یوحەنا 7:28 - کتاب مقدس به زبان کردی جنوبی - گویش کلهوری

²⁸ ئمجا عیسا وەختێ وەناو مابەد تالیم دیا، وه دەنگ بەرز وەت: «مه ناسین و زانين له کورەو تیەم. وەلێ وه خاست خوەم ناتمه. ئەیو که کلم کردێه، حەقه؛ ئیوه نیەناسینێ.

یوحەنا 7:28 ပူးပေါင်းရင်းမြစ်များ

ئنجیل مەتا 11:27

باوگم گشت چشتێگ وه مه سپاردیه. هویچکەس کوڕ نیەناسێ بێجگه باوگ، هویچکەیش باوگ نیەناسێ بێجگه کوڕ و ئەوانه که کوڕ بتواێ باوگ ئەڕاێان ئاشکراێ بکێ.

ئنجیل مەتا 2:23

جا یوسف چی و لەناو شارێگ که ناسره ناوێ بی نیشتەجێ بی. تا ئەو چشته که پەێخەمەریل وەتوین، باێه دی که وه ’ناسری‘ ناوێ بەن.

ئنجیل مەتا 26:55

وه ئەو ساته عیسا وه جەماێەتەگه وەت: «مەر مه ڕێگرم وەگەرد شمشێر و کوتەک هاتینه بگرینەم؟ مه هەر ڕوژ وەناو مابەد نیشتیام و تالیم دیام و نەگەردینەم.

لوقا 10:22

باوگم گشت چشتێگ وه مه سپاردیه. هویچکەس نیەزانێ کوڕ کیه بێجگه باوگ، هویچکەیش نیەزانێ باوگ کیه بێجگه کوڕ و ئەوانه که کوڕ بتواێ باوگ ئەڕاێان ئاشکراێ بکێ.»

لوقا 2:11

چوینکه ئیمڕو وەناو شار داود پادشا، نجات دەرێگ ئەڕادان هاته دنیا. ئەوه خوداوەند مەسیحه.

لوقا 2:39

وەختێ یوسف و مریەم نەریت شەریعەت خوداوەند کامڵ وه جا هاوردن، چینه ئەڕا شارەگەێ خوێان ناسره له ناوچەێ جەلیل.

لوقا 2:4

یوسفیش له ناوچەێ جەلیل له شار ناسره کەفته ڕێ ئەڕا بەیت‌لحم له ناوچەێ یەهودیه، شار داود پادشا، چوینکه له نەتەوه و بنەماڵەێ داود پادشا بی.

لوقا 2:51

ئمجا وەگەردێان کەفته ڕێ و چینه ئەڕا ناسره و قسیەیان گرده گوش. وەلێ داڵگێ گشت ئی چشتیله وه دڵ خوێەو هیشتیاد.

یوحەنا 1:46

نەتەنائیل وەپێ وەت: «مەگەر له شار ناسرەیش چشت خاسێگ کەفێده دەیشت؟» فیلیپوس جواو دا: «بەو بنوڕ.»

یوحەنا 10:36

جا چوینه مه که باوگ ئاسمانی تەقدیسم کرد و کل کرده ئی جهانه، ئویشین ”کفر کەی،“ وەبونەێ ئیه که وەتم مه ”کوڕ خودام“؟

یوحەنا 12:49

چوینکه مه له خوەمەو قسیه نەکردمه، بەڵکەم باوگێ که کلم کرد خوەێ حوکمه پێم کرد که چه بویشم و له چه قسیه بکەم.

یوحەنا 14:10

باوەڕ نیەکێ که مه هامه ناو باوگ و باوگیش ها ناو مه؟ قسیەیلی که مه وەپێدان ئویشم له خوەمەو نیویشم، بەڵکەم باوگێ که وەناو من نیشتەجێه، کاریل خوەێ کێ.

یوحەنا 14:31

وەلێ ئەڕا ئیه که جهان بزانێ دوس باوگ دێرم، هەر ئەوه کەم که باوگ دەستور داسه پێم. هەڵسن، بان وه ئێرا بچیمن.

یوحەنا 16:3

ئی کاريله کەن، چوینکه نه باوگ ئاسمانی ناسینه و نه مه.

یوحەنا 17:25

«ئێ باوگ داداپەروەر، هەر چه‎ن جهان تو نیەناسێ، وەلێ مه ناسمەد، ئیانەیش زانن تو مه کل کردیده.

یوحەنا 17:3

زنەیی ئەبەدی ئیەسه، ئەوانه توی که تەنیا خوداێ ڕاسەکانید و عیسا مەسیح که کلی کردیده، بناسن.

یوحەنا 3:2

یەێ شەو ئی پیا هاته ئەڕا لاێ عیسا و وەته پێ: «ماموستا، زانیمن تو ماموستاێگی که لەلاێ خوداوه هاتیدە، چوینکه کەس نیەتویەنی ئی نیشانه و موجزەیله بکێ که توی کەید، مەر ئیه که خودا وەگەردێەو بود.»

یوحەنا 3:33

هەر کەس شاێەتیەگەێ قەبوڵ بکێ، مور وه ڕاس بوین خودا کوتێ.

یوحەنا 5:32

یەکیگ تر هەس که له باوەت منەو شاێەتی دەێ و مه زانم شاێەتی که له باوەت منەو دەێ، درسه.

یوحەنا 5:43

من وه ناو باوگ ئاسمانیم هاتمه، وەلێ قەبوڵم نیەکین. ئەگەر یەکیگ تر وه ناو خوەێ باێ، قەبوڵێ کین.

یوحەنا 6:42

وەتن: «مەر ئیه عیساێ کوڕ یوسف نیه که داڵگ و باوگێ ناسیمن؟ جا چوینه که ئێرنگه ئویشێ، ”له ئاسمانەو هاتمەسه خوار“؟»

یوحەنا 7:14

وەختێ یەێ کوت له ڕوژیل جەشنەگه ڕەد بی، عیسا هاته ناو مابەد‎ و شرو کرده تالیم داین.

یوحەنا 8:14

عیسا وه جواوێانەو وەت: «تەنانەت ئەگەر خوەم ئەڕا خوەم شاێەتی بێەم، شاێەتیەگەم درسه، چوینکه زانم له کوره هاتمه و چمه ئەڕا کوره. وەلێ ئیوه نيەزانين مه له کوره هاتمه یا چمه ئەڕا کوره.

یوحەنا 8:16

وەلێ تەنانەت ئەگەر داوەریش بکەم، داوەریەگەم درسه، چوینکه تەنیا مه نیم داوەری کەم، بەڵکەم منم و باوگ ئاسمانی که کلم کرد.

یوحەنا 8:19

ئمجا وه عیسا وەتن: «باوگد ها کوره؟» عیسا وەت: «نه مه ناسین و نه باوگم. ئەگەر مه بناسیاین باوگمیش ناسیاین.»

یوحەنا 8:26

چشتیل فرەێگ دێرم که له باوەت ئیوه بویشم و ماکومدان بکەم. وەلێ ئەیو که کلم کرد، وه حەقه و مه ئەو چشته که له لێ شنەفتمه، وه جهان جار دەم.»

یوحەنا 8:42

عیسا وەپێان وەت: «ئەگەر خودا باوگدان بویاد، دوسم داشتیاین، چوینکه مه له لاێ خوداوه هاتمه و هامه ئێره. مه له خوەمەو ناتمه، بەڵکەم ئەیو کلم کرد.

یوحەنا 9:29

ئیمه زانیم خودا وەگەرد موسا قسیه کردێه. وەلێ ئی پیا نيەزانیم له کوره هاتێه.»

کاریل ڕەسولەیل 17:23

وەختێ وەناو شار گەردیام و نوڕیامه ئەو چشته که پەرەسینێ، قوروانگاێگ دیمەو که وه ملێ نویسریاوی: ”پیشکەش وه خوداێ نەناسریای“. ئێرنگه، ئەو چشته که ئیوه نیەناسینێ و پەرەسینێ، ئەڕادان جار دەم.

رومیەگان 1:28

وەبونەێ ئیه که ئەڕا ئەوانه ناسین خودا نیەتیەرزیاد، خودایش ئەوانه هیشته ناو فکریل ناشیرێن تا کارێگ بکەن که نەبایه بکرێید.

رومیەگان 3:4

بێ گومان نه! تەنانەت ئەگەر گشت ئایەمیلیش دروزن بون، خودا ڕاس ئویشێد! هەر ئەوجورە که وەناو کتاو زەبور نویسریاس: «تا توی وەناو کەڵام خوەد وه حەق بوید و وەختێ داوەری کریەید، بێدەو.»

دویم قورنتییل 1:18

قەسەم وه وەفاداری خودا که قسیەگەمان وەگەرد ئیوه ’ئەرێ‘ و ’نه‘ نویه.

دویم قورنتییل 4:6

چوینکه هەر ئەو خوداێ که فەرمایش کرد: «نویر له ناو تیەریکیەو بدرەوشێد،» نویر خوەێ وەناو دڵمان دروشان تا ڕوشنایی ئاگاداری جەڵاڵ خودا وەناو دەمچەو عیسا مەسیح، وه ئیمه بدرەوشێد.

تیتوس 1:2

ئی ڕاسیه وه پێ ئمید وه زنەیی ئەبەدیه که خوداێگ که هەراێهەر درو نیویشی، له ئەزەڵ وادەێ داسه پێمان و

عبرانییل 6:18

تا له ڕێ دو چشت نەگوڕیای، که مەحاڵ خودا له باوەت ئەوانه درو بویشێد، ئیمه فره دڵگەرمەو بویمن، ئیمه که ئەڕا پەنا بردن هەێوایمنه تا ئمیدێگ که له وەر دەم ئیمه نریاس، قورس بلچکێیم.

یەکم یوحەنا 5:10

ئەوه که ئیمان وه کوڕ خودا بارێ، ئی شاێەتیه وەناو خوەێ دێرێ. ئەوه که ئیمان وه خودا نارێ، خودا وه دروزن داسەقەلەم، چوینکه ئەو شاێەتیه که خودا له باوەت کوڕەگەێ داس، باوەڕ نەکردیه.