یوحەنا 4:25 - کتاب مقدس به زبان کردی جنوبی - گویش کلهوری

²⁵ ژنەگه وەته عیسا: «زانم ماشیەح تێی؛ وەختێ باێ، گشت چشتێ ئەڕامان ئویشێد.» ماشیەح یانێ مەسیح واده دریاێ.

یوحەنا 4:25 ပူးပေါင်းရင်းမြစ်များ

ئنجیل مەتا 1:16

یاقوب باوگ یوسف شوی مریەم بی که عیساێ ناودار وه مەسیح هاورده دنیا.

ئنجیل مەتا 27:17

وەختێ مەردم گردەو بین، پیلاتوس وەپێان وەت: «تواین کی ئەڕادان ڕزگار بکەم، باراباس یا عیسا که وەپێ ئویشن مەسیح؟»

ئنجیل مەتا 27:22

پیلاتوس له لێان پرسی: «ئێ چه وه عیسا بکەم که وەپێ ئویشن مەسیح؟» گشتێان وەتن: «بکوتێ بان سەلیب!»

لوقا 2:11

چوینکه ئیمڕو وەناو شار داود پادشا، نجات دەرێگ ئەڕادان هاته دنیا. ئەوه خوداوەند مەسیحه.

یوحەنا 1:49

نەتەنائیل جواوی دا: «ماموستا، تو کوڕ خودای! تو پادشاێ ئێسرائیلی!»

یوحەنا 4:29

«بان پیاێگ بوینین که هەر چی تا ئێرنگه کردویم، وەپێم وەت. ئەرێ بو ئی پیا مەسیح واده دریاێ بود؟»

یوحەنا 4:39

قێر فرەێگ له سامریەگان ئەو شاره وه عیسا ئیمان هاوردن، وەبونەێ شاێەتی ئەو ژنه که وەتوی: «هەر چی تا ئێرنگه کردمه، وەپێم وەت.»

یوحەنا 4:42

ئەوانه وه ژنەگه وەتن: «دیتر تەنیا وەبونەێ قسیەێ تو ئیمان نیەتیەریم، چوینکه خوەمان شنەفتیمنه و زانیمن ئی پیا وه ڕاسی نجات دەر دنیاس.»