یوحەنا 2:21 - کتاب مقدس به زبان کردی جنوبی - گویش کلهوری

²¹ وەلێ مابەدێگ که عیسا باسێ کردیا، لەش خوەێ بی.

یوحەنا 2:21 ပူးပေါင်းရင်းမြစ်များ

یوحەنا 1:14

کەلیمه بیه ئنسان و وەناومان نیشتەجێ بی. ئیمه جەڵاڵی دیمنه، جەڵاڵیگ شایسەێ ئەو تەنیا کوڕه که له لاێ باوگ ئاسمانی هاتوی. پڕ له فیز و ڕاسی.

یوحەنا 2:22

جا وەختێ عیسا وەناو مردگیل زنیەو بی، شاگردیلی کەفته هویرێان که ئی قسیه وەتوی و وه نویسریای موقەدەس و قسیەێگ که عیسا وەتوی ئیمان هاوردن.

یەکم قورنتییل 3:16

ئێ نيەزانين که مابەد خوداین و روح خودا وەناودان نیشتەجێه؟

یەکم قورنتییل 6:19

ئێ نيەزانين که جەسەدان مابەد روح‌القودوسه که ها ناودان و ئەوه له خودا گردينه و دی هن خوەدان نین؟

دویم قورنتییل 6:16

یا چ وه یەکەو کەفتنێگ ها له بین مابەد خودا و بتیل؟ چوینکه ئیمه مابەد خوداێ زنەیمن. هەر ئەوجورە که خودا وەناو تەورات و کتاویل پەێخەمەریل فەرمایش کێ: «وەناوێان نیشتەجێ بوم و وەناوێان ڕێ کەم و مه بومه خوداێ ئەوانه و ئەوانه بونه قەوم من.»

نامه وه کولوسییل 1:19

چوینکه گشت پڕی خودا خوەشنود بی که وەناو ئەیو نیشتەجێ بود و

نامه وه کولوسییل 2:9

چوینکه گشت پڕی خودا بوین، وه شێوەێ جەسەێ وەناو مەسیح نیشتەجێه،

عبرانییل 8:2

خزمەتکار شونیل موقەدەسه، یانێ ئەو دەوار ڕاسەکانیەسه که خوداوەند هەڵێ‎دا، نه ئایەمیزاێ.