یوحەنا 8:20 - کتاب مقدس به زبان کردی جنوبی - گویش کلهوری

²⁰ عیسا ئی قسیەیله له وەخت تالیم له ناو مابەد له شونێگ که خەزانەی مابەد له ئەوره بی، وەت. وەلێ هویچکەس نەگردێ چوینکه هێمراێ وەختێ نەرەسوی.

یوحەنا 8:20 ပူးပေါင်းရင်းမြစ်များ

ئنجیل مەتا 26:55

وه ئەو ساته عیسا وه جەماێەتەگه وەت: «مەر مه ڕێگرم وەگەرد شمشێر و کوتەک هاتینه بگرینەم؟ مه هەر ڕوژ وەناو مابەد نیشتیام و تالیم دیام و نەگەردینەم.

ئنجیل مەتا 27:6

وەلێ سەران کاهنیل سکەیل نقره وه مل زەوی گردەو کردن وەتن: «ڕەوا نیه ئی سکەیله بخیمنه ناو خەزانەی مابەد، چوینکه پویل خوینه.»

مەرقوس 12:41

عیسا نیشتویه ڕوی وه ڕوی سنویق خەڵاتییل مابەد و نوڕیاده مەردمی که پویل خستیانه ناو سنویقەگه. قێرێ له دەوڵەمەنیل پویلیل فرەێگ خستیانه تێ.

مەرقوس 12:43

ئمجا عیسا شاگردەگانێ چڕێ وەپيان وەت: «وه ڕاسی، وه ئیوه ئویشم، ئی بێوه ژن دەستەنگه فرەتر له گشت ئەوانه که پویل خستنه ناو سنویق، خەڵاتی داس.

لوقا 20:19

ماموستایل تەورات و سەران کاهنیل وەختێ زانستن ئی مەسلەته له باوەت ئەوانه دێرێ ئویشێ، چینه ئەڕاێ تا هەر ئەو وەخته بگرنەێ، وەلێ زاورێانه مەردم چیاد.

لوقا 21:1

عیسا نوڕیاده دەوروەرێ و دەوڵەمەنیلێگ دی، خەڵاتییل خوێان خستیانه ناو سنویق خەڵاتییل مابەد.

یوحەنا 10:39

وه دواره تواسن بگرنەێ، وەلێ عیسا له دەسێان دەر چی.

یوحەنا 2:4

عیسا وه داڵگێ وەت: «خاتوین، مه چ کارێ وه ئیه دێرم؟ هێمراێ وەخت من نەرەسیه.»

یوحەنا 7:14

وەختێ یەێ کوت له ڕوژیل جەشنەگه ڕەد بی، عیسا هاته ناو مابەد‎ و شرو کرده تالیم داین.

یوحەنا 7:30

جا تواسن بگرنەێ، وەلێ هویچکەس دەس ئەڕاێ دریژەو نەکرد، چوینکه هێمراێ وەختێ نەرەسوی.

یوحەنا 7:44

بڕێگ له لێان تواسن بگرنەێ، وەلێ هویچکەس دەس ئەڕاێ دریژەو نەکرد.

یوحەنا 7:8

ئیوه خوەدان بچنه ئەڕا جەشن، مه هێمراێ وه ئی جەشنه نیەتیەم، چوینکه هێمراێ وەخت مه وه تەمامی نەرەسیه.»

یوحەنا 8:2

شەوەکی شەفەق، وه دواره عیسا هاتەو ئەڕا مابەد. مەردم گشتێ هاتنه ئەڕا لاێ و ئەیویش دانیشت و تالیمیان دا.

یوحەنا 8:59

جا کوچگ هەڵگردن تا کوچگوارانی بکەن، وەلێ عیسا خوەێ شاردەو و لەناو مابەدەگه چیه دەیشت.