یوحەنا 4:53 - کتاب مقدس به زبان کردی جنوبی - گویش کلهوری

⁵³ جا باوگێ زانست که ئیه هەر ئەو ساته بی که عیسا وەپێ وەتوی: «کوڕەگەد زنی مینێ.» جا خوەێ و گشت خاوخێزانەگەی ئیمان هاوردن.

یوحەنا 4:53 ပူးပေါင်းရင်းမြစ်များ

ئنجیل مەتا 8:13

ئمجا عیسا وه ئەفسەرەگه وەت: «بچو، وه پێ ئیماند بدرێده پێد.» هەر ئەو ئانه خزمەتکارەگەێ شەفا گرد.

لوقا 19:9

عیسا فەرمایش کرد: «ئیمڕو نجات هاتیەسه ئی ماڵه، وەبونەێ ئیه که ئی پیایشه کوڕ ئێبراهیمه.

یوحەنا 4:51

ئەو پیا هێمراێ وەناو ڕێ بی که خزمەتکاریلێ چینه پیریەو وەپێ وەتن که کوڕەگەێ دێرێ خاسەو بود.

یوحەنا 4:52

جا له لێان پرسی که له چ ساتێگ ڕوی ناسه خاسێ؟ وەتن: «دویەکه سات یەک نیمەڕو تەوەگەێ بڕیا.»

کاریل ڕەسولەیل 11:14

ئەوه پێخامێگ ئەڕاد تیەرێ که وه وەسلەێ ئەوه نجات پەێا کين، هەم توێ هەم گشت ئاڵ ماڵەگەد.“

کاریل ڕەسولەیل 16:15

لەشون ئیه که خوەێ و بنەماڵەگەێ خوسڵ تەعمید گردن، پاملمان بی و وەت: «ئەگەر باوەڕ دێرین که وه خوداوەند ئیمان هاوردمه، بان ئەڕا ماڵەگەم و له ئەوره بمینن.» دەس ئاخر قەبوڵ کردیم.

کاریل ڕەسولەیل 16:34

ئمجا بردێانه ئەڕا ماڵ خوەێ و سفرەێگ ئەڕاێان دا خست. خوەێ و گشت بنەماڵەگەێ وه بونەێ ئیه که ئیمان هاوردنه خودا دڵشادەو بوین.

کاریل ڕەسولەیل 18:8

کریسپوس، سەروک کەنیسه، خوەێ و گشت بنەماڵەگەێ وه خوداوەند ئیمان هاوردن. هەر ئیجوره قێر فرەێگ له مەردم شار قورنتوس وەختێ پێخامەگه شنەفتن، ئیمان هاوردن و خوسڵ تەعمید گردن.

کاریل ڕەسولەیل 2:39

چوینکه ئی واده ئەڕا ئیوه و مناڵیلدان و گشت ئەوانەسه که له خودا دویرن، یانێ هەر کەس که خوداوەند خوداێ ئیمه چڕێدێ.»