یوحەنا 7:1 - کتاب مقدس به زبان کردی جنوبی - گویش کلهوری

¹ وەشون ئیه، عیسا ماوەێگ له ناوچەێ جەلیلەو گەردیاد و نيەتواسیا وه ناوچەێ یەهودیه بود، چوینکه جویلەکەیل تواسیان بکوشنێ.

یوحەنا 7:1 ပူးပေါင်းရင်းမြစ်များ

ئنجیل مەتا 10:23

وەختێ وەناو شارێگ ئازاردان دان، دەربچنه ئەڕا شارێگ تر. وه ڕاسی، وەپێدان ئویشم، وەرجه ئیه که له گشت شارەگان ئێسرائیل رەێ بین، کوڕ ئنسان تێد.

ئنجیل مەتا 21:38

وەلێ وەختێ باخەوانەگان کوڕەگه دین، وه یەکترەکی وەتن: ”ئیه میراتی خوەره؛ بان تا بکوشیمێ تا میراتەگەێ برەسده ئیمه.“

مەرقوس 11:18

سەران کاهنیل و ماموستایل تەورات وەختێ ئیه شنەفتن، وەشون ڕيگ ئەڕا کوشتنێ بین، چوینکه زاورێانه لێ چیاد، وەبونەێ ئیه که مەردم گشتێ وه تالیمیلی سەریان سڕ مەنوی.

یوحەنا 1:19

ئیەسه شاێەتی یەحیا وەختێ که ‎گەورایل جویلەکەیل له شار ئورشەلیم، کاهنیل که زانایل مابەد و لاوییل که خزمەتکاریل مابەد بین، کل کردنه ئەڕا لاێ یەحیا تا له لێ بپرسن «تو کید؟»

یوحەنا 4:3

وه ئی بونه عیسا له ناوچەێ یەهودیه دا دەیشت و وه دواره چیه ئەڕا ناوچەێ جەلیل.

یوحەنا 4:54

ئیه دویمین نیشانه و موجزەێگ بی که عیسا وەختێ له یەهودیەوه هاتویه ئەڕا جەلیل، ئەنجام داوید.

یوحەنا 6:1

وەشون ئەوه، عیسا چیه ئەڕا ئەو لاێ دەریاچەێ جەلیل که هەر ئەو دەریاچەێ تیبریەسه.

یوحەنا 7:11

جویلەکەیل، له وەخت جەشن وەشونێەو گەردیان و وەتیان: «ئەو پیا ها کوره؟»

یوحەنا 7:13

وەلێ ئەڕا ئیه که له جویلەکەیل رخێان چیاد، هویچکەس له باوەتێ ئاشکرا قسیه نیەکردیا.

یوحەنا 7:19

ئێ مەر موسای پەێخەمەر، شەریعەت نیاسه پێدان؟ وەلێ هویچکامدان شەریعەت وه جا نیەتیەرێن. ئەڕا چه پشت ئەڕا کوشتنم بەساینه؟»

یوحەنا 7:25

جا بڕێگ له مەردم شار ئورشەلیم وەتیان: ئیه هەر ئەو پیا نیه که توان بکوشنێ؟

یوحەنا 7:35

جویلەکەیل وه یەکترەکی وەتیان: «ئی پیا تواێ بچوده ئەڕا کوره که ئیمه پەێاێ نیەکیم؟ یانێ تواێ بچوه ئەڕا لاێ جویلەکەیلێگ که وەناو یونانیەگان تەفرتویناوه بینه و یونانیەگان تالیم بێی؟

یوحەنا 8:37

زانم که وه نەتەوەێ ئێبراهیمین، وەلێ هاینه شون کوشتن منەو، چوینکه کەڵام مه وەناو ئیوه شونێگ نێری.

یوحەنا 8:40

وەلێ ئیوه ئێرنگه هاینه شون کوشتن منەو؛ مه که ئەو ڕاسیه له خودا شنەفتم وەپێدان وەتمه. ئێبراهیم ئی کاره نەکرد.

کاریل ڕەسولەیل 10:38

که چوی خودا، عیساێ ناسری وەگەرد روح‌القودوس و هێز مەسح و دەسنیشان کرد. ئەیو گەردیاد و کاریل خاسێ کردیاد و گشت ئەوانه که وه ژێر ستەم ئبلیس بین، شەفا دیاد، چوینکه خودا وەگەردیەو بی.