یوحەنا 7:26 - کتاب مقدس به زبان کردی جنوبی - گویش کلهوری

²⁶ ئەوەسه ها ئێره ئاشکرا قسیه کێ و هویچه پێ نیویشن! یانێ بو گەورایل قەوم وه ڕاسی پێ بردوین که ئی ئایەمه هەر ئەو مەسیح واده دریایه؟

یوحەنا 7:26 ပူးပေါင်းရင်းမြစ်များ

ئنجیل مەتا 22:16

ئەوانه شاگردەگانێان وەگەرد هەواخوازیل هیرودیس کل کردنه لاێ عیسا و وەتن: «ماموستا، زانیم پیاێگ ڕاس و درسی و ڕێ خودایش وه درسی یاێ دەێ له کەسێگیش زاورد نیەچود، چوینکه وه شێوەێ کەسێگ نیەنوڕید.

لوقا 23:13

پیلاتوس مەردم و سەران کاهنیل و گەورایل قەوم چڕێ،

لوقا 7:30

وەلێ زانایل فرقەێ فەریسی و قازییل شەریعەت که قەبوڵ نەکردن وه دەس یەحیا تەعمید بگرن، خاست خودا ئەڕا خوێان ڕەد کردن.

یوحەنا 12:42

وە ئی هەمگه، قێر فرەێگ وه گەورایل قەوم جویلەکیش‎ ئیمان هاوردنه عیسا، وەلێ وه بونەێ ئیه که له فەریسیەیل رخێان چیا، وه ئیمان خوێان ئێقرار نەکردن، نەخواێ له کەنیسه دەرێان بکەن.

یوحەنا 18:20

عیسایش جواو دا: «مه وەگەرد تەمام دنیا ئاشکرا قسیه کردمه و هەمویشه وەناو کەنیسەگان و وەناو مابەد که جێ گردە‎و بوین گشت جویلەکەیله، تالیم دامه. مه چشتێگ وه دزیەو نەوەتمه.

یوحەنا 3:1

پیاێگ بی له فرقەێ فەریسی، ناوێ نیقودیموس بی، ئەوه یەکی له گەورایل جویلەکە بی.

یوحەنا 4:29

«بان پیاێگ بوینین که هەر چی تا ئێرنگه کردویم، وەپێم وەت. ئەرێ بو ئی پیا مەسیح واده دریاێ بود؟»

یوحەنا 7:25

جا بڕێگ له مەردم شار ئورشەلیم وەتیان: ئیه هەر ئەو پیا نیه که توان بکوشنێ؟

یوحەنا 7:31

وەلێ، قێر فرەێگ له مەردمەگە وەپێ ئیمان هاوردن. ئەوانه وەتیان: «ئێ مەگەر وەختێ مەسیح ئاشکرا بود، نیشانه و موجزەیل فرەترێگ وه ئی پیا، کەید؟»

یوحەنا 7:48

مەر کەسێگ له گەورایل قەوم یا فەریسیەیل وەپێ ئیمان هاوردێه؟

یوحەنا 9:22

داڵگ و باوگێ وه ئی بونه ئیانه وەتن چوینکه له جویلەکەیل زاورێان چیا. چوینکه جویلەکەیل وەرجەوە کەفتوینه یەکەو ئەگەر کەسێگ ئێقرار بکێ عیسا هەر ئەو مەسیح واده دریایه، باێه له کەنیسه دەر بکریەد.

کاریل ڕەسولەیل 4:13

وەختێ ئەوانه ئازای پتروس و یوحەنا دین و زانستن که ئایەمیل نەخوەنریای و سادەێگن، سەریان سڕ مەن و زانستن که وەرجەوە هاوڕێیل عیسا بینه.

نامەێ فیلیپییل 1:14

فره له برایل وەخاتر زندانی بینم، وەناو خوداوەند دڵ قورسەو بین تا وه ئازای فرەێگەو کەڵام خودا بی هویچ ترسێگ بویشن.