یوحەنا 3:5 - کتاب مقدس به زبان کردی جنوبی - گویش کلهوری

⁵ عیسا جواوێ دا: «وه ڕاسی، وه ڕاسی، وەپێد ئویشم تا کەسێگ له ئاو و روح خودا ناێده دنیا، نیەتویەنی بچوه ناو پادشایی خودا.

یوحەنا 3:5 ပူးပေါင်းရင်းမြစ်များ

ئنجیل مەتا 18:3

وەت: «وه ڕاسی، وەپێدان ئویشم، تا نەگوڕێین و نوینه جور مناڵیل، هەراێهەر وه پادشایی ئاسمان ڕێ پەێا نیەکین.

ئنجیل مەتا 19:24

وه دواره وەپێدان ئویشم، ڕەد بوین شتر له کونای دەرزی ئاسانترە له ڕێ پەێا کردن دەوڵەمەنێگ وەناو پادشایی خودا.»

ئنجیل مەتا 21:31

کام وه ئەو دو کوڕه خاست باوگێان وه جا هاوردن؟» وەتن: «یەکمیەگه.» عیسا وەپێان وەت: «وه ڕاسی، وەپێدان ئویشم، باجگریل و ژنیل داوانپێس وەرجه ئیوه چنه ناو پادشایی خودا.

ئنجیل مەتا 28:19

جا بچن، گشت ملەتیل بکەنه شاگرد، وه ناو باوگ و کوڕ و روح‌القودوس خوسڵ تەعمیدیان بێەن،

ئنجیل مەتا 3:11

«مه ئەڕا توبه کردن، وەگەرد ئاو تەعمیددان دەم؛ وەلێ ئەوه که وەشون مه تێدن له مه تویەناتره و مه تەنانەت شایسه نێیم کەوشەگانی ئەڕاێ هەڵبگرم. ئەیو وەگەرد روح‌القودوس و ئاگر تەعمیددان دەێ.

ئنجیل مەتا 5:20

چوینکه وەپێدان ئویشم، ئەگەر وەناو سالح بوین، نێنه نوای ماموستایل تەورات و زانایل فرقەێ فەریسی، هەراێهەر نیەچینه ناو پادشایی ئاسمان.

مەرقوس 10:14

عیسا وەختێ ئیه دی، توڕه بی، وه شاگردەگانێ وەت: «بیلن مناڵیل بانه ئەڕا لاێ مه؛ نوایان مەگرن، چوینکه پادشایی خودا هن ئیجور کەسیلێگه.

مەرقوس 16:16

هەر کەس ئیمان هاورد و خوسڵ تەعمید گرد، نجات پەێا کێ. وەلێ هەر کەس ئیمان نارێ، ماکوم بود.

مەرقوس 9:47

ئەگەریش چەود تویش گوناد کەی، دەرێ بار، چوینکه ئەڕا تو خاستر ئیەسه وه یەێ چەو بچیه ناو پادشایی خوداوه تا ئیه که وەگەرد هەردگ چەو فڕه بیەرێیده ناو جەهەنم،

لوقا 13:24

«فره تەقالا بکەن تا له دەر تەنگ بچنه ناو، چوینکه وەپێدان ئویشم، فره له کەسیلێگ زور کەن تا بچنه ناو، وەلێ نیەتویەنن.

لوقا 13:3

نه، وەپێدان ئویشم که ئیجوره نیه. بەڵکەم ئەگەر توبه نەکێن، ئیوەیش گشتدان هەر ئیجوره نابود بوین.

لوقا 13:5

نه، وەپێدان ئویشم که ئیجوره نیه. بەڵکەم ئەگەر توبه نەکێن، ئیوەیش گشتدان هەر ئیجوره نابود بوین.»

یوحەنا 1:13

ئەوانه که نه له خوین و گوشت، نه وه خاست جەسه، نه وه خاست یەێ پیا، بەڵکەم له خودا هاتنەسه دنیا.

یوحەنا 3:3

عیسا وه جواوێ وەت: «وه ڕاسی، وه ڕاسی، وەپێد ئویشم، تا کەسێ وه دواره ناێده دنیا، نیەتویەنی پادشایی خودا بوینێ.»

یوحەنا 3:4

نیقودیموس وەپێ وەت: «ئایەمی که پیره چوی تویەنێ وه دواره باێده دنیا؟ مەر وه دواره تویەنێ بچوه ناو زگ داڵگێ و باێده دنیا؟»

کاریل ڕەسولەیل 2:38

پتروس وەته پێان: «توبه بکین و هەر کامدان وه ناو عیسا مەسیح ئەڕا بەخشین گونایلدان خوسڵ تەعمید بگرن که خەڵاتی خودا یانێ روح‌القودوس وه دەس تیەرین.

کاریل ڕەسولەیل 3:19

جا توبه بکەن و هەڵوگەردینه لاێ خودا تا که گونایلدان پاکەو بود،

رومیەگان 14:17

چوینکه پادشایی خودا خواردن و نوشاین نیه، بەڵکەم سالح بوین و ئاشتی و سڵامەتی و خوەشی وەناو روح‌القودوسه.

رومیەگان 8:2

چوینکه وەناو مەسیح عیسا، شەریعەت روح زنەیی له یاساێ گونا و مەرگ ڕزگاردان کردێه؛

یەکم قورنتییل 15:50

ئێ برایل، ئیه وەپێدان ئویشم: که جەسه و خوین نیەتویەنی بوده میراتیخوەر پادشاێ خودا، جا ئەو چشته که مرێ، نیەتویەنی بوده میراتیخوەر ئەو چشته که نەمره.

یەکم قورنتییل 2:12

ئێرنگه ئیمه روح جهان نەگردیمنەسەوەر، بەڵکەم روحێگ که له لاێ خوداس، گردیمنەسەوەر تا ئەو چشتیلی که خودا وه دەسدڵوازی داسه پێمان، بزانیم.

یەکم قورنتییل 6:11

بڕێگ لەلێدان جاران ئیجوره بین، وەلێ وه ناو عیسا مەسیح خوداوەند و له ڕێ روح خودامان شوریاینه، تەقدیس کریاینه و سالحان وه حساو هاتینه.

نامه وە غەلاتییل 6:15

چوینکه نه خەتەنه بوین چشتێگه و نه خەتەنه نوین؛ ئەو چشته که گرنگه، وه دی هاتن تازەس.

ئەفسوسیێل 5:26

تا ئەوه وەگەرد ئاو کەڵام خودا بشورێد و پاک بکێ و تەقدیس بکێ،

یەکم پتروس 1:2

وه ئەوانه که بەنا وه زانین وەرین خوداێ باوگ، وه وەسلەێ کار تەقدیسکەر روح خودا و ئەڕا گوش تەکانن له عیسا مەسیح و پاشیان خوینی وه ملێان، هەڵوژاریانه: فیز و ئاشتی و سڵامەتی فرەفره وه ملدانەو بود.

یەکم پتروس 3:21

جا ئەو ئاوه نمونەێ خوسڵ تەعمیدێگه که ئێرنگه ئیوه نجات دەێ، تەعمیدێگ که پاکەو کردن چەپەڵی له جەسه نیه، بەڵکەم داواکاریگ له خوداس ئەڕا وژدانێگ پاک. ئی تەعمیده که له ڕێ زنیەو بوین عیسا مەسیح ئیوه نجات دەێ،

یەکم یوحەنا 2:29

ئەگەر زانین که ئەیو سالحانه، جا دڵنیاین که هەر کەسێگ ئەو چشته که درسه وه جا تیەرێ، له لێ هاتیەسه دنیا.

یەکم یوحەنا 5:1

هەر کەسێگ ئیمان وه ئیه دێرێ که عیسا هەر ئەیو مەسیح وادەدریاێەسه، ئەوه له خودا هاتیەسه دنیا. هەر کەسێگ باوگ دوس دێرێ، کەسێگیش که له لێ هاتیەسه دنیا دوس دێرێ.