یوحەنا 7:4 - کتاب مقدس به زبان کردی جنوبی - گویش کلهوری

⁴ چوینکه هەر کەس که بتواێ بناسنێ، وه دزیەو کار نیەکێ. تو که ئی کاريله کەی، خوەد وه جهان نیشان بێه.»

یوحەنا 7:4 ပူးပေါင်းရင်းမြစ်များ

ئنجیل مەتا 23:5

گشت کاریلێان وەبونەێ ئیەسه تا مەردم بویننیان، ئایەیل کتاو موقەدەس گن گن بەسنه تەخت تێوڵ و بان باڵێان و داوان بەتیەگانێان شوڕترەو کەن.

ئنجیل مەتا 4:6

وەپێ وەت: «ئەگەر کوڕ خودای، خوەد بخه خوار، چوینکه له ناو کتاو زەبور نویسریاس: «”له باوەت توی وه فریشتەگانێ فەرمان دەێد، ئەوانه تو وه سەر دەسیل خوێان بەن، نەخواێ پاد بیده قێ کوچگیگەو.“»

ئنجیل مەتا 6:16

وەختێ ڕوژه گرین، جور دوڕوییل دەمچەو تیەڵ نەون، چوینکه ئەوانه دەمچەو خوێان گویڕنن، تا وه لاێ مەردم نیشان بێەن هانه ڕوژه. وه ڕاسی وەپێدان ئویشم، ئەوانه پاداش خوێان گردنه.

ئنجیل مەتا 6:5

«وەختێ دوعا کەی نەبایه جور دوڕوییل بوید، چوینکه ئەوانه خوەشێان تێ بوسن و وەناو کەنیسەیل و گوشەێ خێاوانیل دوعا بکەن تا مەردم بویننیان. وه ڕاسی وەپێدان ئویشم، ئەوانه پاداش خوێان گردنه.

لوقا 6:45

ئایەم خاس وه خەزانەی خاس دڵی، خاسێ وه بار تیەرێ و ئایەم خراو وه خەزانەی خراو دڵی، خراوی. چوینکه زوان له ئەو چشته ئویشێ که دڵ له لێ نیقەڵتوزه.

یوحەنا 18:20

عیسایش جواو دا: «مه وەگەرد تەمام دنیا ئاشکرا قسیه کردمه و هەمویشه وەناو کەنیسەگان و وەناو مابەد که جێ گردە‎و بوین گشت جویلەکەیله، تالیم دامه. مه چشتێگ وه دزیەو نەوەتمه.

یوحەنا 7:3

جا برایل عیسا وەپێ وەتن: «ئێرا بیله جێ و بچو ئەڕا یەهودیه تا شاگردیلدیش کاریلێ که کەی بوینن،

یوحەنا 7:5

ئەڕا ئیه که تەنانەت برایلیشێ ئیمان وەپێ ناوردوین.