەناو من نیشتەجێه، کاریل خوەێ کێ.

یوحەنا 17:8

چوینکه کەڵامێگ که وه مه سپاردی، وەپێان سپاردمه، ئەوانیش قەبوڵ کردنه و وه ڕاسی زانستنه که له لاێ تنەو هاتم و ئیمان هاوردنه که تو کلم کردی.

یوحەنا 17:25

«ئێ باوگ داداپەروەر، هەر چه‎ن جهان تو نیەناسێ، وەلێ مه ناسمەد، ئیانەیش زانن تو مه کل کردیده.

یوحەنا 1:14

کەلیمه بیه ئنسان و وەناومان نیشتەجێ بی. ئیمه جەڵاڵی دیمنه، جەڵاڵیگ شایسەێ ئەو تەنیا کوڕه که له لاێ باوگ ئاسمانی هاتوی. پڕ له فیز و ڕاسی.

یەکم یوحەنا 4:14

ئیمەیش دیمنه و شاێەتی دەیم که باوگ ئاسمانی، کوڕەگەێ خوەێ کل کردێه تا بوده نجات دەر جهان.

یوحەنا 5:43

من وه ناو باوگ ئاسمانیم هاتمه، وەلێ قەبوڵم نیەکین. ئەگەر یەکیگ تر وه ناو خوەێ باێ، قەبوڵێ کین.

یەکم قورنتییل 16:22

کەسێگ که خوداوەند دوس نێری، لانەته پێ. خوداوەند ئیمه، بەو!

یوحەنا 3:17

ئەڕا ئیه که خودا کوڕەگەێ کل نەکرده جهان تا جهان ماکوم بکێ، بەڵکەم هناردێ تا جهان وه وەسلەێ ئەیو نجات پەێا بکێ.

یوحەنا 5:23

تا گشت حرمەت کوڕ بگرن، هەر ئەوجورە که حرمەت باوگ گرن. هەر کەس حرمەت کوڕ نیەگرێ، حرمەت باوگیشێ نیەگرێ که کلی کردێه.

وەحی وه یوحەنا 22:1

ئەو وەخته فریشتەگه چەم ئاو ژیان نیشانم دا که هەر جور بلور بریقەێ هاتیاد و له تەخت خودا و تەخت وەرکەگه کەفتویه ڕێ و

نامه وە غەلاتییل 4:4

وەلێ وەختێ ئەو زەمان دیاری کریاێ وه کەماڵ رەسێ، خودا کوڕەگەێ خوەێ کل کرد که له ژنێگ و له ژێر شەریعەت هاته دنیا،

یوحەنا 8:14

عیسا وه جواوێانەو وەت: «تەنانەت ئەگەر خوەم ئەڕا خوەم شاێەتی بێەم، شاێەتیەگەم درسه، چوینکه زانم له کوره هاتمه و چمه ئەڕا کوره. وەلێ ئیوه نيەزانين مه له کوره هاتمه یا چمه ئەڕا کوره.

یوحەنا 13:3

عیسا که زانستیا باوگ گشت چشتێگ سپاردێەسه دەسێ و لەلاێ خودا هاتێه و چودەو ئەڕا لاێ خودا،

یوحەنا 16:30

ئێرنگه زانیم که تو له گشت چشتێگ ئاگاداری و هەوەجید نیه کەس پرسیارێ له لێد بکێ. له ئی باوەتەسه که ئیمان دێریم له لاێ خوداوه هاتیدە.»

یەکم یوحەنا 5:20

هەر ئیجوره ئیمه زانیمن که کوڕ خودا هاتێه و فام داسه پێمان تا ئەیو بناسیم که ڕاسه، ئیمه هایمنه ناو ئەیو که ڕاسه. یانێ وەناو عیسا مەسیح کوڕ ئەیو. ئەیو خوداێ ڕاسەکانی و زنەیی ئەبەدیه.