یوحەنا 17:8 - کتاب مقدس به زبان کردی جنوبی - گویش کلهوری

⁸ چوینکه کەڵامێگ که وه مه سپاردی، وەپێان سپاردمه، ئەوانیش قەبوڵ کردنه و وه ڕاسی زانستنه که له لاێ تنەو هاتم و ئیمان هاوردنه که تو کلم کردی.

یوحەنا 17:8 ပူးပေါင်းရင်းမြစ်များ

ئنجیل مەتا 13:11

عیسایش جواو دا: «دەرک رازیل پادشایی ئاسمان وه ئیوه دریاس، وەلێ وه ئەوانه نێریاس.

یوحەنا 12:49

چوینکه مه له خوەمەو قسیه نەکردمه، بەڵکەم باوگێ که کلم کرد خوەێ حوکمه پێم کرد که چه بویشم و له چه قسیه بکەم.

یوحەنا 14:10

باوەڕ نیەکێ که مه هامه ناو باوگ و باوگیش ها ناو مه؟ قسیەیلی که مه وەپێدان ئویشم له خوەمەو نیویشم، بەڵکەم باوگێ که وەناو من نیشتەجێه، کاریل خوەێ کێ.

یوحەنا 15:15

دی وەپێدان نیویشم خزمەتکار، چوینکه خزمەتکار له کاریل ئەرواوەگەێ خەوەر نێری. بەڵکەم ئیوه وه ڕەفیقەیل خوەم خوەنیمه، چوینکه له هەر چی له باوگم شنەفتمه، ئاگاداردان کردمه.

یوحەنا 16:27

چوینکه باوگ خوەێ دوسدان دێرێ، ئەڕا ئیه که ئیوه دوسم داشتینه و باوەڕ کردینه که له لاێ خوداوه هاتمه.

یوحەنا 16:30

ئێرنگه زانیم که تو له گشت چشتێگ ئاگاداری و هەوەجید نیه کەس پرسیارێ له لێد بکێ. له ئی باوەتەسه که ئیمان دێریم له لاێ خوداوه هاتیدە.»

یوحەنا 17:14

مه کەڵام تو دامەسه پێان، وەلێ جهان قینێه لێان هاتێه، چوینکه هن ئی جهانه نین، هەر ئەوجورە که مه هن ئی جهانه نیم.

یوحەنا 17:18

هەر ئەوجورە که تو مه کل کردی ئەڕا جهان، منیش ئەوانه کل کردمەسه جهان.

یوحەنا 17:21

تا ئەوانه گشتێان یەکی بون، ئێ باوگه، هەر ئەوجورە که تو هایده ناو مه منیش هامه ناو توی. با ئەوانیش وەناو ئیمه بون، تا جهان ئیمان بارێ تو مه کل کردیده.

یوحەنا 17:23

من هامه ناو ئەوانه و تو هایده ناو من. تا که وه تەمامی بونه یەکی تا جهان بزانێ تو مه کل کردی و ئەوانیش هەر ئەوجورە دوس داشتی که مه دوس داشتی.

یوحەنا 17:3

زنەیی ئەبەدی ئیەسه، ئەوانه توی که تەنیا خوداێ ڕاسەکانید و عیسا مەسیح که کلی کردیده، بناسن.

یوحەنا 3:17

ئەڕا ئیه که خودا کوڕەگەێ کل نەکرده جهان تا جهان ماکوم بکێ، بەڵکەم هناردێ تا جهان وه وەسلەێ ئەیو نجات پەێا بکێ.

یوحەنا 3:33

هەر کەس شاێەتیەگەێ قەبوڵ بکێ، مور وه ڕاس بوین خودا کوتێ.

یوحەنا 6:68

شەمعون پتروس جواو دا: «گەورەم، بچیمنه ئەڕا لاێ کی؟ قسیەیل زنەیی ئەبەدی ها لاێ تو.

یوحەنا 8:42

عیسا وەپێان وەت: «ئەگەر خودا باوگدان بویاد، دوسم داشتیاین، چوینکه مه له لاێ خوداوه هاتمه و هامه ئێره. مه له خوەمەو ناتمه، بەڵکەم ئەیو کلم کرد.

یەکم قورنتییل 11:23

چوینکه ئەو چشته که سپاردمه پێدان له خوداوەند گردمه، که عیسا خوداوەند وه شەوێگ که دانەێ دەس دشمەن، نانەگه هەڵگرد و

یەکم قورنتییل 15:1

ئێرنگه ئێ برایلم، توام ئەو ئینجیله که وەپێدان بانگەوازی کردم و قەبوڵێ کردین، بارمه هویردان که وەناوێ هاینه سەر پا و

یەکم تسالونیکییل 2:13

هەر ئیجوره ئیمه یەێ‌سەر وه ئی بونه سپاس خودا کەیمن که ئیوه له وەخت قەبوڵ کردن کەڵام خودا، که له ئیمه شنەفتین، ئەوه نه جور قسیەيل ئنسان، بەڵکەم جور کەڵام خودا قەبوڵ کردین، که وه ڕاسی هەر ئیجورەسه؛ هەر ئەو کەڵامه که وەناودان که ئیمان دێرین، کار کەێد.

یەکم تسالونیکییل 4:1

جا دەس ئاخر، ئێ برایل، ئیوه لەلێمان یاێ گردین که ڕێ رەوشتدان باێه چوی بود تا خودا خوەشنود بکێن، هەر ئەوجورە که ئیجوریشه کین. ئیسه وەناو خوداوەند عیسا لەلێدان توایمن و لاڵکێیمنه پێدان که له ئی باوەتەو هەر چی فرەتر تەقالا بکێن.

یەکم یوحەنا 4:14

ئیمەیش دیمنه و شاێەتی دەیم که باوگ ئاسمانی، کوڕەگەێ خوەێ کل کردێه تا بوده نجات دەر جهان.

وەحی وه یوحەنا 1:1

وەحی عیسا مەسیح، که خودا بەخشاسه پێ تا ئەو چشتیله که باێه وه ئی زویه هەڵبکەفێ، وه خوڵامیل خوەێ نیشان بێید و ئەوه وەگەرد کل کردن فریشتەێ خوەێ وه خولامەگەێ خوەێ یوحەنا ئاشکرا کرد.