یوحەنا 20:2 - کتاب مقدس به زبان کردی جنوبی - گویش کلهوری

² جا وه دەودەوان چیه ئەڕا لاێ شەمعون پتروس و ئەو شاگردەگە که عیسا دوسی داشت، وەپێان وەت: «گەورەمان له مەقبەرەگه بردنەسەێ و نيەزانیم نانەسێ کوره.»

یوحەنا 20:2 ပူးပေါင်းရင်းမြစ်များ

یوحەنا 13:23

یەکی له شاگردیلی که عیسا دوسی داشت، له سەر سفرەگە له لاێ عیسا پاڵەو داوید.

یوحەنا 19:26

وەختێ عیسا دی که داڵگێ له لاێ ئەو شاگرده که دوسی داشت وساس، وه داڵگێ وەت: «ئافرەتەگه، بنوڕ کوڕەگەد».

یوحەنا 20:13

ئەوانه وەپێ وەتن: «ژنەگه، ئەڕا گیره کەی؟» ئەویش وەته پێان: «گەورەگەم بردنە و نيەزانم نانەسێ کوره.»

یوحەنا 20:15

عیسا وەپێ وەت: «ژنەگه، ئەڕا گیره کەی؟ هایده شون کی؟» مریەم خیاڵ کردیا باخەوانێگه، وەت: «گەورەم، ئەگەر تو بردیدەسێ، وەپێم بویش نایدەسێ کوره تا بچم بوەمیەو.»

یوحەنا 20:9

چوینکه هێمراێ کتاو موقەدەس نەفاموین که عیسا باێه له مردگیل زنیەو بود.

یوحەنا 21:20

پتروس هەڵوگەردیا و دی ئەو شاگرده که عیسا دوسی داشت کەفتیەسه شونێان. هەر ئەوه که له وەخت نان ئێواره پاڵەو داویه سینەێ عیسا و له لێ پرسوی، «گەورەم، ئەوه کیه که توێ دەیده دەس دشمەنەو؟»

یوحەنا 21:24

ئیه هەر ئەو شاگردەسه که وه ئی چشتیله شاێەتی دەێ و ئیانه نویساس. ئیمه زانیمن که شاێەتیەگەێ ڕاسه.

یوحەنا 21:7

جا ئەو شاگرده که عیسا دوسی داشت، وه پتروس وەت: «ئیه خوداوەنده!» وەختێ شەمعون پتروس شنەفت که خوداوەنده، هەر ئەو ئانه دڵنگەگەێ پێچاده دەور خوەێ، چوینکه ڕویتەو بوی، جا خوەێ خسته ناو دەریاچەگه.