یوحەنا 17:11 - کتاب مقدس به زبان کردی جنوبی - گویش کلهوری

¹¹ مه دی وەناو جهان نیەمینم، وەلێ ئەوانه هانه ناو جهان، منیش تیەمه‎ ئەڕا لاێ توی؛ ئێ باوگ موقەدەس، ئەوانه وه ناو خوەد که وه مه بەخشایده، بپارێزن تا یەکی بون هەر ئەوجورە که ئیمه یەکیگیم.

یوحەنا 17:11 ပူးပေါင်းရင်းမြစ်များ

ئنجیل مەتا 10:16

«بنوڕن مه ئیوه جور پەسیل کلدان کەمه ناو گورگێل. جا جور مار هوشیار بون و جور کەموتەر بیتاوان.

ئنجیل مەتا 5:48

جا ئیوه باێه کامڵ بوین هەر ئەوجورە که باوگ ئاسمانیدان کامڵه.

ئنجیل مەتا 6:9

جا ئیوه ئیجوره دوعا بکەن: «ئێ باوگ ئیمه که هایده ناو ئاسمان، ناود موقەدەس بود.

یوحەنا 13:1

وەرجه جەشن پسەخ، عیسا زانستیا وەختێ ڕەسیه که له ئی جهانه بچوده ئەڕا لاێ باوگ ئاسمانی، جا شاگردیل خوەێ که وەناو ئی جهانه دوسیان داشت، وه تەمامی مابەتێان کرد.

یوحەنا 13:3

عیسا که زانستیا باوگ گشت چشتێگ سپاردێەسه دەسێ و لەلاێ خودا هاتێه و چودەو ئەڕا لاێ خودا،

یوحەنا 14:20

وه ئەو ڕوژه، زانین که مه هامه ناو باوگم و ئیوەیش هاینه ناو من و مه هامه ناو ئیوه.

یوحەنا 16:28

مه له لاێ باوگ هاتم و هاتمەسه ناو ئی جهانه؛ ئێرنگەیش ئی جهانه هیلمه جێ و چمه ئەڕا لاێ باوگ.»

یوحەنا 16:33

ئیانه وەپێدان وەتمه تا وەناو مه ئاشتی و سڵامەتی بیاشتوین. وەناو جهان تویش بەرد تێین؛ وەلێ دڵدان قورس بو، مه وه مل ئی جهانه زاڵەو بیمه.»

یوحەنا 17:23

من هامه ناو ئەوانه و تو هایده ناو من. تا که وه تەمامی بونه یەکی تا جهان بزانێ تو مه کل کردی و ئەوانیش هەر ئەوجورە دوس داشتی که مه دوس داشتی.

یوحەنا 17:25

«ئێ باوگ داداپەروەر، هەر چه‎ن جهان تو نیەناسێ، وەلێ مه ناسمەد، ئیانەیش زانن تو مه کل کردیده.

یوحەنا 17:6

«من ناو تو ئەڕا مەردمێگ که وه ئی جهانه وەپێم بەخشیده، ئاشکرا کردمه. ئەوانه هن تو بین و تو وەپێم بەخشایده، ئەوانیش کەڵامد پارێزاننه.

یوحەنا 7:33

ئمجا عیسا وەت: «ماوەێ کەمێگ تر هامه گەرددانە‎و، ئمجا چمه ئەڕا لاێ ئەو کەسه که کلم کرد.

کاریل ڕەسولەیل 3:21

که باێه بمێنێده ناو ئاسمان، تا وەخت خاسەو کردن گشت چشتێگ، هەر ئەو جوره که خودا له جارانەو وه زوان گشت پەێخەمەریل موقەدەس خوەێ وەتیه.

رومیەگان 12:5

ئیمەیش هەرچەن فرەیمن، وەناو مەسیح یە جەسەیمن و هەر کام، گله وه گله ئەنامیل یەکترەکێم.

رومیەگان 9:17

چوینکه وەناو تەورات، خودا وه فرعون ئویشێ: «هەر وه ئی ئامانجه تو هەڵوڕانم تا هێز خوەم وەناو توی نیشان بێەم و تا وەناو سەرئانسەر زەوی ناوم جار بێرێید.»

یەکم قورنتییل 1:10

ئێ برایل، وه ناو خوداوەندمان عیسا مەسیح لاڵکمه پێدان که بکەفینه یەکا و وەناودان دودەسەیی نود، بەڵکەم وەناو فکر و رأی پشت یەک بگرن.

نامه وە غەلاتییل 3:28

دیتر نه جویلەکە مانا دێرێ نه یونانی، نه خوڵام نه ڕزگار، نه پیا نه ژن، چوینکه ئیوه گشتدان وەناو مەسیح عیسا یەکیگین.

ئەفسوسیێل 4:4

چوینکه یەێ جەسه و یەێ روح هەس، ئەوجورەکە ئەڕا یەێ ئمید که هن داوەتەگەدانە دەنگ کریاینه؛

نامەێ فیلیپییل 2:9

وەبونەێ ئیه خودا فره فره بەرزیەو کردێه و ئەو ناوه داسه پێ که سەرتر له گشت ناویله،

عبرانییل 1:3

ئەیو بریقەێ جەڵاڵ خودا و وێنەێ کامڵ سریشت ئەیوه و گشت چشتێگ وه کەڵام وە قەوەت خوەێ قورس پارێزنێد. ئەیو وەشون پاکەو کردن گونایل، وه دەس ڕاس خوداێ گەوراێ هەربەرز وەناو بانترین شون ئاسمان دانیشت.

عبرانییل 9:24

چوینکه مەسیح نەچیه ناو موقەدەسترین شونێگ که وه دەس بەشەر درس کریاوی که نمونەێگ له چشتیل ڕاسەکانیه، بەڵکەم چیه ناو خود ئاسمان تا ئێرنگه له جێ ئیمه له لاێ خوداوه ئاشکرا بود.

یاقوب 4:4

ئی مەردم داوانپێس، مەگەر نيەزانين که دوسی وەگەرد ئی جهانه دشمەنی وەگەرد خوداس؟ جا هەر کەسێگ وەشون دوسی وەگەرد جهان بود، خوەێ کەێده دشمەن خودا.

یەکم پتروس 1:5

ئەڕا ئیوه که وه هێز خودا و له ڕێ ئیمان، پارێزیاینه ئەڕا نجاتیگ که گورجەو کریاس تا له زەمان ئاخر ئاشکراوه بود؛

یەکم یوحەنا 3:12

ئیمه نەبایه جور قائن بویمن، ئەوه که هن ئەو شەڕئاشوه بی و براگەێ خوەێ کوشت. ئەڕا چه کوشتی؟ چوینکه کاریل خوەێ خراو بی و کاریل براگەێ درس بی.

یەکم یوحەنا 5:19

ئیمه زانیمن که له خودایمن و گشت جهان پاڵەو داسه ژێر هێز ئەو شەڕئاشوه.

یەهودا 1:1

له یەهودا، خوڵام عیسا مەسیح و براێ یاقوب، وه دەنگ کریایلێگ که وەناو خوداێ باوگ عەزیزن و ئەڕا عیسا مەسیح پارێزیانه:

یەهودا 1:24

وه ئەیو که تویەناس ئیوه له کەفتن بپارێزنێ و وه لاێ پڕ جەڵاڵ خوەێ بی نەخس و نیقەڵتوز له خوەشی فره گەوراێگ گورجەو بکێد،

وەحی وه یوحەنا 15:4

ئێ خوداوەند کیه که له توی زاورێ نەچود و ناو توی جەڵاڵ نیەید؟ چوینکه توی، هەر تەنیا توی، قودوسێ. گشت ملەتیل تیەن و توی پەرەسش کەن چوینکه کاریل دادپەروەرانەێ توی ئاشکراوه بیه.»

وەحی وه یوحەنا 19:12

چەويلی مینێده ئاگر گران و تاجیل فرەێگ ها بان سەری. ناوێگ وه ملێەو نویسریاس که هویچکەسێگ بێجگه خوەێ نیەزانیدەێ.

وەحی وه یوحەنا 4:8

ئەو چوار گیانەوەر زنیه، هەر کامێان شەش باڵ دێرن و دەور تا دەور و تەنانەت له ژێر باڵەگانێانیش، پڕ له چەوه و شەو و ڕوژ نیه‎وسن و ئویشن: «قودوس، قودوس، قودوسه خوداوەند خوداێ هەر وه تویەنا، ئەیو که بیه و هەس و تێد.»