یوحەنا 4:14 - کتاب مقدس به زبان کردی جنوبی - گویش کلهوری

¹⁴ وەلێ هەر کەس له ئاوێ که من دەمه پێ بخوێ، هەراێهەر تیەنی نیود. ئاوێگ که دەمه پێ وەناو گیانێ بوده کیەنی ئاوێگ که تا زنەیی ئەبەدی قوڵ دەێ و سەرڕێژ بود.»

یوحەنا 4:14 ပူးပေါင်းရင်းမြစ်များ

ئنجیل مەتا 25:46

جا ئەوانه چنه ئەڕا ناو سزاێ ئەبەدی، وەلێ سالحان ئەڕا زنەیی ئەبەدی.»

ئنجیل مەتا 5:6

خوەش وه حاڵ ئەوانه که ورسی و تیەنی سالح بوینن، چوینکه ئەوانه تێر بون.

یوحەنا 10:10

دز نیەتێی بێجگه ئەڕا دزین و کوشتن و نابود کردن؛ من هاتمە تا ئایەمیل زنەیی بیاشتوین و زنەیی فەتفراوان بیاشتوین.

یوحەنا 11:26

هەر کەسیش زنیه و ئیمانه من دێرێ، هویچ وەخت نیەمرێ؛ ئیه باوەڕ کەی؟»

یوحەنا 4:10

عیسایش جواو دا: «ئەگەر بەخشین خودا بزانستیاێ و هەر ئیجوره بزانستیاێ کیه که وه پێد ئویشێ ”تکێ ئاو بیه پێم،“ ئەوسا توی له لێ داوا کردیای ئەیویش ئاو زنەییدەر دیاده پێد.»

یوحەنا 4:11

ژنەگه وه عیسا وەت: «گەورەم، دوڵ نێرید تا ئاو بکیشێ و چاڵاوەگەیش قویله، جا ئاو زنەیی دەر له کورەو تیەرێ؟

یوحەنا 4:13

عیسا وه ژنەگە وەت: «هەر کەس له ئی ئاوه خوێد، وه دواره تیەنی بود،

یوحەنا 4:36

ئێرنگه درەوکەر حەقدەس خوەێ سێنێ و خەرمان ئەڕاێ زنەیی ئەبەدی گردەو کەێ، تا تویەم وەشن و درەوکەر وەگەرد یەکەو شادمانەو بون.

یوحەنا 6:27

ئەڕا خواردمەنێگ کار مەکەن که له بین چود، بەڵکەم ئەڕا خواردمەنێگ کار بکەن که تا زنەیی ئەبەدی مینێدەو، یانێ ئەو خواردمەنیه که کوڕ ئنسان دەیده پێدان. چوینکه خوداێ باوگ مور خوەێ وه ملێەو کوتاس.»

یوحەنا 6:35

عیسا وەپێان وەت: «منم نان زنەیی دەر. هەر کەس باێه ئەڕا لام، ورسی نیود، هەر کەیش ئیمان بارێه پێم هەراێهەر تیەنی نیود.

یوحەنا 6:58

ئیه هەر ئەو نانەسه که له ئاسمانەو هاته خوار؛ نه جور نانێ که باپیریلدان خواردن وەلێ مردن؛ هەر کەس له ئی نانه بخوێ، تا ئەبەد زنی مینێ.»

یوحەنا 7:37

ڕوژ ئاخر هەفت ڕوژ جەشنەگه که گەوراترین ڕوژ جەشن بی، عیسا هەڵساده سەرپا و وه دەنگ بەرز هاوار کرد: «ئەگەر کەسێ تیەنیه، باێه ئەڕا لاێ من و بنوشێ.

رومیەگان 5:21

تا هەر ئەوجورە که گونا وەناو مەرگ حوکمرانی کرد، فیزیش له ڕێ سالح بوین حوکمرانی بکێد و له ڕێ خوداوەندمان عیسا مەسیح، وەرەو ژیان ئەبەدی بوێد.

رومیەگان 6:23

چوینکه حەقدەس گونا مەرگه، وەلێ خەڵات خودا زنەیی ئەبەدی وەناو خوداوەندمان مەسیح عیساس.

دویم قورنتییل 1:22

و مور خوەێ کوتاسه ملمانا که هن خوەێ بویمن و روح خوەێ جور بەیانه وەناو دڵمان جێ داس.

ئەفسوسیێل 4:30

روح‌القودوس خودا که له ڕێ ئەیو ئەڕا ڕوژ ڕزگاری مور کریاینه، خەمبارەو مەکەن.

یەکم پتروس 1:22

ئیسه که وه گوش تەکانن له ڕاسی، گیانیل خوەدان پاکەو کردينه تا مابەتێگ براێانه و بێ خڵت خەوش بیاشتوین، ها ملدانەو که یەکترەکی وه دڵ و گیان وه یە دڵ پاک دوس بیاشتوین.

یەکم یوحەنا 5:20

هەر ئیجوره ئیمه زانیمن که کوڕ خودا هاتێه و فام داسه پێمان تا ئەیو بناسیم که ڕاسه، ئیمه هایمنه ناو ئەیو که ڕاسه. یانێ وەناو عیسا مەسیح کوڕ ئەیو. ئەیو خوداێ ڕاسەکانی و زنەیی ئەبەدیه.

وەحی وه یوحەنا 7:16

جا ئەوانه دیتر ورسی نیەون و دیتر تیەنی نیەون، نه خوەر دەێەلێان و نه هویچ گەرماێترێگ که سزنێد.

وەحی وه یوحەنا 7:17

چوینکه وەرکەگه له ناوڕاس تەختەگه بوده شوان ئەوانه و ئەوانه وەرەو کیەنییل ئاو زنەیی دەر ڕێنماییان کەێد. و خودا هەر ئەسرێگ له چەویان پاکەو کەێد.»