یوحەنا 7:13 - کتاب مقدس به زبان کردی جنوبی - گویش کلهوری

¹³ وەلێ ئەڕا ئیه که له جویلەکەیل رخێان چیاد، هویچکەس له باوەتێ ئاشکرا قسیه نیەکردیا.

یوحەنا 7:13 ပူးပေါင်းရင်းမြစ်များ

یوحەنا 19:38

وەشون ئی چشتیله یوسف که له مەردم شار رامه بی، له پیلاتوس داواێ جنازەێ عیسا کرد تا بویدەێ. یوسف یەکی له شاگردیل عیسا بی وەلێ وه دزیەو، چوینکه له جویلەکەیل ڕخێ چیاد، پیلاتوسیش هیشت. جا هات جنازەگەێ عیسا برد.

یوحەنا 20:19

ئێوارەێ هەر ئەو ڕوژه، که یەکم ڕوژ هەفته بی، وەختێگ شاگردەگان گردەو بین و له ترس جویلەکەیل دەرەگه داخستوین، عیسا هات و له ناوڕاسیان وساد و وەپێان وەت: «سڵام وه ئیوه!»

یوحەنا 3:2

یەێ شەو ئی پیا هاته ئەڕا لاێ عیسا و وەته پێ: «ماموستا، زانیمن تو ماموستاێگی که لەلاێ خوداوه هاتیدە، چوینکه کەس نیەتویەنی ئی نیشانه و موجزەیله بکێ که توی کەید، مەر ئیه که خودا وەگەردێەو بود.»

یوحەنا 7:1

وەشون ئیه، عیسا ماوەێگ له ناوچەێ جەلیلەو گەردیاد و نيەتواسیا وه ناوچەێ یەهودیه بود، چوینکه جویلەکەیل تواسیان بکوشنێ.

یوحەنا 7:11

جویلەکەیل، له وەخت جەشن وەشونێەو گەردیان و وەتیان: «ئەو پیا ها کوره؟»

یوحەنا 7:15

جویلەکەیل سەریان سڕ مەنوی، وەتیان: «ئی پیا که هەراێهەر تالیم نێریاس، چوی ئیجور زانیاریێگ دێرێد؟»

یوحەنا 9:22

داڵگ و باوگێ وه ئی بونه ئیانه وەتن چوینکه له جویلەکەیل زاورێان چیا. چوینکه جویلەکەیل وەرجەوە کەفتوینه یەکەو ئەگەر کەسێگ ئێقرار بکێ عیسا هەر ئەو مەسیح واده دریایه، باێه له کەنیسه دەر بکریەد.

یوحەنا 9:34

وەپێ جواو دان: «تو سەرتاپا وەناو گونا هاتیدەسە دنیا. ئێرنگه تو درس ئیمه دەی؟» جا له کەنیسه دەرێ کردن.

وەحی وه یوحەنا 2:13

زانم له کوره نیشتەجێید، ئەوره که تەخت شەیتانه. وه ئی هەمگه وه ناو مه وەفادار مەنیده و ئیمانێ که وەپێم داشتی، حاشا نەکردێ، تەنانەت وه ڕوژگاریل ئانتیپاس، ئەو شاێەت ئەمین منه که وه ناو ئیوه کوشریاد، هەر ئەو شونه که شەیتان وەناوێ نیشتەجێه.