یوحەنا 5:25 - کتاب مقدس به زبان کردی جنوبی - گویش کلهوری

²⁵ وه ڕاسی، وه ڕاسی، وەپێدان ئویشم، زەمانێگ رەسێ، بەڵکەم هەر ئیسەسه که مردگیل دەنگ کوڕ خودا شنەفن و کەسیلێگیش که شنەفن، زنیەو بون.

یوحەنا 5:25 ပူးပေါင်းရင်းမြစ်များ

لوقا 15:24

چوینکه ئی کوڕ منه مردوی، وه دواره زنیەو بیه؛ گوم بوی، پەێا بی! ئمجا جەشن گردن و شادی کردن.

لوقا 15:32

وەلێ ئێرنگه باێه جەشن بگریم و شادی بکێمن، چوینکه ئی براده مردوی، زنیەو بی؛ گوم بوی، پەێا بی!“»

لوقا 9:60

عیسا وەپێ وەت: «بیل تا مردگیل، مردگیل خوێان خاک بکەن؛ تو بچو پادشایی خودا بانگەوازی بکه.»

یوحەنا 13:1

وەرجه جەشن پسەخ، عیسا زانستیا وەختێ ڕەسیه که له ئی جهانه بچوده ئەڕا لاێ باوگ ئاسمانی، جا شاگردیل خوەێ که وەناو ئی جهانه دوسیان داشت، وه تەمامی مابەتێان کرد.

یوحەنا 17:1

وەختێ عیسا ئی قسیەیله کرد نوڕیه ئاسمان و وەت: «باوگه، وەختێ ڕەسیه. کوڕەگەد جەڵاڵ بیه تا کوڕەگەدیش جەڵاڵد بێید.

یوحەنا 4:21

عیسا وەپێ وەت: «ژنەگه، باوەڕ بکه، زەمانێ رەسێ که باوگ ئاسمانی نه وەناو ئی کویه پەرەسش کین، نه وەناو ئورشەلیم.

یوحەنا 4:23

وەلێ زەمانێگ رەسێ، هەڵبەت ئێرنگەیش ڕەسیه، که خوداپەرەسیل ڕاسەکانی، وه روح و ڕاسی باوگ ئاسمانی پەرەسش کەن، چوینکه باوگ ها شون ئیجور کەسیلێ تا پەرەسشێ بکەن.

یوحەنا 5:21

چوینکه هەر ئەوجورە که باوگ مردگیل زنیەو کەید و زنەیی وەپێان بەخشی، کوڕیش وه هەر کەسێگ که خوەێ بتواێ، زنەیی بەخشی.

یوحەنا 5:28

له ئیه ئەڵاجویدان نای، چوینکه زەمانێگ تێ که گشت ئەوانه که هانه ناو قەور، دەنگ ئەیو شنەفن

یوحەنا 6:60

قێر فرەێگ له شاگردیلێ وه شنەفتن ئی قسیەيلیه وەتن: «ئی قسیه سەنگینه، کی تویەنێ قەبوڵێ بکێ؟»

یوحەنا 8:43

ئەڕا ئەو چشته که ئویشم حالیدان نیود؟ وەبونەێ ئیه که تاموڵ شنەفتن قسیەی مه نێرین.

یوحەنا 8:47

کەسێ که له خوداس، گوشە کەڵام خودا گری؛ مدوێ ئیه که ئیوه گوشە کەڵام خودا نیەگرین ئیەسه که له خودا نین.»

یوحەنا 9:27

ئەو جواویان دا: «مه خو وه پێدان وەتم، ئیوه گوش نێین؛ ئەڕا تواین وه دواره بشنەفین؟ مەر ئیوەیش تواین بوینه شاگردێ؟»

رومیەگان 6:4

جا وەگەرد تەعمید گردن وەناو مەرگ، وەگەردیەو نریایمنه مەقبەره تا هەر ئەوجورە که مەسیح وه وەسلەێ جەڵاڵ باوگ ئاسمانی، له مردگیل زنیەو بی، ئیمەیش وەناو ژیان نوێگ گام هەڵبگریم.

ئەفسوسیێل 2:1

ئیوه وەناو خەتایل و گونایلدان مردوین و

ئەفسوسیێل 2:5

تەنانەت وەختێ که وەناو خەتایلمان مردویمن، ئیمه وەگەرد مەسیح زنیەو کرد. جا له ڕێ فیزه که نجات پەێا کردینه؛

ئەفسوسیێل 5:14

چوینکه هەر چشتێگ که بوینرید، نویره. له ئی باوەته وەتریاس: «ئێ ئەو کەسه که خەفتیدە، له خەو هەڵس، له مردگیل زنیەو به، که مەسیح نویر خوەێ وه سەرد درەوشنێد.»

نامه وه کولوسییل 2:13

ئیوه که وەناو خەتایلدان و خەتەنه نوین جەسەدان مردوین، خودا ئیوه وەگەرد مەسیح زنیەو کرد. ئەیو گشت خەتایلمان بەخشا.

وەحی وه یوحەنا 3:1

«وه فریشتەێ کلیساێ شار ساردس بنویس: «ئەوه که هەفت روح خودا و هەفت هەساره دێرێد، ئیجوره ئویشێد: له کاریلد ئاگادارم. دەنگ و ناو زنی بیند بەرزە، وەلێ مردیده.