یوحەنا 3:18 - کتاب مقدس به زبان کردی جنوبی - گویش کلهوری

¹⁸ هەر کەس وەپێ ئیمان بارێ ماکوم نیود، وەلێ هەر کەس وەپێ ئیمان نارێ، هەر ئێرنگەیش ماکومه، چوینکه وه ناو تەنیا کوڕ خودا ئیمان ناوردیه.

یوحەنا 3:18 ပူးပေါင်းရင်းမြစ်များ

مەرقوس 16:16

هەر کەس ئیمان هاورد و خوسڵ تەعمید گرد، نجات پەێا کێ. وەلێ هەر کەس ئیمان نارێ، ماکوم بود.

یوحەنا 1:12

وەلێ وه گشت کەسیلێ که قەبوڵێ کردن یانێ وه هەر کەسێگ که وه ناو ئەیو ئیمان هاورد ئی حەقه داس که بونه ڕوڵەیل خودا؛

یوحەنا 1:18

هەراێهەر کەسێگ خودا نیه. وەلێ ئەو تەنیا کوڕه که ها لاێ باوگ ئاسمانی، ئەیو ناسانێه‎.

یوحەنا 20:31

وەلێ ئیانه نویسریاس تا ئیمان بارین که عیسا هەر ئەو مەسیح واده دریایه، کوڕ خودا، تا که وه ئی ئیمانه، وه ناو ئەیو زنەیی بیاشتون.

یوحەنا 3:16

«چوینکه خودا جهان ئەوقره مابەت کرد که تەنیا کوڕەگەێ خوەێ دا تا هەر کەس وەپێ ئیمان بارێ نابود نود، بەڵکەم زنەیی ئەبەدی بیاشتوێد.

یوحەنا 3:36

هەر کەس وه کوڕ ئیمان بارێ، زنەیی ئەبەدی دێرێ؛ هەر کەس له کوڕ گوش نەتەکنێ، چەوێ نیەکەفێدە زنەیی، بەڵکەم توڕەیی خودا له سەرێەو مێنێد.»

یوحەنا 5:24

وه ڕاسی، وه ڕاسی، وەپێدان ئویشم، هەر کەس کەڵام مه بشنەفێ و وه ئەوه که کلم کرد، ئیمان بارێ زنەیی ئەبەدی دێرێ. ئەوه ماکوم نیود، بەڵکەم له مەرگ گوزیشتێه و رەسیەسه ژیان.

یوحەنا 6:40

چوینکه خاست باوگم ئیەسه که هەر کەس چەو بوڕیه کوڕ و ئیمانه پێ بارێ، زنەیی ئەبەدی بیاشتوید و مه وه ڕوژ ئاخر زنیەو کەم.»

یوحەنا 6:47

وه ڕاسی، وه ڕاسی، وەپێدان ئویشم، هەر کەس ئیمان بارێ، زنەیی ئەبەدی دێرێ.

رومیەگان 5:1

جا وەخاتر ئیه که له ڕێ ئیمان سالحان وه حساو هاتیمنه، له ڕێ خوداوەندمان عیسا مەسیح وەگەرد خودا ئاشتی و سڵامەتی دێریم.

رومیەگان 8:1

جا ئێرنگه ئەڕا ئەوانه که هانه ناو مەسیح عیسا هویچ ماکومیەتێگ نیه،

رومیەگان 8:34

جا کیه که بتویەنێ ماکومێان بکێ؟ مەسیح عیساس ئەو کەسه که مرد، تەنانەت نه تەنیا ئیه بەڵکەم زنیەو بی و ها دەس ڕاس خودا، ئەوەسه که وه ڕاسی ئەڕامان ناوجێ کەێ!

عبرانییل 12:25

هوشدان بود که له گوش داین ئەوه که قسیه کەید، ڕوی هەڵونەگەردنین. چوینکه ئەگەر ئەوانه که وه ئەو کەسه که وەبان زەوی هەڕەشه داویه پێان، گوش نەتەکانن، ڕێ دەرچینێگ له موجازات پەێا نەکردن، جا ئەگەر ئیمه ئەو کەسه که له ئاسمانەو هەڕەشه دەێەپێمان ڕەد بکێم، چوی تویەنیمن له موجازاتەگەێ دەر بچیم.

عبرانییل 2:3

جا ئەگەر ئیجور نجات فره گەوراێگ نوینیم، ئێ چوی تویەنیم له سزاگەێ دەر بچیم؟ یەکم جار له ڕێ خوداوەند عیسا ئی نجاته جار دریاد و وەشونێ له ڕێ کەسیلێ که شنەفتن، ئەڕامان مور کریا،

عبرانییل 3:19

جا دوینیم که ئەوانه وه سەوەو بی ئیمانی بی که نەتویەنسن ڕێ پەێا بکەن.

یەکم یوحەنا 3:23

حوکمەگەیشێ ئیەسه که، وه ناو عیسا مەسیح کوڕێ ئیمان باریم و یەکترەکی مابەت بکێم، هەر ئەوجورە که وەپێمان حوکم کردێه.

یەکم یوحەنا 4:9

وه ئیجوره مابەت خودا وەناومان ئاشکرا بی که خودا تەنیا کوڕەگەێ خوەێ کل کرده جهان تا له ڕێ ئەیو زنەیی بکێمن.

یەکم یوحەنا 5:10

ئەوه که ئیمان وه کوڕ خودا بارێ، ئی شاێەتیه وەناو خوەێ دێرێ. ئەوه که ئیمان وه خودا نارێ، خودا وه دروزن داسەقەلەم، چوینکه ئەو شاێەتیه که خودا له باوەت کوڕەگەێ داس، باوەڕ نەکردیه.

یەکم یوحەنا 5:12

ئەوه که کوڕ بیاشتود، ژیان دێرێ و ئەوه که کوڕ خودا نیاشتود، ژیان نێری.