یوحەنا 17:1 - کتاب مقدس به زبان کردی جنوبی - گویش کلهوری

¹ وەختێ عیسا ئی قسیەیله کرد نوڕیه ئاسمان و وەت: «باوگه، وەختێ ڕەسیه. کوڕەگەد جەڵاڵ بیه تا کوڕەگەدیش جەڵاڵد بێید.

یوحەنا 17:1 ပူးပေါင်းရင်းမြစ်များ

مەرقوس 14:41

ئمجا عیسا ئەڕا سێیەم جار هاته ئەڕا لاێ شاگردەگان و وەپێان وەت: «هێمراێ خەفتین و شەکەتی دەر کین؟ بەسه دی! ئێرنگه ئەو وەخته ڕەسیه. ئێرنگه کوڕ ئنسان درێیده دەس گوناکاریل.

لوقا 18:13

وەلێ ئەو باجگره له دویرەو وساوی تەنانەت نەتواس چەویل خویشێ وەرەو ئاسمان هێز بێی، بەڵکەم دیا سینەێ خوەێ و وەتیا: ”خودایا، بەزەیێده من گوناکار باێد.“

لوقا 22:53

هەر ڕوژ وەناو مابەد وەگەرددانەو بیم، دەس وه مه دریژەو نەکردین. وەلێ ئیه، وەخت ئیوه و دەسڵات تیەریکیه.»

یوحەنا 11:4

وەلێ وەختێ عیسا ئی خەوەره شنەفت، وەت: «ئی نەخوەشیه ‏نیەوده بایس مردن، بەڵکەم ئەڕا جەڵاڵ خوداس، تا کوڕ خودا وه وەسلەێ ئەوه جەڵاڵ پەێا بکێ.»

یوحەنا 11:41

جا کوچگەگه پل دان. عیسا نوڕیه ئاسمان و وەت: «باوگه، سپاس ئەڕا ئیه که دەنگم شنەفتیدە.

یوحەنا 12:23

عیسا وەپێان وەت: «وەخت جەڵاڵ پەێا کردن کوڕ ئنسان ڕەسیه.

یوحەنا 13:1

وەرجه جەشن پسەخ، عیسا زانستیا وەختێ ڕەسیه که له ئی جهانه بچوده ئەڕا لاێ باوگ ئاسمانی، جا شاگردیل خوەێ که وەناو ئی جهانه دوسیان داشت، وه تەمامی مابەتێان کرد.

یوحەنا 16:32

بنوڕن وەختێ دێرێ رەسێ، وه ڕاسی هەر ئیرنگه رەسیه که تەفرتویناوه بوین و هەر کامدانیش چوده ئەڕا ماڵ خوەێ و مه تەنیا هیلین؛ وەلێ من تەنیا نیم، چوینکه باوگ ها گەرد مه.

یوحەنا 7:30

جا تواسن بگرنەێ، وەلێ هویچکەس دەس ئەڕاێ دریژەو نەکرد، چوینکه هێمراێ وەختێ نەرەسوی.

یوحەنا 7:39

عیسا ئی قسیه له باوەت روح خودا وەت، که ئەوانه که ئیمان وەپێ تیەرن، گرنەێ وەر؛ چوینکه هێمراێ روح خودا نێریاوی، ئەڕا ئیه که عیسا هێمراێ جەڵاڵ پەێا نەکردوی.

یوحەنا 8:20

عیسا ئی قسیەیله له وەخت تالیم له ناو مابەد له شونێگ که خەزانەی مابەد له ئەوره بی، وەت. وەلێ هویچکەس نەگردێ چوینکه هێمراێ وەختێ نەرەسوی.

کاریل ڕەسولەیل 3:13

خوداێ ئێبراهیم و خوداێ ئەسحاق و خوداێ یاقوب، خوداێ باپیریلمان، خزمەتکار خوەێ، عیسا جەڵاڵ دا، هەر ئەوه که ئیوه داینەێ دەس و لەلاێ پیلاتوس حاشاێ کردین، هەر چەن ئەوه تواسیا ڕزگاری بکێ.

یەکم پتروس 1:21

ئیوه وه وەسلەێ ئەیو وه خودا ئیمان هاوردینه، وه خوداێگ که مەسیح له مردگیل زنیەو کرد و جەڵاڵ بەخشی تا ئیمان و ئمیددان وه مل خوداوه بود.