یوحەنا 3:17 - کتاب مقدس به زبان کردی جنوبی - گویش کلهوری

¹⁷ ئەڕا ئیه که خودا کوڕەگەێ کل نەکرده جهان تا جهان ماکوم بکێ، بەڵکەم هناردێ تا جهان وه وەسلەێ ئەیو نجات پەێا بکێ.

یوحەنا 3:17 ပူးပေါင်းရင်းမြစ်များ

ئنجیل مەتا 1:23

«بنوڕ دویەتئازەوێگ زگێ پڕ بود و کوڕێ تیەرێده دنیا و ناوێ نەنه عمانوئیل،» عمانوئیل یانێ ’خودا ها گەردمان‘.

ئنجیل مەتا 18:10

«هوشدان بود یەکیگ له ئی بویچگیله سوکەو نەکێن، چوینکه وەپێدان ئویشم فریشتەیلێان وەناو ئاسمان هەمویشه ڕوی باوگم که ها ناو ئاسمان دوینن.

ئنجیل مەتا 18:11

چوینکه کوڕ ئنسان هاتێه تا ئەوه که گوم بیه نجات بێید.

لوقا 19:10

چوینکه کوڕ ئنسان هاتێه تا ئەوانه که گوم بینه پەێا بکێد و نجات بێید.»

لوقا 9:56

چوینکه کوڕ ئنسان ناتیه تا گیان مەردم له لێان بسێنێ بەڵکەم هاتێه تا نجات بێیدن.» ئمجا چینه ئەڕا ئاوایێگتر.

یوحەنا 1:29

ئی ڕوژەگەێ، یەحیا عیسا دی که تێ وەرەو لاێ، یەحیا وەت: «بنوڕن، ئیەسه وەرک خودا که گوناێ جهان هەڵگرێ بید!

یوحەنا 10:36

جا چوینه مه که باوگ ئاسمانی تەقدیسم کرد و کل کرده ئی جهانه، ئویشین ”کفر کەی،“ وەبونەێ ئیه که وەتم مه ”کوڕ خودام“؟

یوحەنا 11:42

زانستیام که هەمویشه مه شنەفێ. وەلێ ئیه وەبونەێ مەردمیگ وەتم که وه ئێرا وسانه، تا ئیمان بارن که تو کلم کردی.»

یوحەنا 17:18

هەر ئەوجورە که تو مه کل کردی ئەڕا جهان، منیش ئەوانه کل کردمەسه جهان.

یوحەنا 17:21

تا ئەوانه گشتێان یەکی بون، ئێ باوگه، هەر ئەوجورە که تو هایده ناو مه منیش هامه ناو توی. با ئەوانیش وەناو ئیمه بون، تا جهان ئیمان بارێ تو مه کل کردیده.

یوحەنا 17:23

من هامه ناو ئەوانه و تو هایده ناو من. تا که وه تەمامی بونه یەکی تا جهان بزانێ تو مه کل کردی و ئەوانیش هەر ئەوجورە دوس داشتی که مه دوس داشتی.

یوحەنا 17:25

«ئێ باوگ داداپەروەر، هەر چه‎ن جهان تو نیەناسێ، وەلێ مه ناسمەد، ئیانەیش زانن تو مه کل کردیده.

یوحەنا 17:3

زنەیی ئەبەدی ئیەسه، ئەوانه توی که تەنیا خوداێ ڕاسەکانید و عیسا مەسیح که کلی کردیده، بناسن.

یوحەنا 17:8

چوینکه کەڵامێگ که وه مه سپاردی، وەپێان سپاردمه، ئەوانیش قەبوڵ کردنه و وه ڕاسی زانستنه که له لاێ تنەو هاتم و ئیمان هاوردنه که تو کلم کردی.

یوحەنا 20:21

عیسا وه دواره وەپێان وەت: «سڵام وه ئیوه! هەر ئەوجورە که باوگ مه کل کردێه، منیش ئیوه کل کەم.»

یوحەنا 3:34

چوینکه ئەوه که خودا کلی کردێه، کەڵام خودا وه زوان تیەرێ، چوینکه خودا روح خوەێ بی ئەنازه بەخشێد.

یوحەنا 5:36

وەلێ مه شاێەتێگ دێرم که له شاێەتی یەحیا گەوراتره، چوینکه کاریلێ که باوگ ئاسمانی وه من سپاردیه تا وه ئەنجام برەسنم، یانێ هەر ئی کاریله که کەم له باوەت مه شاێەتی دەن که باوگ کلم کردێه.

یوحەنا 5:38

و کەڵامەگەیشێ وەناو دڵدان نیەمینێ، چوینکه وه ئەو کەسه که ئەیو کل کردێه، ئیمان نێرین.

یوحەنا 5:45

خیاڵ مەکەن که مه له لاێ باوگ ئاسمانی بخت کەمه پێدانەو؛ یەکی هەس که بخت بکەیده پێدان، ئەوه موسای پەێخەمەره، هەرئەوه که ئمید بەساینەسه پێ.

یوحەنا 6:29

عیسا وه جواوێان وەت: «کار خودا ئیەسه وه ئەوه که کلی کردێه ئیمان بارن.»

یوحەنا 6:38

چوینکه له ئاسمانەو هاتمەسه خوار، نه ئەڕا ئەنجام خاست خوەم، بەڵکەم ئەنجام خاست ئەیو که کلم کرد.

یوحەنا 6:40

چوینکه خاست باوگم ئیەسه که هەر کەس چەو بوڕیه کوڕ و ئیمانه پێ بارێ، زنەیی ئەبەدی بیاشتوید و مه وه ڕوژ ئاخر زنیەو کەم.»

یوحەنا 6:57

هەر ئەو جوره که باوگ زنی مه کل کرد و مه وەبونەێ باوگ زنەیی دێرم، جا هەر کەسێگ له مه بخوێ، وەبونەێ مه زنەیی دێرێد.

یوحەنا 7:29

وەلێ مه ناسمێ، چوینکه مه له لاێ ئەیو تیەم و ئەیویش مه کل کرد.»

یوحەنا 8:11

ژنەگە وەت: «هویچکەس، گەورەم.» عیسا وەت: «منیش ماکومد نیەکەم. بچو و دیتر وه ئیەولا گونا مەکه.»

یوحەنا 8:42

عیسا وەپێان وەت: «ئەگەر خودا باوگدان بویاد، دوسم داشتیاین، چوینکه مه له لاێ خوداوه هاتمه و هامه ئێره. مه له خوەمەو ناتمه، بەڵکەم ئەیو کلم کرد.

یەکم یوحەنا 2:2

عیسا کەفارەت گونایلمانه، نه تەنیا گونایل ئیمه، بەڵکەم گونایل تەمام جهان.

یەکم یوحەنا 4:14

ئیمەیش دیمنه و شاێەتی دەیم که باوگ ئاسمانی، کوڕەگەێ خوەێ کل کردێه تا بوده نجات دەر جهان.