یوحەنا 18:20 - کتاب مقدس به زبان کردی جنوبی - گویش کلهوری

²⁰ عیسایش جواو دا: «مه وەگەرد تەمام دنیا ئاشکرا قسیه کردمه و هەمویشه وەناو کەنیسەگان و وەناو مابەد که جێ گردە‎و بوین گشت جویلەکەیله، تالیم دامه. مه چشتێگ وه دزیەو نەوەتمه.

یوحەنا 18:20 ပူးပေါင်းရင်းမြစ်များ

ئنجیل مەتا 24:26

جا ئەگەر وەپێدان وەتن، ”بنوڕن، مەسیح ها ناو بیاوان،“ نەچنه ئەوره؛ ئەگەریش وەتن، ”بنوڕن، ها وتاخ پشتینه،“ باوەڕ نەکەن.

ئنجیل مەتا 26:55

وه ئەو ساته عیسا وه جەماێەتەگه وەت: «مەر مه ڕێگرم وەگەرد شمشێر و کوتەک هاتینه بگرینەم؟ مه هەر ڕوژ وەناو مابەد نیشتیام و تالیم دیام و نەگەردینەم.

ئنجیل مەتا 26:65

ئمجا کاهن گەورا یەخەێ خوەێ دڕان و وەت: «کفر کرد! دی شاێەت ئەڕا چەس؟ ئێرنگه کفرەگەێ شنەفتین،

ئنجیل مەتا 4:23

عیسا وه سەرئانسەر جەلیل گەردیاد و وەناو کەنیسەگانیان تالیم دیاد و خەوەر خوەش پادشایی خودا جار دیاد و هەر ژان و نەخوەشێگ که وەناو مەردم بی شەفا دیاد.

ئنجیل مەتا 9:35

عیسا وه گشت شاریل و ئاواییەگان گەردیاد، وەناو کەنیسەگانیان تالیم دیاد و خەوەر خوەش پادشایی خودا جار دیاد و هەر ژان و نەخوەشیش شەفا دیاد.

مەرقوس 8:32

وەختێ عیسا ئیه وه ئاشکرا وەت، پتروس کیشادێ لا و خوڕیه ملێەو.

لوقا 21:37

عیسا هەر ڕوژ وەناو مابەد تالیم دیاد، وەلێ هەر شەو له شار دیاده دەیشت و چیاده ئەڕا بان کویەێ زیتون، شەو تا شەوەکی مەنیاد.

لوقا 4:15

ئەوه وەناو کەنیسەگانیان تالیم دیاد و گشت یەکیگیش وه لێ تاریف کردیان.

یوحەنا 18:21

ئێ ئەڕا له مه پرسی؟ له ئەوانه بپرس که قسیەیلم شنەفتنه! ئەوانه خاس زانن مه چه وەتم.»

یوحەنا 6:59

عیسا ئیانه وەختێ فەرمایش کرد که وەناو کەنیسەێگ له ناو کەفەرناحوم خەریک تالیم بی.

یوحەنا 7:14

وەختێ یەێ کوت له ڕوژیل جەشنەگه ڕەد بی، عیسا هاته ناو مابەد‎ و شرو کرده تالیم داین.

یوحەنا 7:26

ئەوەسه ها ئێره ئاشکرا قسیه کێ و هویچه پێ نیویشن! یانێ بو گەورایل قەوم وه ڕاسی پێ بردوین که ئی ئایەمه هەر ئەو مەسیح واده دریایه؟

یوحەنا 7:28

ئمجا عیسا وەختێ وەناو مابەد تالیم دیا، وه دەنگ بەرز وەت: «مه ناسین و زانين له کورەو تیەم. وەلێ وه خاست خوەم ناتمه. ئەیو که کلم کردێه، حەقه؛ ئیوه نیەناسینێ.

یوحەنا 7:4

چوینکه هەر کەس که بتواێ بناسنێ، وه دزیەو کار نیەکێ. تو که ئی کاريله کەی، خوەد وه جهان نیشان بێه.»

یوحەنا 8:2

شەوەکی شەفەق، وه دواره عیسا هاتەو ئەڕا مابەد. مەردم گشتێ هاتنه ئەڕا لاێ و ئەیویش دانیشت و تالیمیان دا.

یوحەنا 8:26

چشتیل فرەێگ دێرم که له باوەت ئیوه بویشم و ماکومدان بکەم. وەلێ ئەیو که کلم کرد، وه حەقه و مه ئەو چشته که له لێ شنەفتمه، وه جهان جار دەم.»

کاریل ڕەسولەیل 26:26

چوینکه پادشا خوەێ ئی چشتیله زانی و منیش وه ئازای وەگەردێ قسیه کەم، ئەڕا ئیه که باوەڕ دێرم هویچکام له ئیانه له وەر چەویان دویر نەمەنیه، چوینکه هویچکامێان وه دزیەو هەڵنەکەفتیه.